1 SAMUEL 12:22 - Allah Wene Fano Wene Hupla Inane

²² At nineisena Tuhan onggwaregen he, It An nonggwarek nagainafuri asuagaluk woginafi, iluk onggwarek enu hombuk palogo isikhemo re, hit herakhinobagagin mondok lego.

1 SAMUEL 12:22 ပူးပေါင်းရင်းမြစ်များ

1RAJA-RAJA 8:57

Tuhan Allah Haren endamat nit ninombalak herakfisigi'lek ferinarek mondok welagagin andi hak, yogondak nit a'nogoat fetninarek mondok logoino o, neisena.

2 RAJA-RAJA 14:27

Nen, Tuhan nen it inunggulenu Israel mene andi mondogat lek hilingisogo fisogon lek iluk anggasikhesik, Aren raja Yerobeam pirenek mene andi bene nen leberisasikhe.

2 RAJA-RAJA 21:14

Nen, afuni o andiba alinlan logogun mene re, it inaselei mene nen inoasuageluk hilingfisamo, it inaselei mene andoma nen he it inebe fak fisigik, inawi wolelenggenhogo legetfigik ugun o.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

2 TAWARIKH 15:2

hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.

NEHEMIA 9:17

Haren yi mene ti mene faget mondogat fano hilinginafi lagagin mene andi inom, elalin mene hokhoat hilingiti lagagin mene andi mondogat inom, hologo hilingisu inabiren he, inendawimo eberek welagi'lek inonggoret fisasukwa andi. A'nogo inonggoret fisasukwasik, inonggwaregen fogerakhikhi logolik, it inoe ap ekhe nen it woginarek o Mesir inambotkwe lagaukwasik afuni Mesir mene inamingmingengge logouwageluk fisa loageluk, wenagaisogo fesukwa andi. A'nogo meneat he, afuni weak hilingitunem hat Allah nen sagalogo legetfisigik, inebe hendawirinafik, ha'mage horogat het-perigi'lek herakfisigik, egendek andi. Inebe hendawinggen hundik mondok logolik, it inebe kofologo herakfisigi'lek farinarek mondok welagagin andi.

MAZMUR 106:8

Oba nen he At Tuhan onggwarek endawi wenggelhaluk, At omame hokho mene a'nogo weinam asuageluk he, Aren inagap telinafikhe.

MAZMUR 94:14

At Tuhan nen he At againafuri oboget isaluk lagain he mondok lek, nen At onggwarek alolegengge mene hilingi'mo re inoba onggoret fuluk hilinginafi logogin mondok legat.

KELUARAN 32:12

Haren a'nogo inoasigin halok, afuni Mesir mene nen ikhi logolik, Allah nen afuni Israel mene a'nogo re, o tom oba a'lima nen inebe warogo mondogat legetfisageluk woginarek wulifesik lagama higi, iluk ugun o. Halok a'nogo hilingitun, andi nen neisena. Hat ha'mage lagaluk afuni andi weagetfisagun.

YESAYA 37:35

Kota Yerusalem andi re An nen namingmingengge Daud inom wene wat-wat agagu mene faget, nen An nonggwarek nalong welagi mene a'nogo nalong palogo re An nen kota andi along palhik, ebikhit agik igin o,” ikhe iluk lakfesikhe.

YESAYA 41:17

O andem sambul he ap inenggi lek mene inom enggin-fenggin hagarek mene inom i herati logogun mene re, inelokhoma aga logogin le'ma re, inagai nele nen inamelinggen pukhogo logogun. Oba nen he iren An nenu hombuk palogo yaganetu halok he, An hineisenaTuhan nen inane onggo yagaisikhi logogin. An Israel mene ineisena Allah a'nogo nen he, nagainafuri herak fisaluk laga logogin mondok lek.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

YESAYA 48:11

Andi re An nenuba An nonggwaregenat hilingiti lagi o, An nen herakfisamo nen he afuni nen nenu weagerogo nobagainogoluk hilingiti lagi o, nen An naselek a'nogo re ap ekhe sa iluk ogo minggilesu elo'lek hilingi'mo re a'nogo hilingitirek andi o,” iluk ikhe isikhe.

YESAYA 49:15

A'nogo ugunem Tuhan nen onggo yagaisikhi logolik he, ”He misik ekhe nen onggwarek omalik oba onggorasu hak nogo, nen at onggwarek eak takhikhe mene oba abit asu hak nogo? He andi nen eak elok onggorasuba nen, An he hat hoba nonggorasigin mondok lego!

YESAYA 63:8

A'nogo iginmo re, At nineisena Tuhan nen he mel ikhe: ”It andi eberogoat he An nagainafuri o. It andi re An nagainafuri nendawimo weagasuageluk hilingiri'agwi lek mene,” iluk ikhe. Andiba re At he it inagap telhu mene agaikhe andi,

YEREMIA 14:21

Haren nit wena'nisa fuk, Haren wene watnisasigin mene a'nogo ebethan o, Haren nit ninom wene wat-wat agagu mene a'nogo re leget fou fuk. Yerusalem takhta Hat hebe welagen oba haselek hombakbagen selegeratendek oba a'nogo re haren halitnorogo hilingfugun.

YEREMIA 14:7

An nagainafuri nen nenu hombuk palhi logolik, ”Tuhan, nit ninonggwarek ninaweak oba weak mene ninoba ari'lago o, oba nen he Haren wene watnisasigin mene a'nogo higithogo lebetninabin o. Nit he eberogo nenat nineisena Hebe oboget healuk laga lago o. Ma re niren Hat hoba weak hilingito mene andoma re eberogo aro.

