1 SAMUEL 10:1 - Allah Wene Fano Wene Hupla Inane

¹ A'nogo yagatikhemo, kamo isikhemo re, at Samuel en minyak zaitun amusu i oak oba hinago mene wanhikhesik he, Saul unggul oba kweisalogo watfesikhesik, hai ambe saluk wati logolik mel yagatikhe: ”Nineisena Tuhan nen At againafuri inoe raja logouwageluk menhobagaikhe o. Andi nen he, hat At againafuri inoe raja logolik he, afuni it inaselei mene nen ferinarek logoinogo iluk haren ferinarek logogin o. Haren he, Neisena Tuhan nen at againafuri inoe raja logolik ferinarek logouwagaluk eberogoat mennobagaikhemo, iluk enegat asuagaluk yi'nogo hilinglagunem hagain a'naga.

1 SAMUEL 10:1 ပူးပေါင်းရင်းမြစ်များ

2 SAMUEL 1:14

A'nogo yagatikhemo, at Daud en he, ”Ap kain raja logouwageluk Tuhan nen wenagaisogo menfikhe mene, haren hailo legengge waten andi re nailo e,” iluk yagatikhe.

2 SAMUEL 19:39

A'nogo yaga'luk, at Daud agoromi tentara mene mondogat inom i Yordan palogo wulibi wagaukwa. Wulibi waga logolik, Daud en Barzilai hai ambe saluk watikhesik, ”Allah nen fanothabuago,” iluk lakfesikhemo, at Barzilai aiba ambotkwe lagaikhe.

2 SAMUEL 20:19

Nit ninawi kota Abel ari re mondok hokho mene hilingik, nen o afuni Israel mene werekwe andoma nen he o arire tiphogo nek hilingitarek aiba, nen ebe ogore yi wene ti wene onggorengge we wonghogo werek awi.’ Oba nen he, nenahalok noe haren wolelenggenhogo fagain iluk hilingiti lagen? Noe hat he At Tuhan anggweang onggwaregen mene ari weagerogo fagain iluk hendawimo hamolo logolik hilingiti lagen a?” iluk yagatikhe.

2 SAMUEL 5:2

Nen, o attak he, at Saul ebe nit ninoe raja logolik, fetninarek werek kwelek, hat ogore, ap tentara Israel mene weim yabuogoluk ugunem, haren woginarek weim yabi laga lagagin anggigi. Nen, nineisena Tuhan nen ogore, wene mel wathetikhe anggigi: Hat hebe an nagainafuri inoe raja asimbik ferinarek logoino o, iluk wene wathetikheat anggigi,” iluk yagatukwa.

1RAJA-RAJA 1:34

Lambik he, ap imam Zadok inom, Allah ane yagaisikherek mene Natan inom emberegen amusu unggul oba kweisalogo afuni Israel mene inoe raja menfouwago. A'nogo arat menfaga halok he, hiren pinggong ane hokho mene a'nogo anethikhi logolik, hinane ami'mit suphogo lakfikhi logolik mel ino: Ninoe raja re Salomo logouwago, iluk ino o.

1RAJA-RAJA 19:18

A'nogo meneat he afuni Israel mene inebe 7.000 nen menere, An noba lombokhogo mondok welagaikharek hagat logolik, tugwi kembu Baal andi ineindep awi yagaisogo fogeratik, inambe salugetik, igi'lek mene andi an nen telinabigin o,” iluk yagatikhe.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

2 RAJA-RAJA 9:1

Andem oba re nabi Elisa nen ap nabi aren yanggulinafi lagaikhe mene omanogo misik ekhe woletikhesik yagati logolik, ”Hat he o Ramot Gilead andoma lanogen he tik-tukhogo hilingisin o. Nen, hat hebe laga logolik he e zaitun amusu iwak oba hinagongge ari waluk lan o.

2 RAJA-RAJA 9:12

Andi yagaisasikhemo iren onggo ikhi logolik he, ”Lek, nit he ninonggot enggere haren senggerogo yaganisan,” iluk isukwa. Andi isukwama at Yehu nen ikhi logolik he, ”Aren wene yaganeti logolik he, an nebe Tuhan nen afuni Israel mene inobaget inoe raja logouwageluk mennobagaikhe mene faget yaganete o,” iluk yagaisasikhe.

