1 SAMUEL 10:24 - Allah Wene Fano Wene Hupla Inane

²⁴ A'nogo hilinglagaikhemo, at Samuel en he, afuni omanogo mel yagaisasikhe: ”Ap nineisena Tuhan nen wenagaisogo menfikhe mene ebere yi aro. Nit ap Israel mene mondogat at ninom higit mene ekhe lego,” iluk yagaisasikhe. A'nogo yagaisasikhemo, it afuni omanogo mondogat inane ami'mit suphogo re, ”Wa, wa, wa, ninoe kain henupogot hat aro,” iluk elokhe wanhukwa.

1 SAMUEL 10:24 ပူးပေါင်းရင်းမြစ်များ

2 SAMUEL 16:16

A'nogo kwi wagunem, at Husai unggulenu Arki mene Daud agailak emberek oba lombokhogo logolik ane hologo hilingiti lagaikhe mene a'nogo, Absalom emberek ambi agaukwasik he, mel yagatikhe: ”Ninoe henupogorat logoino o. Ninoe henupogorat logoino o,” iluk ane hokhorogo yagatikhe.

2 SAMUEL 21:6

Arigini'mo re, at Saul en tagomangge mene andoma nen ap mene nek inebe 7 nen andem niren Tuhan elokhoma nen o Gibea kota at raja Saul onggwarek aiba andoma nen inoasimbik inebe eba kologo fisouwogen he wo'nisan o,” iluk yagatukwa. A'nogo yagatukwama at raja nen ikhi logolik he, ”Fano, enggere it inebe an nen hit wokhisagain o,” iluk yagaisasikhe.

1RAJA-RAJA 1:21

Mene re, haren, At ti hak inoe raja asuak, iluk weak-weak igi'le'ma hebe wa'lasigin halok, an inom, hamlogo Salomo inom, afuni nen weak hilingitunem wene inoba fuluk hilinginafarek andi hak, hilingninabugun o,” iluk yagatikhe.

1RAJA-RAJA 1:25

O yogondak yi sambul he, at anggo domba inom, sapi ai mene inom, otholik mene inom, hokhorogoat Allah faget fisikhesik pesta hilingisigiluk, ap hat hagainafuri mene mondogat inom, hagoromi tentara inogogwi kaindek panglima mondogat inom, ap Allah eisewerek Abyatar inom, inayonggo fikhesik pesta hilingiti logolik mel ili'lagwi andi: Ninoe raja re Andonia logouwago, iluk inane ami'mit hokhorogo sup ili'lagwi o.

1RAJA-RAJA 1:34

Lambik he, ap imam Zadok inom, Allah ane yagaisikherek mene Natan inom emberegen amusu unggul oba kweisalogo afuni Israel mene inoe raja menfouwago. A'nogo arat menfaga halok he, hiren pinggong ane hokho mene a'nogo anethikhi logolik, hinane ami'mit suphogo lakfikhi logolik mel ino: Ninoe raja re Salomo logouwago, iluk ino o.

1RAJA-RAJA 1:39

Lagaukwasik, at Zadok en e zaitun amusu o nineisena Tuhan awi su mene wuri'mo nen waluk lagaikhe mene wanhikhesik, Salomo unggul oba kweisalogo at ebe raja logouwageluk menfesikhe. A'nogo menfikhi logolik pinggong ane hokho mene anethugunem, ap andoma andogotukwa mene omanogo inebe mondogaren inane ami'mit suphogo mel isukwa: ”Ninoe raja re Salomo logouwago,” iluk isukwa.

2 RAJA-RAJA 11:12

A'nogo mondogat hilingfesikhesik Yoyada wulibi wagaikhesik he Yoas unggul oba mahkota kware-kware hak mene a'nogo ungguloba fuget fesike, nen buku Tuhan awene melalek a'nogo enggin figik isikhe. A'nogo hilingfuluk he at imam Yoyada inom at againafuri inomen he linggene at raja menfesukwa sambul a'nogo re amusu oba kweisal fesukwama, it afuni mondogat a'nogo nen inagaiyegen inenggi taphogo inane a'mit sup ikhi logolik ”Nineisena hat raja logogin o!” ikhi lagaukwa. At Yoas raja logouwageluk iren a'nogo menfesukwa andi.

2 TAWARIKH 23:11

A'nogo mondogat hilingfisasikhesik at Yoyada nen he hun Yoas a'nogo hondo'luk wulibi lagaikhesik he, at Yoas ungguloba kware-kware hangge makhota a'nogo puget figik, nen buku Tuhan Awene melalek palek werek mene a'nogo enggimo figik, isikhe. A'nogo hilingfuluk he at imam Yoyada inom at againafuri inomen he linggene at raja menfesukwa sambul a'nogoba re amusu ebene kweisalogo hilingfesukwama re, it afuni mondogat a'nogo nen inane lambulogo ikhi logolik he, ”Nineisena raja heluk mondok logoino!” ikhi lagaukwa. Iren at Yoas ebe raja logouwageluk he a'nogo menfesukwa andi.

MATIUS 21:9

A'nogo fesukwasik laga logolik he, at Yesus ebe tulemet fesukwasik, it ekhe attak agik, it ekhe ombo'ne agik, laga logolik he, inane hokhorogo mel ilik lagaukwa: Daud en tagongge mene, noe wa! noe wa! noe wa!” iluk u hak,” Hosana Nineisena Enupogot Allah nen lakhobagai wagama wagen yi, arenat fanothabuago. Allah Lego mondok welagendek mene neisena wa!” u hak, ”Hosana” iluk a'mit suphogo ilik-ilik, o Yerusalem kwisukwa.

ULANGAN 17:15

A'nogo hinendawimo anggikhi logolik halok he ap hiren hinoe raja ekhe heragaisogo menfogoin mene andi re at ebe hineisena Tuhan Allah nen ayonggo fikhe mene halok menfeino. Nen hit hinoe menfogoin mene andi re hit hinonggwarek hinunggulenu meneat heragaisogo menfisano, ap amu mene nen fethinarek logouwageluk menfisa fuk.

1 SAMUEL 11:15

A'nogo yagaisasikhemo, it mondogat o Gilgal wagaukwasik, o Allah fogeratarek oba andoma nen Allah nen lambulinabuagaluk at faget wam warogo noleti logolik, ”Saul nit ninoe raja arat logouwak,” iluk it afuni Israel mene inebe mondogat Saul inomen wene andi faget seni isatukwa.

1 SAMUEL 12:1

A'nogo hilingitukwasigen, at Samuel en afuni Israel mene mondogat mel yagaisasikhe: ”An nen hiren kino yaganetep mene omanogo mondogat hinane hologo hit faget hinoe raja arat menfigi o.

1 SAMUEL 12:13

Halok he, yogondak yethani, hiren hinoe raja wenagaisogo fakhegep a'nogo re, ebe yi. Nineisena Tuhan kino yagatepma re, Aren wokhisikhe andi.

1 SAMUEL 9:2

At Kish andi amlogo re, ap souge fano mondok mene enu Saul welagaikhe. Afuni Israel mene ap mondogat endebat fano hangge meneat he, arenek he, eil alili mondok fano pugunsek welagaikhe. At oakhuse re it Israel mene endep mangge omolo huli werek kwelek arenek he mondok uan mene welagaikhe.