1 SAMUEL 10:5 - Allah Wene Fano Wene Hupla Inane

⁵ A'nogo hilingi'luk he, hat hebe o Gibea tom Allah andom oba ap Filistin mene inawi su mene wuri'mo andoma lagain a'naga. Lambik, kwe o kota kwagarek oba andem lagain hak he, ap Allah ane yagaisagarek mene esa logalek ekhe o tom oba wam Allah faget warogo noletarek oba andoma nen pi waga logolik, wuni lagik-wagik watik, a'mit sup igik, yi pinggong ti pinggong inom, gitar magendek mene inom, iwak sogoloak hangge inenggi nen watarek mene inom, seruling hulenggen hakhogo watarek mene inom, gitar hokho mene inom, anethilik pi wagunem hinom ambi asugun a'naga.

1 SAMUEL 10:5 ပူးပေါင်းရင်းမြစ်များ

1RAJA-RAJA 18:29

A'nogo hilingitu werek kwelek, o arat hu'mokokwe afuni yabu inenggi ando kwe nen kwi wagaikharek higit asi wagaikhe. A'nogo hilingitukwa meneat he, at tugwi kembu Baal en inom, nen amu mene ekhe nen ogo, inane esanggo holhik, endawirinafik, ane onggo yagaisigik, igi'legat.

2 RAJA-RAJA 2:15

A'nogo wulibi wagaikhemo, ap Allah ane yagaisikhi lagaukwa mene inebe 50 nen o Yerikho nen lagaukwa mene omanogo Elisa ineilenggen hasukwasik he mel isukwa: ”Ap Elia omame a'nogo re at Elisa oba fikhemo,” iluk isukwa. A'nogo isukwasik, at Elisa oba lagaukwasik he, elokhoma ineindep awi yagaisogo hai watukwa.

2 RAJA-RAJA 2:3

A'nogo lagaukwama, it ap Allah ane yagaisikhi lagaukwa mene o andoma welagaukwa mene inebe logalogo Elisa ambit wulibi wagaukwasik he mel yagatukwa: ”Hat he o yogondak yiba nineisena Tuhan nen hat hoe ebe hambokhogo waluk pogoroba lagaumo herakhobagagin mene andi re helu welagen a?” iluk heinok wokhasukwama, aren he, ”An ogo nelu welagi hilingi'mo re, hinane legan'i o,” iluk yagaisasikhe.

2 RAJA-RAJA 2:5

A'nogo lagaukwama, ap Allah ane yagaisikhi lagaukwa mene o Yerikho welagaukwa mene esa logalogo Elisa oba wulibi wagaukwasik he, mel yagatukwa: ”Hat he o yogondak yiba Allah nen hat hoe ebe hambogoisogo waluk pogoroba lagaumo, herakhobagagin mene andi re helu welagen a?” iluk heinok wokhasukwa. A'nogo heinok wokhasukwama, at Elisa nen he, ”An ogo nelu welagi hilingi'mo re, hinane lega'ni o,” iluk yagaisasikhe.

2 RAJA-RAJA 2:7

A'nogo lagu kwelek, it ap Allah ane yagaisikhi lagaukwa mene inebe 50 nen inombo'ne lagaukwa. A'nogo lagaukwama, it Elia Elisa emberek a'nogo i Yordan esanggoma lagaukwasik kamo isukwa. A'nogo kamo isukwama, it ap Allah ane yagaisikhi lagaukwa mene inebe 50 nen omanogo re inombo'ne lagaukwasik yatma hagen mendek logolik yerinarek welagaukwa.

2 RAJA-RAJA 3:15

Enggere, yogondak ap pinggong kecapi watu mene ekhe waluk we'ni o.” Andi isikhemo re, ap pinggong kecapi watu mene a'nogo nen kong etu kwelek he at Elisa a'nogo Tuhan Areagun oba lougisikhe.

2 RAJA-RAJA 4:38

Inenggi ekheba re o yi awi ti awi andoma sumburu ouwak lagasikhemo re at Elisa ambotkwe sugulogo o Gilgal wagaikhe. Wagaikhesik aren it ap nabi omanogo andogerinafikhesik yanggulinabigilik he at amingmingengge a'nogoba re belanga hokho mene waluk ap omanogo inobaget nunggu mene isaginabuageluk yagatikhe.

2 RAJA-RAJA 6:1

Inenggi ekhe sambul he, it ap nabi Elisa nen melalinafi lagaikhe mene omanogo nen Elisa oba limamit falhi logolik he mel yagatukwa: ”Noe. Nit ninawi welagoba yoma mondok kilik-kelok se'ma re, elo'lego.

1 TAWARIKH 13:8

Nen, at Daud inom it afuni Israel mene inom he, fogoil hilik inagaiyek oba wuni wulagaisogo hilingirik laga logolik he, Allah legeisogo fikhi lago iluk he pinggong enu kecapi, rebana, simbal, trompet omanogoba warik laga lagaukwa.

