1 SAMUEL 13:5 - Allah Wene Fano Wene Hupla Inane

⁵ A'nogo yagaisilik lagaukwama, ap inebe andogosi lagu kwelek, it ap Filistin mene ogo re, ap Israel mene inom weim yabuogoluk, inebe andogotukwaat. A'nogo andogotukwa andi, kereta kuda nen lisogo waluk weim yafarek mene 30.000 nen inom, it ap kuda amboloba hurek logolik weim yafarek mene inebe 6.000 nen inom, ap tentara ineisok oba laluk weim yafarek mene inebe ial i laut yenggelek esanggokwe welagarek andi hangge mondok hokhorogo andogotukwa. A'nogo andogotukwasik, o Bet-Awen nen abel elikwe mo liabi wagarek higit o Mikhmas andoma inawi tenda ba wusi wagaukwa.

1 SAMUEL 13:5 ပူးပေါင်းရင်းမြစ်များ

KEJADIAN 22:17

An nen hobugalep hokhorogoat fanothafik, haren tagongge mene inebe hesagal pogoroba hokhorogo welagarek andi hangge inom, i al i laut yenggelek era'lukwe welagarek andi hangge inom, mondok sik-pikhogo hilinglasuageluk hilinghafik, iren tagomangge mene o inaselei mene welagaikharekwe andoma mabenetfisaluk logouwageluk hilinginafik, igin o.

2 SAMUEL 17:11

Andi nen he, an nendawimo anggigi mene yagahesik: Haren ap Israel mene inawi o yi awi ti awi welagaikharek mene mondogat andogorinabimbik he, inebe mondok hokhorogo ial laut yenggelek esanggokwe welagarek andi hak agu halok, noe hat hebe nenat woginarek weim yabi lano o.

1RAJA-RAJA 20:27

Nen, it Israel inap ogore, inagoromi enggi warinafukwasik lirinafukwa. A'nogo lirinafukwasik he, it Israel inaben sikhe fisogo mene omanogore lagaukwasik esa pire minggilogo o sabu wutukwa. It Siria inap a'nogo inom inelokhe wuthogo logolik, inebe hokhorogo o andoma kwi lagaukwa. A'nogo salhukwama re, it ap tentara Siria mene mondok sagarogo salek palek welagaukwa mene a'nogo inom walhasukwama nen he, it Israel mene re, kambing kabok pire logalek hangge hilingik welagaikhe.

2 TAWARIKH 1:9

Ma re, yogondak he neisena Tuhan Allah, Haren an afuni inunggulenu hokho mene mondok wenasu elo'lek mene ari faget raja logouwageluk menogo nobagegen andi re, Haren an neisenaba wene waretigin mene a'nogo tiphogo hilingnobagain o.

YESAYA 10:28

Tentara Asyur mene nen he o Ayat mondogat sebeli kwaga. It inebe re o Migron soganogo lagaikha! It kwemangge nunggu mene re o Mikhmas fuluk lagaikha!

YESAYA 48:19

Haren tagomangge mene re ial higit sik-pik u hagat, An nen it inobaget hilingitu were'ma, it hobuk alomat lasu lek hago,” iluk ikhe isikhe.

YEREMIA 15:8

Hit hinanggweang oba andoma re hemi sogwe mene nek hoporek logogun, ial i esanggokwe welagarek mene andoma endep hak oba nen it he mondok hokho-pokhorogo hilingik logogun. An nen he inebe sougeba nenat inoasumo re, it inagaisawi re neneik yabasugun. O linggene re An nen ap inoaterek mene ekhe lakfei wesumo re, iren inailo asimbik inendawi fisugun.

HOSEA 10:5

Afuni o kota Samaria werek mene re inailo asugun; nen it inebe inom, imam omanogo inom o Betel oba andoma nen sapi emas mene obaget hilingiri'lagwi mene andoma re, iren kembu elokhe pugun-bagansek mene a'nogo mondogat legarik wagu nen he inendawi heiselhi logolik le asugun.

HOSEA 4:15

Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.

HOSEA 5:8

Hit ap Benyamin mene yi, weim yabi we'ni o! iluk inane humesu hak he, o Gibea nen pinggong ane hokho mene anethani o! O Rama nen e anggwe folelek mene anethani! Nen o Betel en he hinane ngai e'ni!

