1 SAMUEL 14:24 - Allah Wene Fano Wene Hupla Inane

²⁴ At Saul en he, ”An naselei mene wene na mage inoba figi mene inebe inoati'lek oan logolik, ap sa nen sumburu yi mene ti mene ekhe nagain halok, Allah nen homan fouwago,” iluk Allah enuba hombuk palhikhemo nogo nen he, ap Israel mene nen ap Filistin mene muginarek lagaukwa andi sambul, lingge inukhogo sumburu yi mene ti mene nele nen inomame mondok lek agaikhe.

1 SAMUEL 14:24 ပူးပေါင်းရင်းမြစ်များ

MAZMUR 18:47

At Tuhan he eluk mondok welagarek mene o! An nili wo'naferek mene o, At enek fogerati logouwok! An neisena nagap telnaferek mene, Allah andi nek fogerati logouwok!

AMSAL 11:9

Afuni weak hilingitarek mene andi inane ugunem he inagaila'lak alomarogo fisagarek, oba nen afuni fano hilingitarek mene andi re inendawinggen kagalek andi nen telogo fisikherek.

IMAMAT 27:29

Afuni mene ogo Tuhan oba enogo fuluk halok he onggo palhep hanogo, ap andi re mondogat leget feino.

IMAMAT 5:4

Ap ekhe nen ero tukhumsek legengge nen yi'nogo hilingisugun iluk ane hombuk palfulugen ane hombuk paligin mene a'nogo weak hilingiti iluk, wenggelasi wagu halok.

BILANGAN 21:2

A'nogo fisasikhemo, it afuni Israel mene nen he, ”Niren yi'nogo hilingisugun,” iluk, nineisena Tuhan mel yagatukwa: ”Nineisena. Haren afuni inunggulenu andi mene mabenetfisoageluk anggegen halok he, niren afuni inebe inom, inawi kota inom, mondok wulil tagalogo legetfisouwogen he ninomamet ninobagain o, neisena,” iluk inane hombuk palogo wene waretukwa.

BILANGAN 5:21

Tuhan nen hat hunggulenu mene inanggele'ma andoma hat henu hombuk palogo homan ugu logogin logouwak. Aren he houwak ilugun keloget fikhi logolik he, halabut puak uageluk hilinghobagauwak.

ROMA 10:2

Iren he, Allah faget inomamerogo hilingiri'lagwi meneat he, inobabut he, nelu. Eberogoat hilingisugun mene inelu logolik hilingiri'lagwi fuk.

1 KORINTUS 16:22

At ekhe nen, ninoe Enupogot endawi hundik lek halok he, Allah nen at andi ebe homan fouwago. Mene re, ninoe Enupogot weak-weak eme o, u hak, Maranatha, iluk igi andi.

YOSUA 6:26

A'nogo hilingitukwa andi sambul, at Yosua nen ane huli palhikhe: ”Sa nen o kota Yerikho yi ambotkwe obulu'mo wusigiluk walhikhe halok he, nineisena Tuhan nen homan oba fagain o. Andi nen he, sa nen o tik wasigin halok he, amlogo manggusa mene pelak fagain o. Nen, sa nen leget pa'leget ambe palekwe kwe sou andi ambotkwe obulu'mo hilingisigin halok he, amlogo elabo mene pelakfagain o,” iluk wene palogo fesikhe.

HAKIM–HAKIM 1:28

It Israel mene inomame hokho agaukwasik he ap Kanaan mene re it inobaget yabu hilingi'ni iluk inomameba yagaisikhi lagaukwa. Oba nen he iren ogo ap Kanaan mene o andoma nen eberogoat he mugusogo wulak fisikhi lagaukwa legat.

HAKIM–HAKIM 5:2

Afuni Israel mene inogogwi kaindek omanogo weim yabugun iluk sikhiphogo aga, ap inebe mondogaren inendawinggen oba nenat yabi logoin aga andi nen, nineisena Tuhan fogerasuogo.

1 SAMUEL 14:25

A'nogo muginarek laga lagaukwasik, it inebe mondogat enggama ekhe kin amusu ekhema-ekhema mondok hokhorogo were'ma andoma lagaukwa.

1 SAMUEL 14:39

A'nogo heratunem, ap ekhe nen a, athe an namlogo Yonatan ebe nen a, weak hilingitemo halok, ebe mondok wasuageluk, nineisena Tuhan Eluk Mondok welagarek mene nen telninafe mene a'nogo enu hombuk palogo yagahisigi o,” iluk yagaisasikhe meneat he, inebe mondogat inailo nen onggo ekhe isukwa mondok lek.

1 SAMUEL 18:25

A'nogo yagasi wagaukwama, at Saul en it hobuk Daud mel yagasi loagaluk lakfisasikheat: ”At kain raja nen he, na'logo onggo wo'nesu hak he, an naselei mene Filistin mene inebe 100 nen inoasimbik, inagap inenggalimo mene palogo wo'nesi wesugun andiat namolo o, iluk ikhe iluk yagasi lano,” iluk lakfisasikhe. (A'nogo isikhe andi, at Daud ebe ap Filistin mene nen wasuageluk isikhe andi.)