MAZMUR 135:4

At onggwarek faget he Yakub wenagaisogo fakhasikhe, At againafuri Israel mene re At onggwarek mene hilingisogo fakhasikhe.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 78:71

At Tuhan againafuri Israel mene omanogo halinafi logouwageluk at ebe wam domba isa omanogo halhunemen wanhikhe.

KELUARAN 30:23

”Amben-amben engge mondok fano mene andoma waluk, mur enam kilo lokhorek mene inom, tiga kilo e enduk miksek fano mene inom, tiga kilo eil amben fano sangsek mene inom, e teja mene enam kilo inom, waluk he,

YEREMIA 10:16

Yakub eisena Allah andi re tugwi kembu andoma inom higit he lego, At andi re yi mene ti mene mondogat elalhikhe mene. Nen Enu re Tuhan Omame Mondok Hokho mene andi. Aren he Israel mene At againafuri mene asuageluk wenagaisogo fisasikhe.

YEHEZKIEL 16:13

Hat he halilingge a'nogo no emas inom, perak inom meneba liagaisogo welagagin, hasu re yo linen su meneba inom, tagwi agap oba kwagaisogo ugungge meneba laberek welagagin. Hat hambe nunggu mene re roti terigu ba hilingik mene inom, kin amusu inom, zaitun amusu inom oba hilingik engge ninggi lagagin. Heil alili re fano mondok hilingik logolik he hebe ratu agagin.

HOSEA 13:2

O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!

KISAH PARA RASUL 13:21

Huli andi huli nen he, it afuni omanogo nen he, ninoe kain ekhe menfogoin ninamolo, iluk Allah kino yagatukwama re, aren he, Saul, ap Kis unggulenu Benyamin mene amlogo, menfuluk wogisasikhe. Wogisasikhemo, at ebe mo lagagik, pigik, ugu kwelek 40 tahun kainat welagaikhe.

ULANGAN 32:9

A'nogo meneat he, afuni Yakub en tagongge mene re, nineisena Tuhan, onggwarek againafuri, logouwagaluk wenaginafikhe.

1 TESALONIKA 5:26

Hiren he: ”Paulus lagen hai a'nogo wathinafao,” iluk, Allah againafuri logolik inobabut hilingitarek hagat, hinerugwi hinagaila'lak Allah againafuri mene ekhe mondogat hai fanorogo warinabik lano o.

IBRANI 2:10

At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.

WAHYU 5:8

A'nogo enggimo wanhunem he, it Allah nen elalinafikhemo ineluk welagaikharek mene ekhe inebe 4 en omanogo inom, ap inaluendek inebe 24 en omanogo inom, Domba Eak a'nogo awe a'ma kuluk ineindep awi yagaisogo fogerati lagaikha. A'nogo fogerati logolik, it ap inaluendek omanogo inebe lombok gitar hangge mene inom, kemenyan amusu iwak emas mene hilingik meneba hinago mene inom, inenggimo fisogo logolik endawi wati lagaikha. Kemenyan andi ebe re, Allah againafuri samban agarek andi aro.

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.

1 SAMUEL 13:14

Meneat he, At nineisena Tuhan nen yagaheti'lek mene hilingiten andi nen he, hat hebe raja logolik afuni ferinarek logogin mondok lego. We At nineisena Tuhan endawimo nen he, ap hunogo mene ekhe an nagainafuri inoe raja logouwageluk anggikhe mene arat wenagaisogo fikhemo werego,” iluk yagatikhe.

1 SAMUEL 15:1

Inenggi ekhe sambul at Samuel en he, Saul mel yagatikhe: ”Hat hebe nineisena Tuhan nen he At againafuri Israel mene inoe raja logouwagaluk yaganetemo hunggul sebelogo menhobagagi anggigi. Andi halok he nineisena Tuhan Omame Mondok Hokho mene a'nogo nen, yi'nogo hilingi'no, iluk ikhe mene andi hesanggo hologo hilingi'no o.

