1 SAMUEL 10:27 - Allah Wene Fano Wene Hupla Inane

²⁷ A'nogo meneat he, it ap fena ekhe inobabut weak mene nen ikhi logolik he, ”Ap yi nen nit faget elok tegelninafi logogin anggegeba?” iluk isukwa. A'nogo isukwasik andi nen he, Saul inendawimo seramet fesukwasik, yi mene ti mene endawimo fanorogo ekhe wogoti'lek halolot fisasukwama re, at Saul en ogo eilenggen isigi'lek fukhanggo hilingitikhe.

1 SAMUEL 10:27 ပူးပေါင်းရင်းမြစ်များ

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

2 SAMUEL 8:2

Andi nen it Moab inap ogo inomame leget fisasikheat. A'nogo hilingfisikhi logolik it inebe henagan menere kweang kwe weing la'ni iluk misik ekhe herakfikhi logolik it inebe pire mene halok enek he inoarik lagaukwa. Andiba re it afuni Moab mene re at Daud a'ma sebeluk afuni ap lego mene ekhe nen a'ma sebetu mene omanogo nen onggo wogeti lagaukwa higithogo at Daud oba wogeti lagaukwa.

1RAJA-RAJA 10:25

It a'nogo waga logolik, inebe lombogen he, yi mene ti mene perak mene inom, emas mene inom, su labeti logogun mene inom, sikhe sige inom, yi mene ti mene enduk fano mene inom, wam kuda mene inom, keledai mene inom, weat Salomo wogosi waga lagaukwa. Tahun ebe lombok a'nogo nek wogosi waga lagaukwa andi.

1RAJA-RAJA 4:21

Afuni omanogo ineisok erokwe tomogen he ineabu anggur yabu inom, ara yabu inom welagaikhe. At Salomo eluk werek oba re, raja i Efarat fena fikhit welagaukwa mene omanogo mondok lambukhogo re at Salomo a'ma sebe uluk logolik, nen afuni inunggulenu kerajaan aren melalinafukwe andoma era'lukwe welagaukwa mene omanogo re at Salomo inom hundik were'ma re, afuni Yehuda mene inom, Israel mene inom he, o Dan oba nen he o Bersyeba huli andoma inailo legengge inendawinggen serogo nek welagaukwa. Kweang i Efrat fena fikhiren mo ubuk ikherek fikhit o Tifsah i Efrat aik oba andoma nen he hiling-hiling mo ubuk i lagarek fikhit kota Gaza o Filistin oba andoma nen he o Mesir huli andoma, abirengge re at Salomo nen sebelek welagaikhe. A'nogo were'ma re afuni inunggulenu o andoma werek mene re Salomo a'ma sebe iluk logolik he kweang onggo fei waga lagaukwa. At Salomo nen lingge hundik-hundik nunggu mene faget kabogeti lagaukwa mene re: tepung al mene re 5.000 liter en inom, tepung al inom mene re 10.000 liter en inom, sapi oloba tatu mene re 10 nen inom, sapi leimo tatu mene re 20 nen inom, domba re 100 nen inom, isati lagaukwa. Andem werek kwelek wam rusa inom, kijang inom, kemejangan, unggas, inom andoma.

1RAJA-RAJA 5:1

It afuni Tirus mene inoe raja Hiram andi re at raja Daud inom hundik welagaikhe. Welagaikhesigen hobugen at Daud obali'mo re Salomo menfagama werego isukwama holhikhesik he aren agoromi at Salomo were'ma lakfisa wagaikhe.

2 TAWARIKH 13:7

Nen at Salomo amlogo Rehabeam a'nogo andem oba re aren wene yi'nogo ti'nogo onggo lagalu elo'lek hilingi'mo re, at Yerobeam a'nogo nen ap inobabut mondok weak mene, it inendawimo anggugu aple omanogo hilingisuageluk andogosi wagaukwama re, aren it kwe palinabu mondok elo'lek agaikhe.

2 TAWARIKH 17:5

A'nogo hilingfugunem he at Yosafat en melalinafi lagaikhe awi o kerajaan andiba Tuhan nen omamet fikhi lagaikhe. Nen it afuni Yehuda mene mondogaren he at raja Yosafat faget yi mene ti mene wogosi wagu were'ma re at enggi werek hilinglagik, afuni nen along anggaluk legeisogo figik, ikhi lagaukwa.

