1 SAMUEL 11:6 - Allah Wene Fano Wene Hupla Inane

⁶ A'nogo yagatunem aremnogoat, at Saul Allah Areagun endawimo peterogo kwisikhemo, at a'mage hokhorogo lagasikhesik,

1 SAMUEL 11:6 ပူးပေါင်းရင်းမြစ်များ

KELUARAN 32:19

Yagatikhesik, o sabu tenda mene wuri'mo horokhogo wagaikhe re, sapi emas mene a'nogo were'ma re, afuni wuni lagik-wagik watunem eilenggen isasikhesik he, a'mage hokho mene lagasikhe. A'nogo isasikhesik, tom a'ma aremnogo nenat helep waluk pi wagaikhe mene a'nogo woukhogo hugisasikhemo re, sirik-serekhogo taik isikhe.

BILANGAN 12:3

At Musa andi obabut he, afuni kweangma yoma welagaikharek mene mondogat inom higitsek lek. It ekhe inobabut fetaksek hangge meneat he, arenek he obabut mondok sebelek agun welagaikhe.

MARKUS 3:5

Kamo isukwama re, at Yesus eilenggen isilik lagaikhesik he, endawimo nen he: ”Inobabut lagi-lagorek yi ri!” iluk endawimo weak agaikhesik a'mage lagasikhe. A'mage lagasikhesik inoba uarogo re, ap a'nogo mel yagatikhe: ”Henggi pisat han o,” iluk yagatikhemo re, enggi pisat hasikhemo arat fano agaikhe.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.

HAKIM–HAKIM 11:29

Andi nen he at Yefta Tuhan Areagun oba louk isikhemo re omame agaikhesik at Yefta ebe o afuni Gilead mene inom Menasye mene inom kwelagisilik lagaikhesik ambotkwe o Gilead en Mizpa omanogo wagaikhe. Andoma nen at ebe hiling-hiling he o afuni Amon mene inawi wilayah ba asi lagaikhe.

HAKIM–HAKIM 13:25

A'nogo werek kwelek, at ebe afuni inunggulenu Dan mene inaiba tenda meneba salogo o kota Zora honggolek, Esytaol honggolek, tulem andoma were'ma, At Tuhan Areagun nen omalik a'nogo omamet fikhi lagaikhe.

HAKIM–HAKIM 14:6

A'nogo emberek ambi agaukwasik, at Simson Tuhan nen omame aremnogoat wogotikhemo, wam kambing wasu hakhogo, singa a'nogo enggi nen libik-labakhogo watikhe. A'nogo watikhesik, aren he, ”An yi'nogo hilingiti,” iluk eisena agaisa yagaisigi'lek, afe motfisasikhe.

HAKIM–HAKIM 15:14

At Simson ebe a'nogo hele homagaisogo waluk o Lehi wagaukwama, afuni Filisitin mene at oba kwikhi logolik, inane a'mit sup isukwasik kwisukwa. A'nogo kwisukwama, aremnogoat Tuhan omame at Simson wogotikhemo omame agaikhesik, enggi hele homatukwa mene a'nogo hele, we, halinonggo mene hakhogo tekhogo lagaikhe.

HAKIM–HAKIM 3:10

Tuhan Areagun Otniel oba louk isikhemo re, at Otniel it Israel inap wene melalinafu mene agaikhe. Aren weim yabi lagaikhe mene re, ap raja Mesopotamia agun andiba nen Tuhan nen at omamet fesikhe.

HAKIM–HAKIM 6:34

A'nogo wutukwaba nen he Allah Areagun Gideon oba agaikhesik, ap inunggulenu Abiezer werekwe mene at inom andogosi wesuageluk wolinafi logolik, trompet ane fut hasukwa.

1 SAMUEL 10:10

A'nogo hilinglagaikhe andi, at Saul amingmingengge a'nogo emberek o Gibea wagaukwa hak he, it ap Allah ane yagaisagarek mene esa logalek a'nogo inom ambi agaukwa. A'nogo ambi agunem, Allah Areagun at Saul endawimo peterogo kwisikhesik, it ap Allah ane yagaisagarek mene inom inane ami'mit suphogo wuni lagik-wagik watukwa.

1 SAMUEL 10:6

A'nogo ambi asimbik andi sambul, nineisena Tuhan Areagun hat hendawimo peterogo kugunem he, hat he it inanggele'ma kwimbik hinom ami'mit sup igik, wuni lagik-wagik watik, igin o. A'nogo hilingitunem he, hat hobabut ket mene hilingisogo hobagaumo hunogoat hilinglasigin a'naga o.

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

1 SAMUEL 16:14

At Saul Allah Areagun nen herakfisaluk wulifikhemo re, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, oba yi enggin ti enggin hugu mondok welagaikhe.