1 SAMUEL 10:16 - Allah Wene Fano Wene Hupla Inane

¹⁶ Heinok wogisasikhemo, at Saul en he, ”At Samuel en he, wam longgoikhe mene andi arat herata, iluk yaganisikhe o,” iluk yagatikhe. A'nogo yagatikhe meneat he, aren he, ”At Samuel en an nebe raja logouwagaluk mennobaikhemo wagi o,” iluk eisena agot a'nogoba yagati'lek endawimo kamo isikhe.

1 SAMUEL 10:16 ပူးပေါင်းရင်းမြစ်များ

KELUARAN 4:18

A'nogo mondogat yagatikhemo re, at Musa a'nogo ambotkwe eamal Yitro aiba lagaikhesik, mel yagatikhe: ”An nambotkwe o Mesir lambik, an nagaila'lak omanogo ineluk werega, lega iluk neilenggen isa lageluk yagaheti lagi o, neisena. Higit lagain a? Lega?” iluk yagatikhemo, at Yitro nen he, mel yagatikhe: ”Lagain fano. Nagot,” iluk yagatikhe.

AMSAL 12:23

Ap hebelek mene nen he at elu mene omanogo leget fakhigi'lek sebel fakhikherek, ap morue mene nen he onggwarek hilingik aple omanogo faget tindelik lagarek.

AMSAL 29:11

Ap kembu mene nen he wene weinam fakhogo wenagisikherek, oba nen he, ap hebelek mene nen he ina'mage lagai wagarek mene a'nogo sebelogo fuluk welagarek.

PENGKHOTBAH 3:7

Nen, o ti sambul su ebe kwasuwak, nen, ti sambul su ebe tilibuak, nen, o ti sambul at ane legat logouwak, nen, ti sambul ane ikhi logouwak, anggigik,

HAKIM–HAKIM 14:6

A'nogo emberek ambi agaukwasik, at Simson Tuhan nen omame aremnogoat wogotikhemo, wam kambing wasu hakhogo, singa a'nogo enggi nen libik-labakhogo watikhe. A'nogo watikhesik, aren he, ”An yi'nogo hilingiti,” iluk eisena agaisa yagaisigi'lek, afe motfisasikhe.

HAKIM–HAKIM 14:9

A'nogo hasikhesik, kin amusu omanogo enggi nen felelenghogo wanhikhesik ebekwe laga logolik nilik lagaikhe. Lagaikhesik, kin amusu fena omanogo re eisena agaisa wogisa lagaikhemo nasukwaat. A'nogo wogisasikhemo nasukwa meneat he, ”Kin amusu yi re singa warek mene elonggolema fikhemo keralhi mene,” iluk eisena agaisa yagaisasikhe legat.

1 SAMUEL 10:15

A'nogo yagatikhemo, aren he, ”Wene ninggi'nogo yagahisikhe,” iluk heinok wogisasikhe.

1 SAMUEL 9:20

Nen, hat hanggo keledai hup henagan longgoikhe mene andi re, arat herata andi nen he hendawi fitun o. Nen, andi nek lek oba nen afuni Israel mene were'ma nen, ebe mondok esin onggo hokho anggagarek mene andi, hat hebe inom, heisena eisok erokwe inom, wokhisamo eise asugun o,” iluk yagatikhe.

1 SAMUEL 9:27

Wulibi wagaukwasik, o kota era'lu horokhogo asi lagaukwasik he, at Samuel en Saul mel yagatikhe: ”Hamingmingengge ari nit hobuget ninobagaluk attagat loagen yagaom o,” iluk yagatikhemo, at Saul en amingming engge a'nogo yagatikhemo, attagat asi wagaikhemo, at Samuel en mel yagatikhe: ”Allah nen yagahesuagaluk ikhe mene ekhe yagahesigen he, arem logoin o,” iluk yagatikhe.