1 SAMUEL 15:17

A'nogo yagatikhemo, at Samuel en he, ”Hat honggwarek hendawimo nen he, An elo'lek iluk anggugu kwelek meneat he, afuni Israel mene inunggulenu lombok inoe kain raja logoinogen iluk nineisena Tuhan nen wenagaisogo hobagasikhemo, it inoe hilinglagendik ferinarek welagen lek nogo a?

1 SAMUEL 16:1

At Samuel enggi ekhe inom endawimo a'nogo weak were'ma, nineisena Tuhan nen mel yagatikhe: ”Hat Saul faget henggi miren oba hendawimo a'nogo weak logogin nogo? An nen he, at Saul afuni Israel mene inoe raja logogin mondok lek, iluk arat igi lek nogo? Andi nen he, hat yogondak zaitun amusu ekhe wanimbik he, o Betlehem lan o. Lambik, ap enu Isai amlogo ekhe raja logouwageluk arat wenagaisogo figimo werek andi nen he, lan o,” iluk yagatikhe.

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.

1 SAMUEL 24:6

A'nogo tiliphogo wanhikheba nen, hobugen at Daud endawimo nen he eige an nen a'nogo hilingiti andi re weagat hilingiti o, iluk anggasikhe.

1 SAMUEL 26:11

Arigini'mo re, we At Tuhan ninoe raja ebe wenagaisogo menfikhe mene andi nen enek an nen wati hanogo iluk elele waganogo nobagakhi logouwak! Nen nit he arat logoin enggere, we arige ari inom, agaiwak ari inom enek he wanini o!” iluk yagaisasikhe.

1 SAMUEL 26:9

Oba nen he Daud en ikhi logolik, ”Haren at oba yi'nogo ti'nogo ekhe hilingfou fuk! Afuni nen ap raja Tuhan nen wenagaisogo menfikhe meneba weak mene hilingfisugu halok he Tuhan nen unggum wogisikherek enggere.

1 SAMUEL 8:19

A'nogo yagaisasikhe meneat he, it afuni inunggulenu andi inaben he, ”Samuel ikhe andi weak ikhe,” iluk herakfisasukwasik he, mel yagatukwa: ”Nit ninoe raja ekhe logogin ninamolo anggogosi'mo re, nit he ninoe raja wo'nisagainaro,” iluk isukwa.

1 SAMUEL 8:9

A'nogo hilingiri'lagwi andi nen he, iren kino yagaheta mene andi inane hesanggo holino o. A'nogo meneat he, haren mel yagaisano: Hobuk ap ekhe hinoe raja menfogoin meneat he, yi'nogo hilinghinafi logogin, iluk inelurogo yagaisano o,” iluk yagatikhe.

1 SAMUEL 9:16

”An nagainafuri afuni Filistin mene nen ferinarek logolik weagerinafunem, an nen telinabuageluk le aga logolik kino yaganeti lagaikha mene andi, inane an arat nesanggo holhirik, o hobit huberat siakhogo o mo ya higirat ap ekhe unggulenu Benyamin mene hinom ambi asuagaluk hoba lakfei wesigin a'naga o. Andi nen he, hemberek ambi agep halok he, at andi nen an nagainafuri Israel mene telinabigin a'naga re, haren, inoe enupogot logouwagaluk amusu unggul oba kweisalogo menfeino o,” iluk yagatikhesik oba nen emberek a'nogo ambi agaukwa andi.

1 SAMUEL 9:27

Wulibi wagaukwasik, o kota era'lu horokhogo asi lagaukwasik he, at Samuel en Saul mel yagatikhe: ”Hamingmingengge ari nit hobuget ninobagaluk attagat loagen yagaom o,” iluk yagatikhemo, at Saul en amingming engge a'nogo yagatikhemo, attagat asi wagaikhemo, at Samuel en mel yagatikhe: ”Allah nen yagahesuagaluk ikhe mene ekhe yagahesigen he, arem logoin o,” iluk yagatikhe.