1 SAMUEL 12:21 - Allah Wene Fano Wene Hupla Inane

²¹ Hiren At ebe herakfisaluk, tugwi kembu ebe lek mene andi faget, aren telhinafik, lebethisigik, ikhi logogin iluk hinendawinggen oba himbiret fuluk at faget hilingirik laga logogubo.

1 SAMUEL 12:21 ပူးပေါင်းရင်းမြစ်များ

2 RAJA-RAJA 17:15

It Israel mene inom Yehuda mene inom he Tuhan en wene yi'nogo hilingi'no ti'nogo hilingi'no iluk yagaisasikhe mene omanogo hilingiti'lek, nen Tuhan nen wene it ineisugwi inom wat-wat agaukwa mene a'nogoba tiphogo welagi'lek hilingiti lagaukwa. It he Tuhan en a'nogo hilingusugun lek iluk komo wene yagaisugu mene a'nogo re fut figi'lek he, iren kembu weak mene omanogoba fogerati lagaukwaba it inebe inom weak arik laga lagaukwa. Tuhan nen a'nogo hilingisu fuk iluk yagaisikhi lagaikheba nen iren afuni inunggulenu amu mene it were'ma andoma maserogo welagaukwa mene nen hilingiti lagaukwa mene omanogo inobabut waganogo hilingiti lagaukwa.

YESAYA 41:29

Ibi eberogo nen he tugwi kembu andoma re we alomarogo werek, ithe aben alik waganogo fugunem yi'nogo ti'nogo ekhe hilingisu lek hak, iren yi'nogo ti'nogo ekhe hilingisu re elo'lek welagaikharek,” iluk ikhe o, isikhe.

YESAYA 45:20

Tuhan ane yi'nogo ikhe, ”Hit afuni hinunggulenu hinap hinanggele'ma nen longgo ugun mene andoma hinebe andoget la'luk misi'mo seberogo kabogesi we'ni o. Aben kembu alik waganek mene eba piarogo waluk laluk, kembu inagap telinaferek lek meneba samban ili'lagwi mene andoma re mondok kemburogo hilingiri'lagwi o.

YESAYA 46:7

Kembu ilirengge a'nogo paku warogo obali'mo fuluk were'ma ekhema waganogo lagi'lek andoma mondok mendek welagarek. Aben samban at oba ugu halok he, aren onggo yagaisikherek lek, it ekhe inoba enggin were'ma aren leberisigik, at ebe legasu hak hilingi'mo agap telhik, ikherek mondok legat.

YEREMIA 10:15

Tugwi kembu andoma re furegengge fuk, pilip palaphogo enggali watfisikhi logogun halok fano. Huli ekhe higirasi wesigin oba re andoma mondogat legasugun mene werek.

YEREMIA 10:8

It inanggembu dewa andoma re e mene hilingi'mo re fano meneba yanggulinabu lek hak, it andoma mondogat he kemburek logoligen hilingik.

YEREMIA 14:22

Ap inunggulenu mene inanggembu dewa nen he meiso kweangma pelabi wesu lek hak, Nen, pogoren ogore at onggwarek omameba meiso pelabi wesu lek hagat. We Hat hamu nek he nit ninendawinggen hoba eberek welago mene welagenma re, Haren hilingitunem enek he andoma mondogat hilinglagarego.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

YEREMIA 2:5

At Tuhan ane re yi'nogo ikhe: ”It hinombawi lagen he weak ningginik mene An noba were'ma neagasik, iren An li'norogo hilingnobagakhi lagaukwa nogo? Iren tugwi kembu yi'nogo ti'nogo hilingisu elo'lek mene a'nogo murok laga lagaukwba, ambisangma it inonggwaregat nonghong ikhi lagaukwa.

YUNUS 2:8

It afuni ekhe tugwi kembu ebe lek meneat fogerati logouwogeluk, hoba lomborogo welagi'lek herakhobagaluk wulifukwa andi.

YUNUS 2:9

A'nogo meneat he, an enek he, Hat faget wuniba fogethafik, hanggo ekhe warogo nolhetik, igin o. An nen, yi'nogo hilingisigin, iluk wene watheti mene andoma re, mondogat hilingisigin. Hat Tuhan he telinafendek mene o, neisena,” iluk ayonggo fesikhe.

HABAKUK 2:18

Hineranen e mene pugunhogo agauwak hilingisogo fuluk, ”Nineisena, ebe yi aro” iluk ikhi lagep andi nenahalok? We, tulemaro. Andi mene nen ebe wene yagahisikherek nogo? Lalhinaferek mene o. Ane mondok lek meneat he, hiren ebe pugunhogo afe halogo hilingfuluk tulemat oba himbirik welagep andi.

KISAH PARA RASUL 14:15

”Ap yi sani. Hit ninggi'nogo hilingiti lagep. Nerugwi nagaila'lak. Nit ninebe re, hit hangge afuni meneat. Mene re, hiren yi mene ti mene we tulemat hilingiti lagep mene andi herakfisaluk he, hinobabut hebelasimbik hinelokhe Allah eluk mondok welagarek mene andi wogosubagaigen iluk wene yagahisa wago mene o. At Allah andi re, pogot inom, kweang inom, i laut hokho yenggelek inom, yi mene ti mene pogoroba, kweangma, ima welagarek mene inom, walhasikhe mene o.

1 KORINTUS 8:4

Tugwi kembu anggo waretarek andi re, tugwi kembu kweangma mene yoma ebe lek meneat, iluk ninelu. Nineisena Allah ebe misigat. Ekhe lego.

ULANGAN 11:16

Hiren amu mene faget allah ap-ap hilingfuluk apne wanhi lagep mene andiba murok laga logolik obaget hilingisi laga lagep halok, Tuhan hinom eil uanhogo logogun andi re elo'lek.

ULANGAN 30:17

A'nogo meneat he, hiren wene andi hinesanggo hologo higithogo hilingisugun hinabit logolik, it afuni ekhe nen, hunogo mene faget, Nineisena ebe yiaro. Halok, ninom fogerati logouwok, iluk lalhinafunem, inoba lombok, iluk herakfisigi'lek inane hologo fogerasugun halok, hit i Yordan palogo wilibimbik, o andoma kwimbik hinenggi hokhorogo welagik, umur uanhogo welagik, igi'le'ma, Allah nen hinebe hinelokhenggen lambukhogo eberogoat hinoasigin o, iluk yogondak fakhogo yagahisigi andi, hinendawimo eberek logoino o.

ULANGAN 32:21

It inendawinggen we mene oba himbiretfuluk fogeratukwa, Anat fogetnabuem iluk na'mage lagasikhe, it inandugwi kembu andi, na'mage oba fesigi, Andi hak, an irat ferinarek logogin, afuni inunggulenu, hunogo mene woginabumo, nagainafuri ina'mage lagagin, Afuni kembu mene, an nen it woginabumo, nagainafuri nen inabit isogoin.