1 SAMUEL 13:11 - Allah Wene Fano Wene Hupla Inane

¹¹ Iluk heinok wokhasikhemo at Saul en he, ”Hat wesigin egen oba wagi'lek tagan ikhi lagama, an neilenggen hugunem he, afuni an heraknobagaluk puguluogeluk, it ekhe attak pugulha, nen, ap Filistin mene o Mikhmat andogotaat.

1 SAMUEL 13:11 ပူးပေါင်းရင်းမြစ်များ

KEJADIAN 3:13

A'nogo yagatikhemo, at nineisena Tuhan Allah nen he, at he a'nogo mel yagatikhe: ”Nenahalok a'nogo hilingiten?” iluk yagatikhemo, aren he, ”At kisu nen eranen lalnafemo enggen andi palogo ninggi o,” iluk yagatikhe.

KEJADIAN 4:10

A'nogo yagatikhemo At Tuhan nen he, ”Hat hobabut mondok weak inailo mene hilingiten andi nenahalok? Hat hagot amep kweangma nen, unggulmo fouwageluk ane hokhorogo nenu hombuk pali'logo andi lega?

2 SAMUEL 3:24

A'nogo yagatikhemo, at Yoab a'nogo raja ambit kwisikhesik yagati logolik he, ”At Abner he neisena hat hoba kwi waga andi. Nenahalok neisena haren weat lan iluk herakfegen nogo? Neisena haren hilingiten andi ninggi'nogoluk nogo?

2 RAJA-RAJA 5:25

A'nogo lakfisasikhesik he, at ebe ambotkwe oloba at Elisa were'ma kwisikhemo, mel yagatikhe: ”Hat hebe koma nen wagen,” iluk heinok wokhasikhemo, aren he, ”An he, yi kwe ti kwe lagi'lego we oloba welagarik, noe,” iluk yagatikhe.

YESAYA 10:28

Tentara Asyur mene nen he o Ayat mondogat sebeli kwaga. It inebe re o Migron soganogo lagaikha! It kwemangge nunggu mene re o Mikhmas fuluk lagaikha!

YOSUA 7:19

A'nogo oba agaikhemo Yosua nen hun Akhan oba ikhi logolik he, ”Namlogo, haren hilingiten mene andoma afuni Israel mene ineisena Tuhan Allah eilhanem fage'luk selekhogo nek ya nen in. Ekhe sebelhi'lek fakhogoat an yaganom o.” iluk yagatikhe.

1 SAMUEL 13:12

Andi nen nendawimo nen he, Nineisena Tuhan nen endawit ninabuageluk an nen At ayonggo figi'le'ma, ap tentara Filistin mene an yoma were'ma noasi wesugun higi, iluk nendawimo ebetirik he, wam Allah faget warogo nolesigin, iluk anggigirik, hilingiti o,” iluk yagatikhe.

1 SAMUEL 13:16

A'nogo hilinglagaikhemo, at Saul amlogo Yonatan emberek inagoromi tentara mene inom inawi tenda afuni Benyamin mene inaiba o Geba andoma wusi lagaukwa. A'nogo wusi lagaukwa andi, ap Filistin mene inawi tenda ba o Mikhmas andoma wurik werek kwelek wutukwa.

1 SAMUEL 13:2

aren he, ap Israel mene inebe 3.000 nen wenagaisogo fisasikhesik he, inebe 2.000 at inom o Mikhmas daerah Betel tom oba andoma kamo isukwasik welagaukwa. A'nogo werek kwelek, ap inebe 1.000 nek he, amlogo Yonatan inom afuni Benyamin mene inaiba o Gibea lakfisasikhe. A'nogo hilingitikhesik, inebe fena minggilogo re inailokwe lombok loageluk sugulogo lakfisasikhe.

1 SAMUEL 13:23

Nen it afuni Filistin mene nen he o Mikhmas tom alonggo'ma andoma nirogo ninghogoin iluk kagalek logogun oba faget o misik ekhe wutukwa.

1 SAMUEL 13:5

A'nogo yagaisilik lagaukwama, ap inebe andogosi lagu kwelek, it ap Filistin mene ogo re, ap Israel mene inom weim yabuogoluk, inebe andogotukwaat. A'nogo andogotukwa andi, kereta kuda nen lisogo waluk weim yafarek mene 30.000 nen inom, it ap kuda amboloba hurek logolik weim yafarek mene inebe 6.000 nen inom, ap tentara ineisok oba laluk weim yafarek mene inebe ial i laut yenggelek esanggokwe welagarek andi hangge mondok hokhorogo andogotukwa. A'nogo andogotukwasik, o Bet-Awen nen abel elikwe mo liabi wagarek higit o Mikhmas andoma inawi tenda ba wusi wagaukwa.

1 SAMUEL 14:5

Nen helep sili andem abel poikwe utara fikhit he elokhe o Mikhmas higit welagaikhe, nen maikwe selatan fikhit he, elokhe o Geba higit welagaikhe.