1 SAMUEL 14:3 - Allah Wene Fano Wene Hupla Inane

³ (Andi sambul, su enu efod ap Allah eisewerek logolik, labetarek mene a'nogo ap Ahitub amlogo enu Ahiya andi nen labe'luk lagaikhesik welagaikhe. Ahitub amlogore abo Ikabod Pinehas agailak a'nogo amlogo, nen Pinehas andi re, ap Eli Allah eisewerek o Silo welagaikhe mene a'nogo amlogo.) Nen at Yonatan andoma nen lagaikhe andi, it ap tentara mene omanogo inonggorat welagaukwa.

1 SAMUEL 14:3 ပူးပေါင်းရင်းမြစ်များ

1 SAMUEL 1:3

A'nogo logolik, at Elkana re nineisena Tuhan Allah omame hokho mene a'nogo fogeratik, wam warogo noletik, igiluk tahun hundik-hundik o Rama nen o Silo waga lagaikhe. O Silo andoma Allah eisewerek mene re, ap Eli againafuri Hofni inom, Pinehas inom welagaukwa.

1 SAMUEL 14:36

A'nogo wutikhesik, at Saul en agoromi tentara omanogo inoba mel yagaisasikhe: ”Weim pin kwi lambik afuni Filistin mene inoasi louwogo. Lambik he, hup inukhogo hugulengge wanhi logombik he, huli o wei ugunemen he, inebe mondok felelenghogo inoa'no o,” iluk yagaisasikhemo, iren he, ”Haren, yi'nogo hilingisuok, iluk egen halok he, fano nego,” iluk yagatukwa. A'nogo isukwa meneat he, ap Allah eisewerek mene a'nogo nen mel yagatikhe: ”Nit Allah nen yaganisoageluk, attak anema wanuogo,” iluk yagatikhe.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.

1 SAMUEL 2:28

Nen, afuni inunggulenu Israel mene mondogat inanggele'ma nen hat homba andi againafuri inom wenaginafigimo, inebe An eisewerek logolik, wam yi mene ti mene nolneti logogun oba yabu hilingitik, amben fano mene nolnetik, ikhi logolik, An ninom weneane uogoluk halok inunggulkwe efod su mene pukhogo nen igik, ikhi logouwageluk, inayonggo fesigi andi. A'nogo inayonggo fesigisi'mo re, it inebe inom, iren tagomangge mene inom. wam yi mene ti mene nolneti logolik, fenakwe it helikhi logouwageluk eisewerek fisasigi andi.

1 SAMUEL 22:20

We at Abyatar Ahimelekh amlogo nek he eluk wulifikhesik Daud were'ma lagaikhe.

1 SAMUEL 4:21

A'nogo kamo isikhesik, Peti Wene Warogo Allah nen wo'ninafikhe, iluk hilingik a'nogo telogo waluk lagik, at eisena inom, agun inom, emberek inebe inoatik, aga andi nen, ”Allah fogeratorek mene a'nogo ninanggele'ma nen longgoikhemo o,” iluk u hak, eak enu, ”Ikabod,” salhikhe. A'nogo salhi logolik mel isikhe: ”Peti Wene Warogo Allah nen wo'ninafikhe iluk hilingik a'nogo telogo waluk lagaikha andi nen, Allah fogeratorek mene a'nogo ninanggele'ma nen longgoikhemo o,” iluk isikhe.

1 SAMUEL 4:4

A'nogo isukwasik, Peti Wene Warogo nineisena Tuhan Omame Mondok Hokho mene nen wo'ninafikhe iluk hilingik a'nogoba Allah ebe tulem welagarek iluk era'lu fena-fena malaikat inebe pire inalik waganek welagaikhe. Andi nen he, Peti a'nogo waluk loageluk ap ekhe inayonggo fesukwasik o Silo lakfisa wagaukwa. A'nogo lakfisa wagaukwama, wanhukwasik he, ap Eli againafuri inebe pire, Hofni inom, Pinehas inom, inomen peti a'nogo waluk lagaukwa.