1 SAMUEL 1:27 - Allah Wene Fano Wene Hupla Inane

^27-28 An neak yi re, neisena Tuhan samban oba kino yagatigi a'nogo, Aren nane esanggo holhesik, wo'netemo nen he, omalik yi ebe Tuhan onggwarek faget mondok logouwageluk wogosigilugen waluk wagi o,” iluk yagatikhe. A'nogo mondogat hilingitukwasik, iren Tuhan fogeratukwa.

1 SAMUEL 1:27 ပူးပေါင်းရင်းမြစ်များ

1 TAWARIKH 4:10

Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.

MAZMUR 118:5

An noba yi enggin ti enggin hikhi logolik, neisena Tuhan nen, telnabuagaluk ayonggo fugunem, nane esanggo holheresik, an nebe telnaferek.

MAZMUR 120:1

Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

MAZMUR 6:9

An le aga lagi mene andi re At Tuhan mondogat esanggo holhemo re, hit ap weak hilingiti lagep mene andoma mondogat an nelokhoma nen longgoikha lani o.

BILANGAN 6:8

Aren ane menfuluk logogin oba andem he, at ebe Tuhan faget enogo werek mene logogin.

MATIUS 7:7

A'nogo yagaisasikhesik ekhe mel yagaisasikhe: ”It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem he, inebe lombok herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hit he, Allah kino yagati logoino. Yagati logoumo, wokhisagain aro. Fano mene at oba herati logoino. Herati logoumo herasugun aro. Nen, kwe ane papaget hikhi logoino. Papaget hikhi logoumo re, aren kwe huthisagain aro.

1 YOHANES 5:15

Andi nen he, niren, ”We, nena mene Allah kino yagatunem, aren ninane esanggo holherek andi,” ninelu halok he, ”Nit yi mene ti mene kino yagato a'nogo arat wo'nisikhemo eisewerek agosik welago,” iluk nineluo.

1 SAMUEL 2:20

A'nogo wagunem, ap Eli nen Elkana agwe Hana emberek Tuhan nen fanorinafi logouwagaluk mel yagaisasikhe: ”Hiren hinomalik Tuhan obaget wogosi waga lagep mene yi obali'mo re, hinomalik ekhe inom At Tuhan nen hat hagwe yiba wogeti logouwago,” iluk inoba fanot fisasikhe.