Nen, o attak he, at Saul ebe nit ninoe raja logolik, fetninarek werek kwelek, hat ogore, ap tentara Israel mene weim yabuogoluk ugunem, haren woginarek weim yabi laga lagagin anggigi. Nen, nineisena Tuhan nen ogore, wene mel wathetikhe anggigi: Hat hebe an nagainafuri inoe raja asimbik ferinarek logoino o, iluk wene wathetikheat anggigi,” iluk yagatukwa.
1 SAMUEL 13:14 - Allah Wene Fano Wene Hupla Inane14 Meneat he, At nineisena Tuhan nen yagaheti'lek mene hilingiten andi nen he, hat hebe raja logolik afuni ferinarek logogin mondok lego. We At nineisena Tuhan endawimo nen he, ap hunogo mene ekhe an nagainafuri inoe raja logouwageluk anggikhe mene arat wenagaisogo fikhemo werego,” iluk yagatikhe. အခန်းကိုကြည့်ပါ။ |
1 SAMUEL 13:14
21 ပူးပေါင်းရင်းမြစ်များ
A'nogo yagatikhemo, at Daud en he, ”An nen hilingiti andi re At Tuhan hat heisena inom, at eisok erokwe mene inom, kofologo lakfisikhesik an wenagaisogo afuni Israel mene melalinafi logouwageluk men-nobagaikhe mene a'nogo legeisogo fikhi logolik hilingiti o. Arigini'mo re, an he neisena Tuhan faget fogerati logolik, wuni lagik-wagik watu mondok logogin o.
hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.
Saul ebe wa'lagaikhe andi re, aren Tuhan oba tiphogo hilingiti'lek, Nen Aren awene melalek yi'nogo hilingiti logoin o, ti'nogo hilingiti logoin o, iluk yagatikhe mene a'nogo hologo hilingiti lagaikhe lek andi nen. Nen, ekhe re at Saul en an ninggi'nogo hilingisigin iluk, At Tuhan nen yaganesuageluk, kino igi'legengge re, aren it ap wa'lagaukwa mene inaheimenggeba kino ilaga lagaikhe. Andiba re, at Tuhan nen wene oba fesikhesik he at raja mendek logolik welagaikhe ba obali'mo a'nogo re hun Isai amlogo Daud a'nogoba wogetikhe.
Were'ma re, Allah nen at Saul sebelfuluk he, obali'mo at Daud kain logouwageluk, menfesikhesik wogisasikheat. Wogisasikhesik, wene at faget abok ikhi logolik he, Isai amlogo Daud yi re, an nendawinggen nen hundik mene, an nendawimo nen namolo anggigirek mene hilingisuageluk yagatunem he, mondogat elok hilingiti logogin higi andi nen he, wokhisigi o, iluk yagaisasikhe.
At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.
Nineisena Tuhan ane sagalogo fulak inom weim palek logolik hilingitarek mene andi re, hugurue nen afuni ekhe onggolek inoatarek andi hangge aro. Nen, inonggwaregen fogerakhagarek andi re, tugwi kembu fogeratarek hangge aro. Andi nen he, haren nineisena Tuhan Allah ane sagalogo hilingiten andi nen, Aren he, hat hebe kain raja logogin lek, iluk ikhe andi,” iluk yagatikhe.
A'nogo tilibisikhemo re, at Samuel en Saul mel yagatikhe: ”O yogondak yiat, At nineisena Tuhan nen afuni inunggulenu Israel mene haren ferinarek welagen mene a'nogo nasu lit hegenma tilibikhe andi hak, lisogo wanhesik, hobuk ap ekhe hat hobabut weak andi hangge re lek, athe obabut mondok fano mene arat wogetemo o.
At Samuel enggi ekhe inom endawimo a'nogo weak were'ma, nineisena Tuhan nen mel yagatikhe: ”Hat Saul faget henggi miren oba hendawimo a'nogo weak logogin nogo? An nen he, at Saul afuni Israel mene inoe raja logogin mondok lek, iluk arat igi lek nogo? Andi nen he, hat yogondak zaitun amusu ekhe wanimbik he, o Betlehem lan o. Lambik, ap enu Isai amlogo ekhe raja logouwageluk arat wenagaisogo figimo werek andi nen he, lan o,” iluk yagatikhe.
A'nogo yagatikhemo, at Isai nen he, amlogo a'nogo ayonggo lakfisasikhemo, wolesi lagaukwama re, ap alage fano mene agap mola eil alili mondok fano mene wagaikhemo, At nineisena Tuhan nen Samuel mel yagatikhe: ”An nen igi a'nogo ebe ari o. Andi nen he, haren zaitun amusu unggul oba warogo menfein o,” iluk yagatikhe.
An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.
”An nagainafuri afuni Filistin mene nen ferinarek logolik weagerinafunem, an nen telinabuageluk le aga logolik kino yaganeti lagaikha mene andi, inane an arat nesanggo holhirik, o hobit huberat siakhogo o mo ya higirat ap ekhe unggulenu Benyamin mene hinom ambi asuagaluk hoba lakfei wesigin a'naga o. Andi nen he, hemberek ambi agep halok he, at andi nen an nagainafuri Israel mene telinabigin a'naga re, haren, inoe enupogot logouwagaluk amusu unggul oba kweisalogo menfeino o,” iluk yagatikhesik oba nen emberek a'nogo ambi agaukwa andi.
ကြော်ငြာတွေ