1 SAMUEL 11:11 - Allah Wene Fano Wene Hupla Inane

¹¹ A'nogo yagatukwasik were'ma, ohealek huberat siakhogo re at Saul agoromi tentara mene esa henagan logalogo fisasikhesik, o hil mogolhu kwelek, ap tentara Amon mene inawi tenda wurogo welagaukwaba tulem andoma pin talogo kwisukwa. Kwisukwasik o oan yanggothigi'lek werek kwelek at Saul agoromi tentara omanogo nen mabenet fisasukwasik inebe inoatukwa. A'nogo hilingitu aple nen, it ap Amon mene poloksek wulifukwa mene andoma re tel-fol ikhi logolik he inebe pirendek mangothigik misikwe wilibu re elo'lek agaikhe.

1 SAMUEL 11:11 ပူးပေါင်းရင်းမြစ်များ

KEJADIAN 22:14

A'nogo noletikhesik, o andoma enu re, mel salhikhe: ”Nineisena Tuhan nen, afuni yi mene ti mene le'ma wogisikherek oba,” iluk enu salhikhe. A'nogo salhikhe andi nen, huli yogondagen ogo re, ”Nineisena andom oba afuni yi mene ti mene le'ma wogisikherek oba,” iluk agaregat.

2 SAMUEL 18:2

A'nogo menfisilik lagaikhesik, weim anggwe henagan meneba yabi wesuagaluk lakfisa wagaikhe. A'nogo lakfisa waga logolik, weim anggwe ekheba inoe Yoab, nen anggwe ekheba re inoe Abisai Yoab agot a'nogo, nen weim anggwe ekheba re Itai aiba Gad mene a'nogo nen woginarek wesuagaluk lakfisa wagaikhe. A'nogo lakfisa waga logolik, mel yagaisasikhe: ”An nebe ogore hit ninomat logoin o,” iluk yagaisasikhe.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

KELUARAN 14:24

Ki wagaukwama, o hil mogolhu kwelek nineisena Tuhan ebe endu inom, ohena inom, telik welagaikhe a'nogo nen eilenggen tentara Mesir mene yerisasikhesik he, mondogat weagerinafikhe.

MATIUS 7:2

Hiren wene it ekhe inoba fikhi lagep andi hak, at Allah nen a'nogoat wene hinoba fagain aro. Nen, hiren ilirengge walfuluk it ekhe wogisikhi lagep andi hak, at Allah nen ilirengge andibaat walhaluk wokhisagain aro.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

HAKIM–HAKIM 1:7

Tegetukwama, at Adoni-Bezek en yi'nogo isikhe, ”Attak he it ap inogogwi raja inebe 70 nen mene, an nen inenggi fuap inom ineisok fuap inom tegerinafigimo logolik, it inamburu an nambe abu'ne pugu mene tolhigik ninggi lagaukwa a'nogo. Nen yogondak he an nen it hilingfisasigi mene a'nogo ambisangma re Allah nen an noba a'nogoat hilingnobagaikhe yi o,” iluk isikhe. Andoni-Bezek ebere hobugen waluk o Yerusalem lagaukwama andoma nen at ebe wa'lagaikhe.

HAKIM–HAKIM 4:16

A'nogo wagaikhemo, ap Barak en aselei mene kereta kuda weim yafarek mene inom, tentara mene esa ekhe logalek omanogo inom, muginarek o Haroset-Hagoyim fisa lagaukwasik he, ap Sisera agoromi tentara esa logolek omanogo ap misigat ekhe herakfisigi'lek felelenghogo inoatukwa.

HAKIM–HAKIM 7:16

A'nogo yagaisasikhesik, agoromi inebe 300 nen omanogo esa henagan logalogo fisasikhe. A'nogo fisasikhesik, it inebe lombok he trompet misik inom iwak kweang mene hilingik meneba esage ibilhu mene elema kwelabegengge misik inom inebe lombok wogisilik lagaikhe.

HAKIM–HAKIM 7:20

A'nogo hilingitukwama, it ap esa pire ekhe logalek aremnogo a'nogoat hilingitukwa. It mondogat a'nogo hilingiti logolik, esage ibilogo inenggi harekwe wankhukwasik, inenggi ebekwe pinggong fisogo logolik anethigik, isukwa. A'nogo ikhi logolik, inane a'mit sup ikhi logolik mel isukwa: ”Nineisena Tuhan awein, ninoe Gideon awein, whou wilifilagoa,” iluk inane a'mit sup isukwa.

HAKIM–HAKIM 9:43

Yagasi lagaukwama at Abimelekh en he afuni at werekwe mene andogerinafikhesik esa henagan andogerinafikhesik it inebe yabukwe omanogo sali lagaukwa. Salek logolik aren yerisugunemen he, afuni o Sikhem mene omanogo yabumo logoin iluk wagunem isasikhesik he, at ebe salek oba omanogo nen hou wulifi logolik it afuni omanogo pinggi inoatikhe.

1 SAMUEL 11:2

Yagatukwama, at Nahas nen he, ”Yi'nogo hilingisugun halok enek he, ninom wene elok wat-wat ugun o: Hit afuni Israel mene mondogaren he, nit ninebe inabit higi, iluk inenggali asuageluk, hit hinebe lombok hineilenggen pikhitkwe hemelogo lakfisigi halok enek he, ninom wene elok wat-wat ugun o,” iluk yagaisasikhe.

1 SAMUEL 14:47

At Saul afuni Israel mene inoe raja agaikhesik logolik he, afuni Israel inaselei mene o ekhema-ekhema welagaukwa mene inom weim hokhorogo yafi lagaikhe. Selei mene andi re, ap Moab mene inom, Amon mene inom, Edom mene inom, afuni Zoba mene inogogwi raja-raja inom, Filistin mene inom, yafi lagaukwa. Weim ekhema-ekhema yafi logolik he, at Saul maben agi'lek omame nek aga lagaikhe.