1 SAMUEL 13:23 - Allah Wene Fano Wene Hupla Inane

²³ Nen it afuni Filistin mene nen he o Mikhmas tom alonggo'ma andoma nirogo ninghogoin iluk kagalek logogun oba faget o misik ekhe wutukwa.

1 SAMUEL 13:23 ပူးပေါင်းရင်းမြစ်များ

YESAYA 10:28

Tentara Asyur mene nen he o Ayat mondogat sebeli kwaga. It inebe re o Migron soganogo lagaikha! It kwemangge nunggu mene re o Mikhmas fuluk lagaikha!

YESAYA 10:29

It inebe re tom soganisaluk lagaikhasik he o Geba nogoli'lagwi! Nogogunem he ap o kota Rama mene re inoak elekwe leigeri'lagwi, nen afuni o Gibea, raja Saul awi kota andi mene re inailo nen heise wulifa.

1 SAMUEL 13:5

A'nogo yagaisilik lagaukwama, ap inebe andogosi lagu kwelek, it ap Filistin mene ogo re, ap Israel mene inom weim yabuogoluk, inebe andogotukwaat. A'nogo andogotukwa andi, kereta kuda nen lisogo waluk weim yafarek mene 30.000 nen inom, it ap kuda amboloba hurek logolik weim yafarek mene inebe 6.000 nen inom, ap tentara ineisok oba laluk weim yafarek mene inebe ial i laut yenggelek esanggokwe welagarek andi hangge mondok hokhorogo andogotukwa. A'nogo andogotukwasik, o Bet-Awen nen abel elikwe mo liabi wagarek higit o Mikhmas andoma inawi tenda ba wusi wagaukwa.

1 SAMUEL 14:1

Inenggi ekhe sambul he, at Yonatan nen ap alage asikhe waluk nikhi lagaikhe mene andi, mel yagatikhe: ”Nit ap Filistin mene o pos wutfagasik werek oba a'lima wulibuogo,” iluk yaga'luk lagaukwa meneat he, at Yonatan nen he, ”An yi'nogo lageluk,” iluk eisena yagati'legengge lagaikhe.