1 SAMUEL 10:26 - Allah Wene Fano Wene Hupla Inane

²⁶ A'nogo lakfisasikhemo lagu kwelek, at Saul ogore, aiba o Gibea laga logolik, ap inebe fenakwe inobabut mondok hibilik-hebelek mene nek Tuhan nen inendawimo hilingfesikhemo inom lagaukwa.

1 SAMUEL 10:26 ပူးပေါင်းရင်းမြစ်များ

2 SAMUEL 21:6

Arigini'mo re, at Saul en tagomangge mene andoma nen ap mene nek inebe 7 nen andem niren Tuhan elokhoma nen o Gibea kota at raja Saul onggwarek aiba andoma nen inoasimbik inebe eba kologo fisouwogen he wo'nisan o,” iluk yagatukwa. A'nogo yagatukwama at raja nen ikhi logolik he, ”Fano, enggere it inebe an nen hit wokhisagain o,” iluk yagaisasikhe.

EZRA 1:5

Wene a'nogo wulafikhemo, it afuni inunggulenu Yehuda mene, Benyamin mene, inogogwi kaindek inom, ap imam omanogo inom, ap Lewi mene omanogo inom, nen it afuni ekhe inebe lombok Allah nen inendawimo kagalhikhe mene omanogo mondogat Allah awi o Yerusalem a'nogo wusi wesuogeluk inasunggwe tegelogo fesukwa.

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

YESAYA 10:29

It inebe re tom soganisaluk lagaikhasik he o Geba nogoli'lagwi! Nogogunem he ap o kota Rama mene re inoak elekwe leigeri'lagwi, nen afuni o Gibea, raja Saul awi kota andi mene re inailo nen heise wulifa.

KISAH PARA RASUL 13:48

A'nogo yagaisugunem he, it afuni endakwe mene inesanggo holhukwasik, iren he, ”Allah wene andi fano mondok isikhemo higi,” iluk fogeratukwasik inendawimo agaiyek anggasukwa. Inendawimo inagaiyek anggasukwasik he, Allah nen it nabulal-habulal hilinginabigeluk wenaginafikhe mene halok he, ”Wene andi eberogoat,” iluk futfesukwasik wanhukwa.

KISAH PARA RASUL 7:10

A'nogo telho were'ma, ap kain Firaun o Mesir mene inoe enupogot a'nogo nen he, ”Ap yi obabut fano. Endawinggen mondok kagalek,” iluk ebe oba liok isikhesik, mel yagatikhe: O Mesir yoma inom, an nawi inom, nagainafuri inom, haren ferinarek logolik, an mene yi mene ti mene yoma mondogat hat henggiba logoinok, iluk ebe gubernur logouwageluk menfesikhe.

HAKIM–HAKIM 20:14

A'nogo herakfisaluk he, it wilayah Benyamin a'ma werek mene andoma, Israel inap fena inom weim yabuogeluk he o Gibea kabogesi wagaukwa.

1 SAMUEL 11:4

A'nogo yagatukwasik, ap ekhe inayonggo fesukwa mene omanogo yonggo o Gibea at Saul werek oba a'nogo wagaukwa. Wagaukwasik, weim abok a'nogo yagaisasukwama, it afuni inesanggo holhukwasik, inailo nen inane hokhorogo le agaukwa.

1 SAMUEL 13:2

aren he, ap Israel mene inebe 3.000 nen wenagaisogo fisasikhesik he, inebe 2.000 at inom o Mikhmas daerah Betel tom oba andoma kamo isukwasik welagaukwa. A'nogo werek kwelek, ap inebe 1.000 nek he, amlogo Yonatan inom afuni Benyamin mene inaiba o Gibea lakfisasikhe. A'nogo hilingitikhesik, inebe fena minggilogo re inailokwe lombok loageluk sugulogo lakfisasikhe.

1 SAMUEL 15:34

A'nogo hilingi'luk, at Samuel aiba Rama wagu kwelek, at Saul aiba Gibea wagaikheat.