1 SAMUEL 1:3 - Allah Wene Fano Wene Hupla Inane

³ A'nogo logolik, at Elkana re nineisena Tuhan Allah omame hokho mene a'nogo fogeratik, wam warogo noletik, igiluk tahun hundik-hundik o Rama nen o Silo waga lagaikhe. O Silo andoma Allah eisewerek mene re, ap Eli againafuri Hofni inom, Pinehas inom welagaukwa.

1 SAMUEL 1:3 ပူးပေါင်းရင်းမြစ်များ

MAZMUR 78:60

Aren he Awi Sabu o Silo wurik mene a'nogo herakfisasikhe, nen it afuni inanggele'ma At ebe welagarek mene a'nogo inomat herakfisasikhe.

KELUARAN 23:14

”Hiren An nalong anggaluk legeisogo nobagakhi logolik, tahun misik oba hinenggi henagan logolik An nobaget fogetnafi logogun.

KELUARAN 23:17

Tahun hundik-hundik oba hiren seni ero henagan mene andem faget isati logolik he, ap mene nek inebe mondogat he, An ineisena Tuhan Allah nambit andogosi waga logogun.

KELUARAN 34:23

Tahun misigat oba logolik he, hinenggi henagan oba hit ap hinebe lombok An hit afuni Israel mene hineisena Tuhan fogetnabuogeluk noba waga logoino o.

LUKAS 2:41

Tahun ebe lombok mo lagagik pigik ugu kwelek, Yesus agaisa eisena emberek domba wam warogo seni Paskah hokhoba isago nouwogeluk he, o Yerusalem pikhi lagaukwa.

ULANGAN 16:16

Hit afuni Israel mene nen ap mene nek mondogat he tahun misik hinenggi henagan oba obalik At hineisena Tuhan Allah nen wenagaisogo fikheba omanogo At ebe fogerasugun iluk waga logogun. Waga logogun mene andi re, ekhe Linggene Paskah faget a'nogo ebetu sambul, ekhe Linggene Enggen Palek a'nogo ebetu sambul, nen ekhe re Linggene O Sabu a'nogo faget ebetu sambul waga logolik, ap inebe lombogen obaget fugu mene iluk,

YOSUA 18:1

O kweang Tuhan nen abok wogisasikheba a'nogo mondogat sebeli lagaukwasik he, it afuni Israel mene a'nogo inebe mondogat o Silo kabogetukwasik, O Sabu Tuhan ebe waga logogin oba wutukwa.

HAKIM–HAKIM 18:31

Tuhan Awi Sabu a'nogo o Silo andoma welagaikhe huli re kembu alik hilingik Mikha nen wutikhe mene a'nogo ogo re, o Lais andomaat welagaikhe.

HAKIM–HAKIM 21:19

Andi isukwama iren ikhi logolik, ”Kwe misik werek mene re, Tuhan faget o Silo tahun hundik-handik kabogetu mene a'nogoba nen hilingisu hago,” isukwasik he, iren ikhi logolik (o Silo ari nen abel ambol fikhit he o kota Betel andi werek, nen mo ubuk ikherek fikhit he kwe o Betel mene nen o Sikhem lagaikharek mene werek, nen abel ambol kwe utara fikhit he o kota Lebona werek.)

1 SAMUEL 1:21

A'nogo salfuluk, at Elkana againafuri inomen, ”Tahun welagosi'mo,” iluk wam Tuhan faget warogo nolesuogeluk o Silo wagaikharek oba arat asi wagaikhe. Wam a'nogo warogo Allah noleti logolik, Allah onggwarek faget wam abirengge ekhe warogo nolesigin iluk wene attak waretikhe mene a'nogo higithogo nolesigiluk wagaikhe.

1 SAMUEL 1:9

Inenggi ekhe sambul he, at Elkana againafuri inom, wam inom, yi mene ti mene inom, o Silo Tuhan awi wuri'mo omanogo nen nasukwasik he, nasukwaba aremnogo nen at Hana a'nogo siakhogo menlagaikhesik, endawimo mondok weak agaikhesik endawi ane tuk-tuk le aga logolik he eisena Tuhan oba samban isikhe. Andi sambul he, ap Eli Allah eisewerek mene andi ebe nineisena Tuhan awi kweba horokhogo aremnogo kursi ba hurek welagaikhe.

1 SAMUEL 14:3

(Andi sambul, su enu efod ap Allah eisewerek logolik, labetarek mene a'nogo ap Ahitub amlogo enu Ahiya andi nen labe'luk lagaikhesik welagaikhe. Ahitub amlogore abo Ikabod Pinehas agailak a'nogo amlogo, nen Pinehas andi re, ap Eli Allah eisewerek o Silo welagaikhe mene a'nogo amlogo.) Nen at Yonatan andoma nen lagaikhe andi, it ap tentara mene omanogo inonggorat welagaukwa.

1 SAMUEL 2:19

A'nogo hilingitu kwelek, at Samuel agaisa nen tahun hundik-hundik asu sogoi su endep mene kwakhigik fikhi la'luk, agun emberek wam Allah faget warogo nolesuogeluk waga logolik he wogosi waga lagaukwa.

1 SAMUEL 2:34

Wene An nen yagaheti andi mondok eberogoat iluk enegat asuageluk ebe hilinglaga logolik, hat hagainafuri inebe pire Hofni Pinehas emberek o misik sambulat wa'lasugun o.

1 SAMUEL 3:13

An nen attagat Eli yagati logolik he, hat hagainafuri An nenu weagarogo weak mondok hilingiri'lagwi andi nen, mondo'-mondok weak asuagaluk wene inoba fagain, iluk yagatigimo, at Eli nen at againafuri nen weak hilingiri'lagwi mene andi elu meneat he, aren he, hit a'nogo hilingisugun mondok lego, iluk palfouwageluk oba harorogo wenagisigi'lek herakfisili'lago andi.

1 SAMUEL 4:11

A'nogo inoati logolik, ap Eli againafuri inebe pire, Hofni inom, Pinehas inom, aremnogo inomat inoati logolik, Peti Wene Warogo Allah nen wo'ninafikhe iluk hilingik mene a'nogo it inaselei mene nen telogo helaluk lagaukwa.

1 SAMUEL 4:4

A'nogo isukwasik, Peti Wene Warogo nineisena Tuhan Omame Mondok Hokho mene nen wo'ninafikhe iluk hilingik a'nogoba Allah ebe tulem welagarek iluk era'lu fena-fena malaikat inebe pire inalik waganek welagaikhe. Andi nen he, Peti a'nogo waluk loageluk ap ekhe inayonggo fesukwasik o Silo lakfisa wagaukwa. A'nogo lakfisa wagaukwama, wanhukwasik he, ap Eli againafuri inebe pire, Hofni inom, Pinehas inom, inomen peti a'nogo waluk lagaukwa.