YEREMIA 14:9

Nenahalok Hat he afuni inendawinggen nonghong iluk hilingitarek hak hilingiti lagen, athe ap inomame hokho mene logoligen telinabu elo'lek agarek andi hak hilingik welagen nogo? Andi nen he Tuhan neisena, ibi-eberogo nen he Hat he nit ninanggele'ma welagen o! Nen nit Hat hagainafuri ninoba re oboget nisa fugo nineisena, iluk agarek andi,” isikhe.

RATAPAN 5:20

Nenahalok Haren ninenggi aninurogoat oboget nisegendik welagen nogo? Hat he henggi mondok-mondok faget nit ninoba honggoragen a?

YEHEZKIEL 20:14

Oba nen he An nen nonggwarek nenu nalong palogo re, it ap inunggulenu lombogen An nen ap Israel mene o Mesir en woginarek wulibi wagunem neasukwa mene omanogo nen sebelogo nobagainogo iluk a'nogo hilingitigi lek.

YEHEZKIEL 20:9

Oba nen he iren afuni unggulenu it were'ma andoma mene nen An nenu weagerogo feinogo iluk An nen a'nogo hilingitigi lek. Andi re it inunggulenu andoma ineilhanem An nen nane menfikhi logolik, An nen unggulenu Israel mene andi re o Mesir en woginarek wulibi lagain o, iluk nane menfesigi.

MALEAKHI 1:2

Tuhan nen afuni At againafuri mene inoba yagaisikhi logolik: ”An nen hit hinoba nendawi hundik hilinghinafu welagi o,” iluk yagaisasikhe. Oba nen he iren onggo ikhi logolik he, ”Nineisena Tuhan Haren he hendawi hundik hilingninafi lagen andi re ebe ninggi'nogo hilingninafi lagen nogo?” iluk aga. A'nogo agama re, At Tuhan nen mel yagaisikhe: ”At Esau re, Yakub oe lek nogo? At Yakub oe aro. A'nogo meneat he, Yakub nendawirati logolik,

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

ROMA 11:1

An nen wene ekhe heinok wokhisak. At Allah nen againafuri Israel mene andi mondok herakfisasikhe anggegep? Mondok lego. An nebe re, Israel mene Abraham en tagongge nunggulenu Benyamin mene welagi.

ROMA 11:29

At Allah obabut fano nen yi mene ti mene wo'nisigik, ninebe wena'ninafik, ilugen he, hobuk ane hunogoat ekhe ikherek lek.

1 KORINTUS 4:7

”It ekhe andi elo'lek hak, mene re an enek he mondok fano, ikhi logoino,” iluk sa nen yagahisasikhemo ikhi lagep? Hit hinagarek yi mene ti mene helikhi lagep andi, Allah nenat wokhisikherek lek nogo? Arenat wokhisikherego. A'nogo wokhisugunem helikhi lagep meneat he, hiren elalhep mene hangge hinonggwaregen fogerakhikhi lagep andi nenahalok?

EFESUS 1:12

At ebe fogeratu mondok welagaikharek mene a'nogo, niren fogerati logouwageluk, ninendawinggen omanggum Kristus oba himbiret fesugu mene halok wenagaisogo wo'ninafikhe andi.

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.

ULANGAN 14:2

Hit he hineisena Tuhan Allah onggwarek angge mene hilingik welagep. Nen afuni inunggulenu lombok o kweangma welagaikharek mene oma nen he At Allah nen hit enek he, At againafuri asuageluk penogo hinobagaikhe o.” iluk yagaisasikhe.

ULANGAN 31:17

It a'nogo hilingita halok he, An na'makwe mondok hetperimbik, nanini inoba fagain o. A'nogo fembik it inebe arat herakfisambik he, inebe mondok legetfisagain o. A'nogo legetfisikhi logolik, yi mene ti mene inailo mene hokhorogo inoba fugunem iren he, eige, nit he, nineisena Tuhan Allah fetninarek werek lek higi, iluk futfogoin o.

ULANGAN 31:6

Andi nen he, hit hinendawinggen hambukhogo logolik, hinailo lekhogo logoino o. At nineisena Tuhan Allah ebe nen hit lebethisagain andi nen he, it faget hinailo asu fugo. Aren he, hit obokhogo herakhinobagagik, hinaberalit figik, igin mondok lego o,” iluk yagaisasikhe.

ULANGAN 31:8

A'nogo sebeli kwigiluk kugunem he, At nineisena Tuhan ebe nen hat obokhogo herakhobagagi'lek fetharek mondok logolik, lebethiikhi logogin o. Andi nen he, haren, Nailo e, iluk hendawi fitun o,” iluk komotikhe.

ULANGAN 7:6

Hit hinebe Tuhan Allah againafuri esin mene hilinglasubagaigeluk, yi afuni ti afuni kweangma welagaikharek mene mondogat inunggulenu lombok inanggele'ma nen kigilogo wenagaisogo hinobagasikhesik hinayonggo fesikhemo hinebe eise At Tuhan Allah onggwaregat andi nen he, mondogat a'nogo hilingirik lano o.

FILIPI 1:6

At Allah nen hit fano hilinghinabigiluk omanggum enggi fakhinobagasikhesik he, fano hilinghinafi logombigen, huli at Yesus Kristus wesigin andi sambul o eil hondologo wutarek hak, fano hilinghinabi wesigin andi eberogoat iluk, nendawinggen hambukhogo welagi.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

YOSUA 7:9

Afuni Kanaan mene inom, afuni amu mene o kwe yoma werek mene inomen he wene hilinglaga mene andi faget inesanggo holugun. Nen iren he nit hukhogo kwelakninobagambik nit ninebe abirengge ninoasugun logou hak! A'nogo hilingirik lagunem Hat Halong Welagen mane a'nogo ninggi'nogo halong palogo fakhegen aplerek?” iluk yagatikhe.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.