1 SAMUEL 10:4 - Allah Wene Fano Wene Hupla Inane

⁴ Ambi asimbik iren he, hat hai wathafik, sumburu roti mene pire hat helagain obaat heloageluk wokhetik, ugun a'naga.

1 SAMUEL 10:4 ပူးပေါင်းရင်းမြစ်များ

HAKIM–HAKIM 18:15

Andi isukwama re, at Mikha aiba ap Lewi mene ebe souge mene a'nogo were'ma lagukwasik at ebe hilingik aple heinok wokhasukwa.

1 SAMUEL 10:3

A'nogo yagatikhesik, ekhe mel yagatikheat: ”Andoma nen pikhit laga logombik, o Tabor e Allah fogeratarek mene eroma andoma lagain hak he, ap inebe henagan mene o Betel en wam Allah faget warogo nolesuogeluk wagunem hinom ambi asugun a'naga. It andem at ekhe re, wam kambing eagwi henagan mene waluk, nen ekhe re, roti ebe henagan meneat waluk, at ekhe re, anggur enggen amusu iwak wam agap oba hilingik meneba hinagongge waluk wagunem ambi asugun a'naga.

1 SAMUEL 10:5

A'nogo hilingi'luk he, hat hebe o Gibea tom Allah andom oba ap Filistin mene inawi su mene wuri'mo andoma lagain a'naga. Lambik, kwe o kota kwagarek oba andem lagain hak he, ap Allah ane yagaisagarek mene esa logalek ekhe o tom oba wam Allah faget warogo noletarek oba andoma nen pi waga logolik, wuni lagik-wagik watik, a'mit sup igik, yi pinggong ti pinggong inom, gitar magendek mene inom, iwak sogoloak hangge inenggi nen watarek mene inom, seruling hulenggen hakhogo watarek mene inom, gitar hokho mene inom, anethilik pi wagunem hinom ambi asugun a'naga.

1 SAMUEL 16:20

A'nogo yagatukwama, at Isai nen he, wam keledai ekhe wanhikhesik, amboloba kambing eak misigat mene inom, roti inom, iwak wam agap mene hilingik meneba anggur enggen amusu ambem hetokhogo hinago mene inom, liakfesikhesik he, amlogo Daud en Saul wogosi wesuagaluk wogotikhe.