1 SAMUEL 14:40 - Allah Wene Fano Wene Hupla Inane

⁴⁰ Inane a'nogo igi'lek kamo isukwama, at Saul en it mondogat mel yagaisasikhe: ”Hit hinebe mondogat oma mendek logoino, nen an namlogo Yonatan nemberek yoma mendek logogun,” iluk yagaisasikhemo, iren he, ”Haren, yi'nogo hilingisumo nek he, fano, iluk anggegen mene andi hilingisuogo,” iluk yagatukwa.

1 SAMUEL 14:40 ပူးပေါင်းရင်းမြစ်များ

2 SAMUEL 15:15

A'nogo yagaisasikhemo, iren he, ”Fano, noe. Haren, yi'nogo hilingisuok, iluk yaganisegen halok, nit hamingmingengge mene yi, hat hane hologo hilingisugun o, ninoe,” iluk yagatukwa.

1 SAMUEL 1:23

A'nogo yagatikhemo, at Elkana nen yagati logolik, ”Fano, a'nogo anggegen halok he, hilingisin o. Omalik ari eilak paligin oba arat asi wagu halogen, lanogen he oloba kamo in o. Haren yi'nogo hilingisigin, iluk nineisena Tuhan wene wareten mene andi eberogoat hilingi'nogo,” iluk yagatikhe. A'nogo yagatikhemo, at Hana oloba kamo isikhesik were'ma nen omalik a'nogo eilak arat paligin oba horok asi wagaikhe.

1 SAMUEL 14:36

A'nogo wutikhesik, at Saul en agoromi tentara omanogo inoba mel yagaisasikhe: ”Weim pin kwi lambik afuni Filistin mene inoasi louwogo. Lambik he, hup inukhogo hugulengge wanhi logombik he, huli o wei ugunemen he, inebe mondok felelenghogo inoa'no o,” iluk yagaisasikhemo, iren he, ”Haren, yi'nogo hilingisuok, iluk egen halok he, fano nego,” iluk yagatukwa. A'nogo isukwa meneat he, ap Allah eisewerek mene a'nogo nen mel yagatikhe: ”Nit Allah nen yaganisoageluk, attak anema wanuogo,” iluk yagatikhe.

1 SAMUEL 14:39

A'nogo heratunem, ap ekhe nen a, athe an namlogo Yonatan ebe nen a, weak hilingitemo halok, ebe mondok wasuageluk, nineisena Tuhan Eluk Mondok welagarek mene nen telninafe mene a'nogo enu hombuk palogo yagahisigi o,” iluk yagaisasikhe meneat he, inebe mondogat inailo nen onggo ekhe isukwa mondok lek.

1 SAMUEL 14:41

A'nogo isukwama, at Saul en samban Allah mel yagatikhe: ”Nit afuni Israel mene nineisena Allah, o yogondak he, wene onggo yaganeten lek andi nenahalok? Neisena, Hat honggwarek hagalep yaba nen wene onggo yaganom o. An nen he a? Namlogo Yonatan nen he a, weak hilingitoma halok wene onggo helep Urim yiba nen yagane'no o. Mene re, hagainafuri Israel mene nen weak hilingitama halok, wene onggo helep Tumim yiba nen yagane'no o,” iluk yagatikhemo, Allah nen he, ”Weak hilingitepma,” iluk wene at Saul Yonatan emberek inoba figik, nen it tentara mene mondogat, ”It weak hilingiti'lek,” iluk inoba kotik, isikhe.

1 SAMUEL 14:7

A'nogo yagatikhemo re, ap alage a'nogo nen he, ”Haren yi'nogo, ti'nogo hilingisuok igin halok he, an nen io nek igin o,” iluk yagatikhe.