1 SAMUEL 12:19 - Allah Wene Fano Wene Hupla Inane

¹⁹ A'nogo inailo hokhorogo agaukwasik, Samuel mel yagatukwa: ”Neisena. Nit ninebe wa'lago hanogo iluk, heisena Tuhan Allahba ayonggo feino. Nit attak weak hilingitugu mene were'ma re, hobuk ninoe raja ekhe menfeinogoluk yagaheto mene andi inomat weak hilingitoma aro, iluk arat futfogo o, neisena,” iluk yagatukwa.

1 SAMUEL 12:19 ပူးပေါင်းရင်းမြစ်များ

KEJADIAN 20:7

Andi nen, he ari agun he Nawene yagaisili'logo mene hilingi'mo hat hebe wa'lagen hanogoluk aren samban hobaget igin enggere, yogondak he ari onggwarek wogom o. Hat hendawinggen wenggelhan! Haren, he ari agun onggwarek wogosigin lek halok he, hat hebe inom, hat hamlogomi tegelhabi'lagwi mene inom mondogat wa'lasugun,” iluk yagatikhe.

AYUB 37:13

At Allah nen he kweang amusurogo iluk meiso pelak fei wagik; athe it afuni unggum inoba figik, ikhi logouwageluk hilingite. Ekhere it afuni nen anggikhi logolik At Allah nen endawi hundik hilinginafe andi re mondok-mondok faget iluk inelu asuageluk weinamet fikhe.

AYUB 42:8

Andi nen he, yogondak wam sapi ai mene 7 nen inom, nen domba ai mene 7 nenat wanimbik he, Ayub oba we'no o. Wasimbik he, hit faget wam mondogat andi warogo an nolne'no o. Nolnetunem, Ayub en samban hit faget nayonggo fugunem, at ane nesanggo holigin o. Hiren he, An namingmingengge Ayub en An faget higithogo ikhe andi hak igi'lek, herakfisegepsik weak mene egep andi nen, wene hinoba fuluk hinenggali wasugun meneat he, An nen wene hinoba figi'lek herakhinobagagin o,” iluk yagatikhe.

KELUARAN 10:17

An yogondak yi weak hilingiti mene andi sagalogo legetfisambik he, hineisena Tuhan Allah ninebe ninoasigiluk unggum mondok weak ninoba fikhe mene andi korogo legetfisoageluk samban ino,” iluk yagaisasikhe.

KELUARAN 32:30

Ohealekwe re, at Musa nen it afuni Israel mene mel yagaisasikhe: ”Hiren weak hokho mene hilingitep meneat he, an neisena Tuhan were'ma tom oba lagagin aro. Lagaumo, Aren he, it weak hilingita mene andi An nendawimo fano agarik sagalogo legetfisigi, iluk yaganesigin a? Lega. A'nogo yaganete halok yagahisa pi wesigin o,” iluk yagaisasikhe.

KELUARAN 9:28

Hit hobuk o yoma logogun lek. Lakhinobagaigen he, nit o meiso sogenggen unggunggu ane pakhogo mondok weakhogo ninoate andi faget Tuhan kino yaga'no o,” iluk yagaisasikhe.

YESAYA 26:16

Haren nit unggum wo'nisasiginmo nit ninoba enggin-fenggin hilingik logolik, niren Hat nineisena Tuhan hoba samban ikhi lago.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

YEREMIA 27:18

Nen, it andoma eberogo nabi werek halok, nen wene Aren yaganisikhemo ugu halok he, iren An kino yaganeti logolik yi mene ti mene An nailokwe inom, raja ebe were'ma inom, andoma o Yerusalem en waluk Babel logoin lek iluk he An Tuhan Nomame Mondok Hokho welagirek mene a'nogo noba yagane'lebo.

YEREMIA 37:3

Raja Zedekia nen he hun Salemya amlogo Yukhal inom imam Zefanya Maaseya amlogo a'nogo inom yonggo lakfisa waga logolik he an nen it inunggulenu andi mene inobaget Tuhan Allah ba samban uageluk kino yaganete.

YEREMIA 42:2

an nambit wagaukwasik inane ikhi logolik, ”Nineisena haren heilenggen nisikhi lagen hakhogo re nit attak he ninebe hokhorogo welagagu, nen yogondak he ninebe endebengge nek welago. Ma re nit ninobaget nineisena haren heisena Tuhan Allah fogerati lagen mene andiba samban inogen iluk kino yagaheti lago o. Nit ninebe we endebat agosik welago mene ya ninobaget samban i'ninobagagain o,

MALEAKHI 1:9

Andi nen he, hit ap Allah eisewerek mene yi. Yogondak hit Allah oba yagatunem, Aren endawi hundik hilinghinabuakhogo re walhani o. Hit hinonggwarek weak oba hiren samban At oba yagasugun mene onggo yagaisagain lek a'naga.