1 TAWARIKH 16:42

At Heman inom Yedutun inom he, iren trompet inom simbal inom kwengeti lagaukwa mene andi inom, pinggong amu mene inom, wuni Tuhan fogeratu awuni watunem andi watu logouwageluk fisasikhe. It inunggulenu Yedutun mene nen agoromi a'nogo re kwe ambe palek hokho mene kwi wagaikharek kwe omanogo kagalek logouwageluk fisasikhe.

1 TAWARIKH 16:5

Kepala hakhogo re hun Asaf menfesikhe, nen at a'ma re hun Zakharia menfesikhe, nen it pinggong kecapi a'nogo wati logouwageluk he, hun Yeiel, Semiramot, Yehiel, Matica, Eliab, Benaya, Obed-Edom, menfisasikhe. Nen, at Asaf he simbal a'nogo kweng eti logouwageluk menfesikhe.

MAZMUR 49:4

An nendawimo kagalek logolik, wene nendawimo ebeti lagi mene re naneba fakhogo ikhi logogin o.

MAZMUR 92:3

Hat hendawi hundik hilingninafi lagen mene a'nogo faget he o huberat ineluet figik, nen Haren tiphogo nek hilingiti lagen mene a'nogo faget he o hubanggo ineluet figik,

1 KORINTUS 14:1

Hinobabut he, afuni inebe inendawirogo welagaikharek andi mene hinomamerogo yanggulhi logoino. Yanggulhi logolik he, Allah Areagun en inobabut lombok wogisikherek wene andi eise asubagaigen, hinendawimo aganhanhogo hilingiti logoino. Hilingiti logolik, Allah ane fakhogo yagaisagarek andi mene wokhisoageluk, esinet feino o.

1 SAMUEL 10:10

A'nogo hilinglagaikhe andi, at Saul amingmingengge a'nogo emberek o Gibea wagaukwa hak he, it ap Allah ane yagaisagarek mene esa logalek a'nogo inom ambi agaukwa. A'nogo ambi agunem, Allah Areagun at Saul endawimo peterogo kwisikhesik, it ap Allah ane yagaisagarek mene inom inane ami'mit suphogo wuni lagik-wagik watukwa.

1 SAMUEL 10:4

Ambi asimbik iren he, hat hai wathafik, sumburu roti mene pire hat helagain obaat heloageluk wokhetik, ugun a'naga.

1 SAMUEL 13:2

aren he, ap Israel mene inebe 3.000 nen wenagaisogo fisasikhesik he, inebe 2.000 at inom o Mikhmas daerah Betel tom oba andoma kamo isukwasik welagaukwa. A'nogo werek kwelek, ap inebe 1.000 nek he, amlogo Yonatan inom afuni Benyamin mene inaiba o Gibea lakfisasikhe. A'nogo hilingitikhesik, inebe fena minggilogo re inailokwe lombok loageluk sugulogo lakfisasikhe.

1 SAMUEL 13:3

A'nogo lakfisasikhemo lagaukwasik, hobuk at Yonatan nen afuni Filistin mene inoe panglima kabelek mene o Geba wagaikhesik were'ma watikhemo, wene andi it afuni Filistin mene inesanggo holhukwa. A'nogo hilinglagaikhemo, at Saul en afuni Ibrani mene inaiba o yi awi ti awi werek mene weim yabi loageluk, ap ekhe pinggong hokho mene anetfuluk weim yonggo loageluk lakfisasikhe.

1 SAMUEL 19:20

A'nogo yagatukwa andi nen, Saul en agoromi ekhe inayonggo fesikhesik, Daud fakfei loagaluk lakfisasikhe. A'nogo lakfisasikhemo lagaukwa meneat he, andoma ap Allah ane yagaisagarek mene esa ekhe logalek at Samuel en woginarek waga logolik, inane ambineat ami'mit sup ikhi logolik, wuni lagik-wagik watunem isasukwa. A'nogo isasukwasik aremnogoat he, it inendawimo Allah Areagun peterogo kwisikhemo re, inane ami'mit suphogo wuni lagik-wagik watukwaat.

1 SAMUEL 9:12

A'nogo yagaisasukwama, it helime silerik omanogo nen he, ”At he, werek. We yogondak yaat hinelokhoma porem lili'lago. Hit weak-weak logoin halok he ebe mukha logoin. Yogondak afuni inobaget punuba andoma mezba oba wam warogo nolugun nen he we yogondagat waga o, at o kota yogondagat kwikhesik werek enggere hinom ambi asugun. Wam Allah faget warogo nolesugun mene andi oan Allah nen fanot fouwagaluk ayonggo figi'le'ma re, afuni inayonggo fogoin mene andoma inambengge ekhe nogoin lek andi nen, attak o kota kwikhe o. Halok he, yogondak yaat sumburu nageluk tom oba oan lagagi'le'ma ambi asi lani o,” iluk yagaisasukwa.