1 SAMUEL 10:20 - Allah Wene Fano Wene Hupla Inane

²⁰ A'nogo yagaisasikhesik, afuni Israel mene inunggulenu lombok mondogat tegelogo elokhoma asi wesuagaluk yagaisasikhemo wagaukwama re, Allah nen wenatikhe mene a'nogo re, it inunggulenu Benyamin mene inoba agaikhe.

1 SAMUEL 10:20 ပူးပေါင်းရင်းမြစ်များ

2 SAMUEL 3:19

A'nogo yagaisasikhesik he, at Abner en ogo it ap Benyamin mene inom, wene ane matukwasik he, at a'nogo o Hebron hun Daud ambit it Benyamin inaben inom, it Israel inaben inom, isukwa mene a'nogo yagaisa lagain iluk lagaikhe.

YUNUS 1:7

Yagatikhesik, emberek lagai wagaukwa re, it ap kapal waluk lagaukwa mene omanogo nen it-it ikhi logolik, ”Ero sa weak hilingiteba nen nit wene weak mene yi ninoba aga nogo, iluk ninendawinggen wenggelasuagaluk, oagengge lakfouwogo,” iluk isukwasik oagengge lakfesukwa re, at Yunus a'nogoba higit agaikhe.

ULANGAN 33:12

A'nogo yagatikhesik, it afuni inunggulenu Benyamin mene faget Allah mel yagatikhe: ”Afuni inunggulenu Benyamin mene yi re, hat nineisena Tuhan nen he hendawi hundik mene o. Andi nen he, hat hebe it inanggelekwe mondok logolik, linggene hubanggo ferinarek mondok logoino o,” iluk yagatikhe.

1 SAMUEL 10:19

An nen hit yi enggin ti enggin a'nogo hikhi logolik mondok weak were'ma telhinafi lagi meneat he, An nen hit hinoe raja yi logouwak, iluk wenagaisogo wokhisoageluk, An hineisena Allah nebe hinabiren heraknobagagep andi. Halok he, hit hinunggulenu lombok logalhigik, hineisok erokwe lombok logalhigik, An hineisena Tuhan neilhanem andogosi we'ni o, iluk yagahisikhe,” iluk yagaisasikhe.

1 SAMUEL 10:21

A'nogo hilinglagaikhemo, it inunggulenu Benyamin mene a'nogo akhogo hilingik mene higithogo elokhoma asi we'ni, iluk yagaisasikhemo wagaukwama re, it hun Matri eisok erokwe mene tegelogo wenaginafikhe. Andi nen kobokhogo re it hun Matri eisok erokwe mene ap mene nek elokhoma asi wagunem he at Saul hun Kish amlogo a'nogo agaikhe. A'nogo agaikhemo iren Saul ebe heratukwaba nen he at ebe andoma welagaikhe lek.

1 SAMUEL 14:38

A'nogo kamo isikhe andi nen at Saul en ap tentara inogogwi mene inoba yagaisasikhe: ”Hit hinebe mondogat andoget ha wesimbik o yogondak he, sa nen ekhe weak hilingitemo iluk hera'ni o.

1 SAMUEL 14:41

A'nogo isukwama, at Saul en samban Allah mel yagatikhe: ”Nit afuni Israel mene nineisena Allah, o yogondak he, wene onggo yaganeten lek andi nenahalok? Neisena, Hat honggwarek hagalep yaba nen wene onggo yaganom o. An nen he a? Namlogo Yonatan nen he a, weak hilingitoma halok wene onggo helep Urim yiba nen yagane'no o. Mene re, hagainafuri Israel mene nen weak hilingitama halok, wene onggo helep Tumim yiba nen yagane'no o,” iluk yagatikhemo, Allah nen he, ”Weak hilingitepma,” iluk wene at Saul Yonatan emberek inoba figik, nen it tentara mene mondogat, ”It weak hilingiti'lek,” iluk inoba kotik, isikhe.