1 SAMUEL 14:50 - Allah Wene Fano Wene Hupla Inane

⁵⁰ Agwe re, ap Ahimaas a'logo enu re, Ahinoam. Nen, Saul agoromi tentara mene inoe kain he, at Saul agailak, Ner amlogo Apner andi.

1 SAMUEL 14:50 ပူးပေါင်းရင်းမြစ်များ

2 SAMUEL 2:8

Abner hun Ner amlogo at Saul agoromi tentara inoe panglima welagaikhe mene a'nogo inom, Isyboset hun Saul amlogo a'nogo inom, emberek heise wulifukwasik he i Yordan palogo elikwe fikhit o Mahanaim andoma lagaukwa.

2 SAMUEL 3:27

At Abner a'nogo hondo'luk wagaukwasik o Hebron asi wagaukwama re, at Yoab en hondok haluk he, o kota kwe ambe pale'ma kwi wagaikharek oba nen esanggoma andoma, wene linglong yagasigeluk hakhogo hondo'luk lagaikhe. Hondo'luk lagaikhesik aremnogo nenat ferekhogo at Yoab a'nogo nen Abner alabut talogo watfesikhemo, Abner ebe wa'lagaikhe. Wa'lagaikhemo at Yoab en he, agot Asael Abner en watikhe mene a'nogo faget endawimo sebelek welagaikhe mene a'nogo unggulmo re, Abner ebe watikhe andi.

2 SAMUEL 3:38

A'nogo hilingitu kwelek, at raja nen, it at inom era'lu hophogo lagaikharek mene aremnogo inoba ikhi logolik he, ”O yogondak yi sambul he nit afuni Israel mene ninoba nen ninoe melalninaferek mene misik ekhe kweangma hulambethe andi re hit he hinonggot nogo a?

2 SAMUEL 3:6

Weim it Daud ebikhit mene inom, Saul ebikhit mene inom omanogo re yafu mondok were'ma, at Abner en weim yafi lagaikhekwe a'nogo it Saul ebikhit mene a'nogoba inomame asuageluk hilingiti lagaikhe.

1 TAWARIKH 26:28

Lebekhogo re, at Salomit inom, at eisok erokwe mene inom he yi mene ti mene Tuhan Awi wuri'mo andoma nen amu enogo hilingitungge iluk fei waga lagaukwangge andoma inom, fena at Allah ane yagaisikhi lagaukwa mene nabi Samuel sebene nen at raja Saul en fei wagaikhe mene omanogo inom, Abner en inom, Ner en inom, hun Zeruya amlogo Yoab a'nogo nen fei loageluk wogeti lagaukwa mene fei waga lagaikhe mene inom omanogo halhi lagaukwa.

1 SAMUEL 10:14

A'nogo lagagunem, at Saul eisena agot a'nogo nen eilenggen isasikhesik, it heinok wogisikhi logolik, hit he koma nen wagep? Iluk heinok wogisasikhemo, iren onggo yagati logolik he, ”Nit he wam keledai longgo ikhe mene herarik lago mene re legen he, Samuel oba lagosigen wago o,” iluk yagatikhe.

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.

1 SAMUEL 26:5

A'nogo elu agaikhesik Daud a'nogo weak-weak Saul awi tenda salogo nogokhi lagaikhe ba omanogo lagaikhesik hilingitunemen he, Saul awi sabu nogokhi lagaikheba a'nogo re Abner hun Net amlogo a'nogo nogokhi lagaikhe, nen Saul en awi sabu a'nogo re tulem wuri'mo agoromi tentara inawi re abel fena-fena haningisogo wurik welagaikhe.