1 SAMUEL 1:20 - Allah Wene Fano Wene Hupla Inane

²⁰ A'nogo wogotikhemo, omalik a'ma agaikhesik he, eak ap takhasikhe. Takhasikhesik, mel isikhe, ”An neisena Tuhan kino yagatimo neak wo'nete,” iluk isikhesik enu Samuel salhikhe.

1 SAMUEL 1:20 ပူးပေါင်းရင်းမြစ်များ

KEJADIAN 16:11

Hat heak ha'ma ari, ebe ap takhagain o. Takhambik, hat le agunem heisena Enupogot esanggo holhe andi nen he, enu Ismael salino o.

KEJADIAN 30:22

Hobuk at Allah nen, he Rahel oba ebetikhesik, samban isikhe mene ane esanggo holhikhesik he, ”At eak higit takhoak,” iluk anggasikhe.

KEJADIAN 4:25

Nen, hobuk Adam agwe Hawa emberek omalik ap ekhe takhasukwa. A'nogo takhasukwasik, at Hawa nen he, mel isikhe: ”Neak Habel oe Kain nen wate a'nogo obali'mo re, Allah nen neak abat wo'nete,” iluk isikhesik he, enu Set salhikhe.

1 TAWARIKH 4:10

Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.

MAZMUR 120:1

Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

KELUARAN 2:10

A'nogo wogoti lagaikhesik, omalik a'nogo arat alue agaikhemo, agaisa nen he, at raja Firaun a'logo a'nogo wogosi lagaikhe. Wogosi lagaikhemo re, at eak hangge kulikhi logolik mel isikhe: ”An neak yi re, ima were'ma heligi mene andi u hak, enu Musa,” iluk salhikhe.

KELUARAN 2:22

Wogetikhemo, at he Zipora eak ap takhasikhe. Takhasikhemo, at Musa nen he: ”An nebe o yoma ap pok welagi, andi nen he, namlogo enu Gersom,” iluk salhikhe.

MATIUS 1:21

Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.

IBRANI 11:32

An nen ap Gideon inom, Barak inom, Simson inom, Yefta inom, Daud inom, Samuel inom, it ap Allah ane yagaisikhi lagaukwa mene inom, inendawinggen eberogoat Allah oba himbirik logolik hilingiti lagaukwa mene pilingisogo yagahisa meneat he, o arat horok agasi'mo re, elo'lego.