ROMA 9:27

Nen wene ekhe Allah nen he, mel isikhe: ”Afuni kweangma mene yoma wene weak-weak inoba mondok fagain andi nen he, afuni Israel en tagongge mene i nebe ial i unggutmo laut hokho yenggelek era'lukwe welagarek andi hangge werek. Meneat he, we, inebe endebat enek telinabigin o,” iluk isikhemo Yesaya nen lisu palogo fesikhe.

YOSUA 11:4

Yonggo a'nogo wulafikhemo re, it raja-raja omanogo inom inagoromi tentara esa hokho-pokhorogo inebe ial higit inom wagaukwa. Nen inanggo kereta lisogo waluk weim yabi lagaikharek mene ogo hokhorogo wagaukwaat.

YOSUA 18:12

Abel ambolkwe utara fikhit huli-huli re i Yordan ima nen erora'luk he, liabek o Yerikho ambolkwe utara fikhit alokwe andoma, nen mo ubuk ikherek fikhit he tom unggulkwe nen he o Bet-Awen ilingage lei soganogo andoma huli.

YOSUA 7:2

Andem huli re, Yosua nen ap inebe fenakwe o kota misik ekhe o Betel en mo lagai wagarek fikhit o Bet-Awen horokhogo, o Ai andoma ineil penesi loageluk lakfisasikhe. Lakfisasikhemo lagaukwasik he, iren hilingisuageluk yagaisasikhe mane a'nogo mondogat hilingfuluk he,

HAKIM–HAKIM 7:12

Pisukwa re, ap Midian mene inom, Amalek mene inom, ap ekhe inaiba o leimo mo liabi wagarek higit andoma mene inom, omanogo inebe pulue andogorek welagarek hangge inebe tonggoma andoma ya logalek ta logalek welagaukwa. Nen, inanggo unta re, mondok hokhorogo ial i esanggokwe welagarek andi hangge welagaikheat.

1 SAMUEL 13:11

Iluk heinok wokhasikhemo at Saul en he, ”Hat wesigin egen oba wagi'lek tagan ikhi lagama, an neilenggen hugunem he, afuni an heraknobagaluk puguluogeluk, it ekhe attak pugulha, nen, ap Filistin mene o Mikhmat andogotaat.

1 SAMUEL 13:2

aren he, ap Israel mene inebe 3.000 nen wenagaisogo fisasikhesik he, inebe 2.000 at inom o Mikhmas daerah Betel tom oba andoma kamo isukwasik welagaukwa. A'nogo werek kwelek, ap inebe 1.000 nek he, amlogo Yonatan inom afuni Benyamin mene inaiba o Gibea lakfisasikhe. A'nogo hilingitikhesik, inebe fena minggilogo re inailokwe lombok loageluk sugulogo lakfisasikhe.

1 SAMUEL 14:23

A'nogo muginarek laga logolik, inoarik-inoarik o Bet-Awen abel elikwe andoma fisa lagaukwa. Andi sambul he, nineisena Tuhan nen afuni Israel mene telinafikhe andi.

1 SAMUEL 14:52

At Saul ebe eluk logolik, ap Filistin mene inom weim mondok aniniweak yafi lagaikhe. A'nogo yafi lagaikhe andi nen, ap ekhe ailo lek omame hokho logolik weim yafu halok he, at Saul en eil fene-fene at agoromi tentara mene asuageluk weak-weak woginafi lagaikhe.

1 SAMUEL 17:1

Inenggi ekhe sambul he, ap Filistin mene nen ap Israel mene inom weim yabuogoluk inagoromi tentara mene o Yehuda kota Sokho andoma andogosi wagaukwasik inawi tenda o Sokho honggolek, Azeka honggolek, o Efes-Damim andoma wutukwa.

1 SAMUEL 7:13

Afuni Filistin mene mabenet fisasukwasik inoatukwa re, a'nogo. A'nogo inoatukwama, at Samuel ebe eluk werek kwelek, Tuhan nen ap Filistin mene re it afuni Israel mene inaiba wesinogo iluk kwe palinarek were'ma, waga lagaukwa mondok lek.