MAZMUR 38:13

Ap an noasugun iluk anggagarek mene nen he an nobaget hele yebet nobagali'lagwi, nen an nebe alomat nobagaluk neiloak leget nobagauwogeluk he, inane waletu mondok werek.

MAZMUR 72:10

It ap raja-raja o Darsis oba werek mene nen inom, nen it i alonggen kwe werek mene nen inom at obaget yi mene ti mene wogosuogeluk waluk waga logogun. Nen raja o Arab mene inom Etiopia mene inomen ogore at obaget waluk we'luk fei waga logogunat.

PENGKHOTBAH 7:21

Afuni inane samik-samok agarek mene andoma futfuluk wanhi logou fuk, Ap hat hamingmingengge logogin mene nen hanggomo kagalhi logogin mene andi re sa elu?

YESAYA 36:21

A'nogo ugunem holhukwasik he afuni Yerusalem mene omanogo inoe raja Hizkia nen yagaisasikhe mene higithogo re, inane onggo igi'lek welagaukwa.

MATIUS 2:11

Inendawimo nen inagaiyek hokhorogo agaukwasik oloba kwisukwa re, omalik a'nogo agaisa Maria agoba were'ma ineilenggen hasukwasik, ineindep awi yagaisogo fogeratukwa. Fogerati logolik he, onggo hokho fano mene emas inom, kemenyan kami amben hangge mene inom, e mur amusu inom, heiselogo wogetukwa.

KISAH PARA RASUL 7:35

Fageat it afuni Israel mene nen he: Hat nit ninoe kain logolik wene inoba figik, kotik, ikhi logouwageluk, sa nen menhobagaikhemo. Ninabiro, iluk wenagetukwa a'nogo, at Musa aro. A'nogo wenagetukwa meneat he, malaikat Allah nen yonggo pelakfisa wagarek mene omanogo, at Musa eilenggen hoageluk ekhe pelakfei wagaikhemo re, e panggi hangge mene anggele'ma nen weinam agaikhemo eilenggen hasikhe mene a'nogoat, inoe kain logolik telinabuageluk ayonggo fuluk lakfesikhe andi.

ULANGAN 13:13

afuni hit hinunggulenu mene kwanirogo hilingitarek mene omanogo nen, afuni o kota werek mene omanogo inoba allah amu mene ap-ap hilingisogo fuluk fogeratarek mene omanogo hiren ogo mondok hinonggorat mene a'nogo oba fogerasuageluk yagahisogoin aro.

1 SAMUEL 11:12

A'nogo inoatukwasik, ap Israel mene nen Samuel mel yagatukwa: ”Ap attak inane ikhi logolik Saul he raja logou lek hak, iluk inane ailo legengge isukwa mene omanogo re koma werek? Niren it inebe pinggi inoasuageluk nineisena haren wo'nisa mene hilingiten agwi,” iluk isukwa.

1 SAMUEL 11:13

A'nogo yagatukwa meneat he, at Saul en he, mel yagaisasikhe: ”O yogondak nineisena Tuhan nen againafuri Israel mene telninafemo re, it andi inebe misigat halok ekhe inoasugun mondok lego,” iluk yagaisasikhe.

1 SAMUEL 16:20

A'nogo yagatukwama, at Isai nen he, wam keledai ekhe wanhikhesik, amboloba kambing eak misigat mene inom, roti inom, iwak wam agap mene hilingik meneba anggur enggen amusu ambem hetokhogo hinago mene inom, liakfesikhesik he, amlogo Daud en Saul wogosi wesuagaluk wogotikhe.

1 SAMUEL 2:12

A'nogo hilingitu kwelek, ap Eli againafuri inobabut mondok weak logolik, Tuhan agaugwerati'lek hilingiti lagaukwa

1 SAMUEL 25:17

Arigini'mo re, hat nagaisa nen ninggi'nogo hilingisigin aple andi re fanorogo wenggel hambik, an nen ti'nogo hilingisigin iluk katokhogo ino. Nit ninoe andi re mondogat ungguloak haro logolik ane uageluk heinok wokhugunem ogore ane igi'lek werek a'nogo. Nen aren a'nogo hilingite mene andi onggore at ninoeba inom, nen at eisok erokwe mene mondogat inom, ninoba asi wesigiluk werek andi!” iluk yagasi lagaikhe.