1 SAMUEL 10:7 - Allah Wene Fano Wene Hupla Inane

⁷ A'nogo mondogat hilinglagunem hegen halok he, Allah hat setharek mondok logogin andi nen, haren he, Fano yi'nogo hilingisugun, iluk anggegen halok he, andiat hilingi'no o.

1 SAMUEL 10:7 ပူးပေါင်းရင်းမြစ်များ

KEJADIAN 21:20

A'nogo hilingitukwasik oba nen, Allah nen Ismael kwalogo mondok welagaikhe. A'nogo kwalogo welagaikhe andiba, yenggerek a'nogo arat alue agaikhesik, o leimo enu Paran andoma logolik, paik sue watuaple enggi pagat weak, hilinglagaikhe.

2 SAMUEL 7:3

A'nogo yagatikhemo, at Natan nen he, ”Tuhan nen lebethiikhi logogin andi nen he, hat hendawimo nen hilingisigin anggegen mene andi hilingi'no nego, noe,” iluk yagatikhe.

AYUB 31:25

Athe, yabu nenggi omameba nangge yi mene ti mene saburogo fakhaluk, neilmo wulalhak welagi iluk fogerakhigirek legaro.

KELUARAN 4:8

A'nogo hilinglagaikhemo, At Tuhan nen he, ”Haren yagaisagain mene andi eberogoat iluk futfogoin mondok inabit halok he, athe, futfoageluk elalin mene attak-attak hilingisigin mene andi ineilenggen hambigat he, futfigi'lek hilingitu halok inom, futfoageluk elalin mene hobuk hilingisigin andiba nen futfogoin o.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

LUKAS 2:12

Ebe enegat hineilenggen hambik, futfobagaigen he, omalik ketago mene su kain meneba yinggilogo e sang tale'ma wam amburu ninggerek oba fagasik werek a'naga ha lani o,” yagaisasikhe.

YOHANES 6:14

A'nogo kwalogo fesukwama, at Yesus nen ebe futfouwageluk elalinat hilingitikhe mene andi it afuni ineilenggen hasukwama andi nen he, mel isukwa: ”Ap ekhe nen Allah ane kweangma yaganisa wesigin isukwa a'nogo eberogoat he, ebe yi aro,” iluk isukwa.

ULANGAN 20:1

At Musa nen a'nogo yagaisasikhesik ekhe yagaisikhi logolik: ”Hirambi it hinaselei mene inom weim yabi laga logolik halok he it hinaselei mene andoma inanggo kuda hokhorogo werek mene faget inom, kereta ap amboloba lagaluk weim yabik lagaikharek mene hokhorogo werek mene faget inom, it inagoromi tentara sikhe fisogo mene esa hit hinebe maben sek kwelek it hokhorgo wane mene andi faget hinailot inabu fuk. Hit hineisena Tuhan Allah o Mesir en hele fikhalogo wilak hinabi wagaikhe mene a'nogo nen enek lebethinafi logogin.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

YOSUA 1:5

An nen attak Musa serogo mondok welagagi andi hak, hat herakhobagagi'lek setharek mondok logogin andi nen he, afuni ekhe nen hat mabenet hobagagun mondok lego.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

HAKIM–HAKIM 6:12

A'nogo hilingitu were'ma malaikat Tuhan a'nogo at elokhoma menlasi wagaikhesik yagati logolik, ”Ap alage hambongsiserek homalik yi namlogo e, Tuhan hinom hundik welagebo,” iluk yagatikhe.

HAKIM–HAKIM 9:33

O hobit hubet mo liabi wagu kwelek andem he, hiren o kota andi mondabi weim sineli kwino, nen at Gaal inom agoromi inom hat inom weim yabugun iluk wagu halok he, at wulibi wesigin oba andem he iaple hilingi'mo re, haren at wolelenggen isano, iluk lakfesikhe.

1 SAMUEL 2:34

Wene An nen yagaheti andi mondok eberogoat iluk enegat asuageluk ebe hilinglaga logolik, hat hagainafuri inebe pire Hofni Pinehas emberek o misik sambulat wa'lasugun o.

1 SAMUEL 20:13

Nen, elokhe age logolik hat hoasigiluk mene hangge werek halok he, hat hebe heise lanogen iluk wene warogo hoba lakfei wesigin aro. Mene re, an a'nogo hilingisigin igi mene andi ebe hilingiti'lek halok, nineisena Tuhan nenat an nebe noasuago. Nineisena Tuhan nen an neisena lebethikhi laga hagat harogo lebethiikhi logouwago.

1 SAMUEL 3:19

A'nogo yagatikhesik oba nen, at Samuel ebe mondok alue aga lagaikhe. A'nogo alue agu kwelek, At nineisena Tuhan fisogo mondok logolik, at Samuel en wene ugu mene mondogat eberogoat mene nek hilinglaga logouwagaluk hilingfikhi lagaikhe.