1 SAMUEL 13:19 - Allah Wene Fano Wene Hupla Inane

¹⁹ Andem sambul he, afuni Filistin mene nen afuni Ibrani mene yagaisikhi logolik, ”Hiren karok inom, sige posiemanggen mene inom, hilingisugun mondok lego,” iluk yagaisikhi lagaukwa andi nen he, ap Israel mene re posiemanggen meneba yi mene ti mene hilingitu inelu mene ekhe welagaukwa mondok lek.

1 SAMUEL 13:19 ပူးပေါင်းရင်းမြစ်များ

2 RAJA-RAJA 24:14

A'nogo waluk laga logolik, ap raja Yoyakin ebe inom, agaisa inom, agagwi inom, agoromi kaindek inom, afuni Yehuda mene inogogwi kaindek inom, inebe inenuwerek mondogat 7.000 nen, ap yi mene ti mene hilingitu inelu mene inom, yi mene ti mene posiemanggen mene hilingitu inelu mene inebe 1.000 nen inom, ap inomame hokho weim inailo'lek yafarek mene inom, ap raja nen tagongge mene inom, inogogwi ekhe inom, mondogat inebe lambukhogo re 10.000 nen hele warogo o Yerusalem en o Babel woginarek lagaikhe. Andi inenu werek welagaukwa mene mondogat a'nogo woginarek o Babel lagaikhemo, afuni inebe kembu inelagaik mene nek o Yerusalem welagaukwa.

YESAYA 54:16

Nen it ap senjata wusugun iluk endumo werati logolik, endu fisari'lagwi mene andoma An nenat elalinafigi. Ap senjata ba inoasugun iluk sikhe senek inap andoma re An nen enek hilingfisasigi.

YEREMIA 24:1

Linggene ekhe sambul at Yoyakhin hun Yoyakim amlogo afuni Yehuda mene inobaget inoe raja welagaikhe mene a'nogo inom, ap pemerintah Yehuda mene inobaget yabu legoma hilingitarek inap omanogo inom, yi mene ti mene elalharek inelu inap omanogo inom, yabu hilingitu inelu inap omanogo inom he, raja Babel mene Nebukadnezar a'nogo nen o Yerusalem en hele warogo o Babel woginarek lagaukwasik were'ma nen, Tuhan nen inabikanggo wokhagarek hak ekhe weinamet fikhe. Weinamet fikhemo hugunemen he si ugu pire meneba re e ara enggen kwalogo o Tuhan awi wuri'mo elokhoma omanogo were'ma higi.

YEREMIA 29:2

Lisu palek andi ebere raja Yoyakhin inom, at agaisa inom, o at ebe were'ma yabu hilingiti lagaukwa mene inom, pemerintah Yehuda mene inom Yerusalem mene inom, inobaget yabu legoma hilingiti lagaukwa mene inom, yi'nogo ti'nogo hilingitu inelu mene inom, yabu amu-amu mene hilingitu aple faget inobabut hebelek welagaukwa mene inom, mondogat feleleng inarek huginabi lagaukwama nen palhigi.

HAKIM–HAKIM 5:8

Israel mene nen tugwi kembu faget nineisena ebe yi aro, iluk inendawinggen oba himbiret faga, fagasik fogerasuogeluk ugunem naiba weim kagal laga. Ap weim inanini mene inebe 40.000 mene inanggele'ma nen ogo, ap misik ekhe nen sikhe wanhi'lek.

1 SAMUEL 13:20

Andi nen he, it afuni Israel mene nen kweang mugusogo lakfugu mene inom, wam sapi ba kelogo fugunem yabu wanherek mene inom, inarige sekop inom, posie inom karok inom enggat masuogeluk halok he afuni Filistin mene inoba waluk laga lagaukwa.