BILANGAN 21:7

A'nogo wa'lagaukwama, it afuni Israel mene ekhe Musa oba wagaukwasik he, mel yagatukwa: ”Niren he, nineisena Tuhan ninendawimo seramet fogosik, Yigini'mo ninabire, iluk Allah inom, hat inom, lalhinafo andi weagat hilingito o, neisena. Ma re, nineisena Tuhan nen kisu andoma nit ninoba nen lakfisoageluk, samban nit faget inogeluk yagahesi wago o, neisena,” iluk yagatukwama, at Musa nen samban it faget isikhe.

KISAH PARA RASUL 8:24

A'nogo yagatikhemo, at Simon nen he, mel yagatikhe: ”Hit egep andi hak, an noba asinogo nen he, an faget Tuhan ayonggo feino o,” iluk yagaisasikhe.

YAKOBUS 5:15

Iren inendawinggen Allah oba himbiret fuluk, samban ugun andiba, ninoe Enupogoren hinoba ou mene andi se asuageluk fano hilinghinafik, hit ekhe weak hilingitep mene werek halok, sebelogo legetfisigik, igino.

1 YOHANES 5:16

It afuni ekhe weak mondok hilingitaresik he, inobabut oba inebe mondok-mondok wa'lasugun mene werek andi faget, hiren Allah ayonggo fogoin, iluk yagahisigi lego. Athe, inobabut higithogo hilingisu mene werek kwelegat he, kwanirogo weak hilingitarek andi mondogat enu weak meneat he, it ekhe nen weak hilingitunem inobabut oba inebe mondok-mondok wa'lasugun lek mene hilingitarek mene weregaro. Mene re, hit Allah againafuri mene hinerugwi hinagaila'lak ekhe weak hilingitunem obabut oba ebe mondok-mondok wa'lasugun lek mene hilingite halok, at faget Allah ayonggo foumo, aren nabulal-habulal ebe mene wogosigin werego.

1 SAMUEL 12:13

Halok he, yogondak yethani, hiren hinoe raja wenagaisogo fakhegep a'nogo re, ebe yi. Nineisena Tuhan kino yagatepma re, Aren wokhisikhe andi.

1 SAMUEL 12:17

O yogondak hibi mondok meneat he, an nen samban oba nineisena Tuhan yagasigin mene onggo re, Aren unggunggu ane pakhogo lakfei wesimbik, meiso pelabi wesigin. A'nogo pelabi wagunem hineilenggen hambik, hiren he, Nit ninoe raja ekhe menfogoin ninamolo, iluk kino yagato a'nogo re weagat hilingitoma higi, iluk futfogoin o,” iluk yagaisasikhe.

1 SAMUEL 12:20

A'nogo yagatukwama, at Samuel en he, ”Hinailo agubo. Hiren weak a'nogo mondogat hilingitep meneat he, hinebe nineisena Tuhan herakfisaluk wulifi'lek hinendawinggen misigat a'luk, At faget enek hilingitu mondok logoino o.

1 SAMUEL 12:23

Nen, an nebe re, hit faget samban igi'lek, nineisena Tuhan ane sagalogo herakfisaluk an weak hilingisigin he, nabiro. At he, hiren yi mene ti mene fano higithogo hilingiti logobagaigiluk an nen wene yagahisugu mondok logogin o.

1 SAMUEL 7:5

A'nogo hilingitunem, at Samuel en he, mel yagaisasikhe: ”Hit hinunggulenu Israel mene mondogat o Mizpa andogosi we'no o. A'nogo andogosi wagunem, an nen hit faget nineisena Tuhan ayonggo fagain o,” iluk yagaisasikhe.

1 SAMUEL 7:8

A'nogo inailo agaikhesik, Samuel mel yagatukwa: ”Nineisena Tuhan afuni Filistin mene nen ninoasinogoluk telninabuagen he, kamo igi'lek ayonggo fugu mondok logoino o,” iluk yagatukwa.

1 SAMUEL 8:6

A'nogo yagatukwa meneat he, iren kino isukwa mene andi, at Samuel endawimo weak agaikhemo, samban oba nineisena Tuhan yagatikhe.