1 SAMUEL 11:1 - Allah Wene Fano Wene Hupla Inane

¹ Hobuk afuni Amon mene inoe enupogot enu Nahas en agoromi tentara mene woginarek afuni o Gilead kota Yabes andoma mene o larogo inoasuogoluk isikhe. A'nogo isikhemo, it ap o Yabesh mene nen Nahas wene yi'nogo yagatukwa: ”Nit hit ninom hundik fano logouwogoluk wene ninom wat-wat uluk he, nit hit hinawe a'ma logolik hinane hologo logogun o,” iluk yagatukwa.

1 SAMUEL 11:1 ပူးပေါင်းရင်းမြစ်များ

KEJADIAN 26:28

Heinok wogisasikhemo iren onggo yagati logolik, ”Hat Allah nen fetharek a'nogo yogondak nit ninelu ari'lagoma, ninom seberogo wene wat-wat uogeluk anggikhi lago o.

2 SAMUEL 10:1

Inenggi ekhe inom welagaukwasigen he at Nahas raja o Amon welagaikhe mene a'nogo wa'lagaikhemo, at amlogo Hanun obali'mo raja menlagaikhe.

2 SAMUEL 10:2

A'nogo menlagaikhemo at raja Daud en ikhi logolik he, ”At Nahas andi re nagailak ninom mondok hundik welago mene hilingi'mo re, an nen at amlogo Hanun andi ninom pali wasigiluk welagi,” iluk isikhe. A'nogo isikhesik at Daud en he hun Hanun eisena wa'lagaikhemo endawimo konogo iluk he ap o Amon kweang oba omanogo lakfisasikhe.

2 SAMUEL 17:27

Nen, at Daud o Mahanaim lagunem he, ap Nahas aiba o Amon kota Raba mene andi amlogo enu Sobi andi inom, nen, ap Amiel aiba Lodebar mene andi amlogo enu Makhir andi inom, ap Barsilai aiba Rogelim o Gilead mene andi inom, inomen Daud ebe wanhukwa.

2 SAMUEL 2:5

ap ekhe inayonggo fesikhesik, lakfisikhi logolik, mel yagaisano isikhe: ”Hit hinobabut mandok fano higithoge hinoe raja ebe kweangma salhep andi nen he, At Tuhan nenat hit hinoba fanot hinobagakhi logouwago.

1RAJA-RAJA 20:34

A'nogo lagasukwasik, at Benhadad en ikhi logolik he, ”An nen he, o kota hat heisena nen meneba an neisena nen telasikhe mene omanogo re, nekhengge oak waganogo noe hat wokhesigin o. Nen, noe haren he, an neisena nen o kota Samaria oba yi mene ti mene onggo palhik, hunitik, hilingituba wute andi hak, noe haren ogo re o Damsyk oba wusigin fano aro,” iluk yagatikhe. A'nogo yagatikhemo at Ahab en ikhi logolik he, ”Noe, haren wene watneten mene andiba re, an nen noe hat hebe fikhalogo wulak hobagagin,” iluk isikhe. A'nogo isikhesik at Ahab en Benhadad inom wene wat-wat isukwasik he, Ahab en at a'nogo fikhalogo wulakfesikhe.

1 TAWARIKH 10:11

A'nogo fesukwama it afuni Yabes inap o Giliad welagaukwa mene omanogo nen holhugunemen he, ”It afuni Filistin inaben he at Saul a'nogo ba a'nogo hilingita ugunem holhukwasik he,”

1 TAWARIKH 10:12

it ap inailo lek mene nek folhigik he at Saul ebe warek a'nogo inom, at amlogomi warek omanogo inom, woginabi lagaukwasik waluk he o Yabes wagaukwa. Wagaukwasik he iren andoma e hokho mene ekhe wulibik were'ma a'ma andoma salinafukwasik, it inebe fong watu inenggi sabiren sumburu heang fesukwasik welagaukwa.

