1 SAMUEL 14:39 - Allah Wene Fano Wene Hupla Inane

³⁹ A'nogo heratunem, ap ekhe nen a, athe an namlogo Yonatan ebe nen a, weak hilingitemo halok, ebe mondok wasuageluk, nineisena Tuhan Eluk Mondok welagarek mene nen telninafe mene a'nogo enu hombuk palogo yagahisigi o,” iluk yagaisasikhe meneat he, inebe mondogat inailo nen onggo ekhe isukwa mondok lek.

1 SAMUEL 14:39 ပူးပေါင်းရင်းမြစ်များ

2 SAMUEL 12:5

Ap eilmo wulalhak mene obabut weak hilingitikhe mene faget a'nogo yagatikhemo, at Daud esanggo holhikhesik he, a'mage hokhorogo lagasikhesik, mel yagatikhe: ”Ap enggi werek mene andi obabut mondok weak hilingite andi ri! Neisena Tuhan eluk welagarek mene oak. Ap andi nen he, wam domba andi onggo enggi attak figik, hobuk figik, huli 4 oba fagain o. A'nogo fugunem ap andi wene oba fembik ebe pinggi wasugun,” iluk yagatikhe.

2 SAMUEL 14:21

A'nogo isukwasik he at raja nen Yoab woletikhesik yagati logolik he,” Hat hendawimo anggikhi lagen mene andi re an nen tiphogo hilinghobagagin enggere, haren Absalom a'nogo hondosi laluk he waluk yoma we'no,” iluk yagatikhe.

PENGKHOTBAH 9:2

Eberogo nenat, ap mondogat inobabut he misigat asugun: Ap higithogo hilingiterek mene andi ogo, ap kwanirogo hilingitarek mene andi ogo, ap obabut fano mene ogo ap obabut weak mene ogo, ap pugunsek mene ogo, ap emerek mene ogo, ap obaget fikherek mene ogo, ap obaget fikherek lek mene ogo mondogat he higirenek. Ap weak hilingiterek mene inom weak hilingiterek lek mene inom, nen ap ane hombuk palherek mene inom ane hombuk palherek lek mene inom emberek he higirenek.

1 SAMUEL 14:24

At Saul en he, ”An naselei mene wene na mage inoba figi mene inebe inoati'lek oan logolik, ap sa nen sumburu yi mene ti mene ekhe nagain halok, Allah nen homan fouwago,” iluk Allah enuba hombuk palhikhemo nogo nen he, ap Israel mene nen ap Filistin mene muginarek lagaukwa andi sambul, lingge inukhogo sumburu yi mene ti mene nele nen inomame mondok lek agaikhe.

1 SAMUEL 14:40

Inane a'nogo igi'lek kamo isukwama, at Saul en it mondogat mel yagaisasikhe: ”Hit hinebe mondogat oma mendek logoino, nen an namlogo Yonatan nemberek yoma mendek logogun,” iluk yagaisasikhemo, iren he, ”Haren, yi'nogo hilingisumo nek he, fano, iluk anggegen mene andi hilingisuogo,” iluk yagatukwa.

1 SAMUEL 14:44

A'nogo yagatikhemo, at Saul en he, ”Namlogo e. An nen hat hoasuageluk wene hoba figi'lek halok, nineisena Tuhan nen an wene enggin mene noba fouwago,” iluk yagatikhe.

1 SAMUEL 19:6

A'nogo yagatikhemo, at Yonatan nen isikhe mene a'nogo Saul en futfesikhesik he, ”An nen Daud ebe wasigin mondok lego,” iluk Tuhan enu hombuk palhikhe.

1 SAMUEL 20:31

At ebe eluk werek kwelek, hat hebe afuni o yoma faget inoe raja asigin mondok lek andi futfikhi lagen lega? At ebe an nen mondok wasigin andi nen he, afuni ekhe at heragaisogo waluk wesuageluk weak-weak lakfisan o,” iluk yagatikhe.

1 SAMUEL 22:16

A'nogo yagatikheba nen at raja nen ikhi logolik he, ”Ahimelekh! Hat inom it hogogwi hagoromi inom he mondogat wa'lasugun o,” iluk yagatikhe.

1 SAMUEL 28:10

A'nogo yagatikhemo, at Saul en he, ”Tuhan eluk welagarek mene oak. Haren a'nogo igin andiba wene hoba fogoin mondok lego, iluk hombuk palogo wene watheti o,” iluk yagatikhe.