1 SAMUEL 12:16 - Allah Wene Fano Wene Hupla Inane

¹⁶ Yogondak he, wene yi hinesanggo fanorogo holini. Nineisena Tuhan nen elalin mene hit hinelokhoma hokhorogo hilingisigin a'naga futfobagaigen he, hineilenggen fanorogo logoni!

1 SAMUEL 12:16 ပူးပေါင်းရင်းမြစ်များ

KELUARAN 14:13

A'nogo yagatukwama, at Musa nen he, ”Hinailo anggagubo. Hinendawinggen hambukhogo logoni o. Nineisena Tuhan nen telninabigiluk ekhe hilingitunem hineilenggen hogoin o. Afuni Mesir mene hineilenggen yerisegep ari hobuk hineilenggen isogoin mondok lego.

KELUARAN 14:31

A'nogo wulakfisa wagaikhemo afuni Israel mene ineilenggen hasukwasik, Nineisena Tuhan omame hokhore'ma afuni Mesir mene mabenetfisaluk inoate andi nailo e, iluk hokhorogo fogeratukwasik, inendawinggen Allah oba himbiretfigik, At amingmingengge Musa ebe futfigik, isukwa.

1 SAMUEL 12:7

Andi nen he, yogondak hinebe an nen nineisena Tuhan eilhanem wene ekhe hinoba fugunemen lobagaigen he, lagubo. Nineisena Tuhan obabut fano nen hit hinombalak hinom faget hilingiri'lago mene andi mondogat hinendawimo eberek logoino o.

1 SAMUEL 15:16

A'nogo yagatikhemo, at Samuel en he, ”Po'logoin. O yogondak hubanggo Tuhan nen yaganete mene yagahesigin o,” iluk yagatikhemo, at Saul en he, ”Yaganom o,” iluk yagatikhe.