1 SAMUEL 10:25 - Allah Wene Fano Wene Hupla Inane

²⁵ A'nogo elokhe wanhukwama, at Samuel en Saul eise logolik hilingiti logogin mene afuni omanogo yagaisasikhesik he, lisu palogo o Allah onggwarek awi wuri'mo obalik hore'ma a'nogo fesikhe. A'nogo arat hilingi'luk he, afuni omanogo mondogat inawilokwe lombok inambotkwe loageluk lakfisasikhe.

1 SAMUEL 10:25 ပူးပေါင်းရင်းမြစ်များ

2 RAJA-RAJA 11:17

A'nogo hilingitukwasik he at imam Yoyada nen it afuni holhu mene omanogo inom, at raja Yoas a'nogo inom, inoba yagaisikhi logolik he, ”Nit Tuhan againafuri asugun,” iluk hombuk palini o. Nen, aren ogo re, at raja ebe inom afuni holhu mene nen inomen inane hombuk paluageluk yagatikheat.

ULANGAN 31:26

”Allah nen komotninafikhe wene lisu palek yi, Peti Wene Warogo nineisena Tuhan nen wo'ninafikhe iluk hilingik mene andi era'lu andem foumo andoma mondagat were'ma re, afuni nen ineilenggen haluk eberogo an neilhanem hilinglaga iluk agarek andi hak Allah nen he, Eberogoat komothinaf, iluk ikhi logou hak peti era'lu andoma mondok logouwago.

TITUS 3:1

Allah againafuri haren ferinarek welagen mene andoma nen, inogogwi pemerintah mene kaindek inawe a'ma were'ma, iren yi mene ti mene higithogo hilingisuageluk ugunem, ”Io,” iluk inane hologo hilingiti logouwageluk komorinafi logoino.

YOSUA 22:6

Andi nen at Yosua nen loageluk fano anggasikhesik, it inebe inambotkwe wilayah iren meneba loageluk lakfisikhi logolik he wene hilingisugun mene ebere yi'nogo, ”Yogondak he hit hinenggi werek agepsik he hit hinebe hinambotkwe laga logolik, hinanggo inom, hinangge perak, emas, tembaga, inom, posiemanggen inom su labetu mene inom, helaluk logoino. Hiren telogo helogoin mene andoma re hinagaila'lak hit hinunggulenu mene inoba ogo sumburisano.” iluk yagaisasikhe. A'nogo isikhemo re inunggulenu Ruben mene inom, Gad mene inom, Manasye mene i Yordan fena timur fikhit welagaikharek mene omanogo inom he, ap Israel amu mene omanogo herakfisasluk he o Silo Kanaan oba omanogo nen he it inanggweang oba o Gilead omanogo logoin iluk lagaukwa. It inebe kweang andiba re Tuhan nen wene melalogo Musa bene nen yagaisasikhe higithogo welagaukwa. (It inunggulenu Manasye mene fena minggilogo re kweang i Yordan barat fikhit omanogo Musa nen wogisasikhemo helasukwa, nen inunggulenu Manasye mene fenakwe mene re kweang i Yordan fena barat fikhit omanogo Yosua nen it inunggulenu amu mene inom seberogo wogisasikhemo welagaukwa.)

1 SAMUEL 11:14

A'nogo yagaisasikhemo, at Samuel en he, mel yagaisasikhe: ”Nit ninebe mondogat o Gilgal lambik Saul nit ninoe raja arat logouwago, iluk hombuk paluogen he, louwogo,” iluk yagaisasikhe.

1 SAMUEL 8:9

A'nogo hilingiri'lagwi andi nen he, iren kino yagaheta mene andi inane hesanggo holino o. A'nogo meneat he, haren mel yagaisano: Hobuk ap ekhe hinoe raja menfogoin meneat he, yi'nogo hilinghinafi logogin, iluk inelurogo yagaisano o,” iluk yagatikhe.