AYUB 41:4

I a, athe aren hat yagaheti logolik, An nen hat faget hilingitu mondok logogin, iluk wene wathesu hak nogo?

KELUARAN 23:32

Hiren afuni andoma mene hinom ogo, inanggembu andoma hinom ogo, wene wasu fuk.

YESAYA 36:16

Hiren raja Hizkia ane holhu lek! An noe raja Asyur mene nen ikhi logoik he, hit hinawi kota hinebe welagep kwe andoma herakfisaluk an nawe a'ma asi we'ni o. Hit a'nogo hilingisugun halok he hobuk hiren hinagayo anggur enggen hinonggwarek hineabumo nen ninggik, nen e arah enggen hinonggwarek hinagayo enggen mene ninggik, hinagai mogo hinonggwarek hinagai meneat hinagaisogo ninggik, ikhi logolik werek kwelek enek he,

YEREMIA 40:11

A'nogo agu kwelek omanogo re afuni Israel mene mondogat o Moab, Amon, Edom, kweang oba omanogo nen holhunemen he, raja Babel mene nen he it afuni Israel mene fena re Yehuda ba logouwageluk yagaisikhesik he hun Gedalya it faget gubernur logouwageluk menfikhe o, ugunem holhukwa.

YEREMIA 40:14

iren ikhi logolik, ”Hun Baalis raja Amon mene a'nogo nen he hat hebe pinggi hoasuageluk hun Ismael mimingite mene andi re hat he helu welagen a?” iluk yagatukwa. Oba nen at Gedalya nen he iren ili'lagwi mene andi eberogo ili'lagwi iluk anggasikhe lek.

YEHEZKIEL 17:13

A'nogo laga logolik he aren ap misik ekhe raja Yehuda eisok erokwe mene wenagaisogo fikhesik he ap andi inom wene watik, nen ap andi nen wene tiphogo hilingiti logogin iluk hombuk palogo uageluk yagatik, hilingite. Ap raja Babel mene andi nen he

ULANGAN 23:3

Afuni Moab mene inom Amon mene inom, nen iren tagomangge mene taginabik laga logombik huli 10 nen taginabugun halok ogore Tuhan againafuri mene logogun legat.

HAKIM–HAKIM 10:7

Andiba re, Tuhan nen afuni Israel mene inoba a'mage fesikhesik, ap inunggulenu Amon mene inom, Filistin mene inom inawe a'ma logouwageluk herakfisasikhe.

HAKIM–HAKIM 11:4

Eil misik welagaukwasigen he, afuni Israel mene inoba Amon inaben weim sineli lagaukwa.

HAKIM–HAKIM 21:8

Ma re iren inero misik mene ekhe it inunggulenu Israel meneba nen o Mizpa kabogesi lagunem a'nogo lagaikha lek mene ekhe werega, lega, iluk inareng palhukwama nen he, ap Yabes inap o Gilead mene omanogo nek he ap misik iluk ogo ekhe o Mizpa lagaukwa le'ma heraginafukwa.

1 SAMUEL 12:12

A'nogo meneat he, it afuni Amon mene inoe raja Nahas nen hinoasigiluk ugunem hasigipsik he, Allah nit nineisena Tuhan logogin ninabit, iluk herakfisaluk he, mel yaganetigip andi: Nit he ap raja mene nen melalninafu werek aple ninamolo,” iluk yaganetigip.

1 SAMUEL 14:47

At Saul afuni Israel mene inoe raja agaikhesik logolik he, afuni Israel inaselei mene o ekhema-ekhema welagaukwa mene inom weim hokhorogo yafi lagaikhe. Selei mene andi re, ap Moab mene inom, Amon mene inom, Edom mene inom, afuni Zoba mene inogogwi raja-raja inom, Filistin mene inom, yafi lagaukwa. Weim ekhema-ekhema yafi logolik he, at Saul maben agi'lek omame nek aga lagaikhe.