1 SAMUEL 14:47 - Allah Wene Fano Wene Hupla Inane

⁴⁷ At Saul afuni Israel mene inoe raja agaikhesik logolik he, afuni Israel inaselei mene o ekhema-ekhema welagaukwa mene inom weim hokhorogo yafi lagaikhe. Selei mene andi re, ap Moab mene inom, Amon mene inom, Edom mene inom, afuni Zoba mene inogogwi raja-raja inom, Filistin mene inom, yafi lagaukwa. Weim ekhema-ekhema yafi logolik he, at Saul maben agi'lek omame nek aga lagaikhe.

1 SAMUEL 14:47 ပူးပေါင်းရင်းမြစ်များ

KEJADIAN 19:37

A'nogo ina'ma agaukwasik, a'logo manggusa mene a'nogo eak abengge takhasikhesik enu Moab salhikhe. At he, afuni inunggulenu Moab mene yogondak werek andi inomba ta'lagaikhe andi.

KEJADIAN 19:38

Nen, at Lot a'logo hobuk mene a'nogo nen eak abengge takhasikheat. Takhasikhemo re, enu Ben-Ami salhikhe. At andi afuni inunggul enu Amon mene inomba ta'lagaikhe andi.

KEJADIAN 36:1

Hun Esau enu ekhe Edom ikhi lagaukwa agun a'nogo nen taginafikhe mene inebe re yi:

KEJADIAN 36:19

Inogogwi inunggulenu lombok andire at Esau nen ambisangmangge ta'larik wagaukwa mene.

KEJADIAN 36:8

A'nogo minggilagaukwasik Esau enu Edom ikhi lagaukwa mene a'nogo o Seir tom oba andoma lagaikhesik femhogo welagaikhe.

2 SAMUEL 1:22

Yonatan asikhe re, eindep fano mondok mene o, Saul enggarok he, ap endawirinaferek lek mene o. Selei mene inoatik, inom weim palek mene leget fisigik ikherek mene o.

2 SAMUEL 10:6

Aren a'nogo isikhemo nen it afuni Amon mene nen anggikhi logolik he, niren hilingitoba at Daud a'nogo nit ninom aselei mene aga, iluk anggasukwasik weim ya'nisoageluk ap yonggore it sikhe fisogo mene Sirian inap o Bet-Rehob inom, Zoba inom, welagaukwa mene re inebe 20.000 nen inom, it weim yafu inap inawi Tob mene re inebe 12.000 nen inom, nen at raja o Maakha mene agoromi inebe 1.000 nen inom yonggo fesikhe.

2 SAMUEL 8:15

A'nogo at Daud en it afuni Israel mene mondogat halfisikhi logolik he, aren againafuri Israel mene inoba fanorogo hilingfisigik, higithogo hilingfisigik, ikhi logogin iluk hilingiti lagaikhe.

2 SAMUEL 8:3

Andi nen at Daud en he, raja Hadadezer hun Rehob amlogo o Zoba melalinafi lagaikhe agun, o kota Damsyik horokhogo andoma o kerajaan welagaikhe mene omanogo mabenet fesikhe. Andi sambul he at Hadadezer he wilayah i Efrat elesi fikhit andoma at omame werek mene a'nogo ambotkwe ekhe inom omamerasigin iluk ebekhalem lagunemen omame leget fesukwa.

1RAJA-RAJA 11:23

At Allah nen hun Rezon, Elyada amlogo a'nogo nen ogo Salomo aselei mene asuageluk inom weim palek mene hilingfesikhe. Rezon andi re hun raja Hadadezer awi Zoba agun a'nogo amingmingengge welagaikheba nen he onggwaregen heise wulifikhesik lagaikhe agun.

2 RAJA-RAJA 14:27

Nen, Tuhan nen it inunggulenu Israel mene andi mondogat lek hilingisogo fisogon lek iluk anggasikhesik, Aren raja Yerobeam pirenek mene andi bene nen leberisasikhe.

1 SAMUEL 12:2

Yethani, an nebe alageba nen pikhit yogondak huli fethinarek logolik, nagainafuri taginafi mene arat inalue agaikhasik hinom welagep yi. Andi nen he, an yogondak arat yaman agarik, nesi helel mondogat wulife andi, o yogondak huli nen he, ap an nen menfigi mene yi nen fethinarek logogin o.

1 SAMUEL 13:1

At Saul raja menlagaikhesik oba, inenggi ekhe sambul he,

1 SAMUEL 14:46

A'nogo hilinglagaikhemo, at Saul en ap Filistin mene hobuk muginarek lagi'lek andi nen, it inambotkwe inaiba lagaukwa.

1 SAMUEL 14:52

At Saul ebe eluk logolik, ap Filistin mene inom weim mondok aniniweak yafi lagaikhe. A'nogo yafi lagaikhe andi nen, ap ekhe ailo lek omame hokho logolik weim yafu halok he, at Saul en eil fene-fene at agoromi tentara mene asuageluk weak-weak woginafi lagaikhe.

1 SAMUEL 21:7

(A'nogo hilingitunem fanoasuak andem sambul he at hun Doeg awi Edom agun andi it at Saul en anggo konharek mene inoe a'nogo aren afuni nen wene melalek oba hilingiti logolik obaget hilingitu aple hilingisigin iluk wagaikhesik andoma welagaikhe.)