1 SAMUEL 1:19 - Allah Wene Fano Wene Hupla Inane

¹⁹ A'nogo naluk nogo isukwasik, at Elkana againafuri inom ohealegat siakhogo ineluk agaukwasik, nineisena Tuhan fogera'luk inambotkwe o Rama lagaukwa. Lagaukwasik, at Elkana agwe Hana emberek nogo isukwama, Hana nen Tuhan oba kino yagatikhe mene a'nogo ane esanggo holhikhesik wogetikhe.

1 SAMUEL 1:19 ပူးပေါင်းရင်းမြစ်များ

KEJADIAN 21:1

At Tuhan nen Abraham oba abok wene waretikhe higithogoat, he Sara fanotfesikhe.

KEJADIAN 30:22

Hobuk at Allah nen, he Rahel oba ebetikhesik, samban isikhe mene ane esanggo holhikhesik he, ”At eak higit takhoak,” iluk anggasikhe.

KEJADIAN 4:1

Hobuk, at Adam agwe Hawa emberek nogo isukwama, he a'nogo omalik a'ma agaikhesik he, eak ap takhasikhe. A'nogo takhasikhesik, aren he, ”Neisena, Tuhan nen lebetniikhemo neak ap takhigi,” iluk enu Kain, salhikhe.

KEJADIAN 8:1

Allah nen a'nogo inoati logolik, at Nuh ebe inom, wam, sue, paik, yi mene ti mene inom, kapal a'nogo elema kwisukwa mene inom, enek he, inoba inonggot agi'lek eberek mondok welagaikhesik, Allah nen sogoi funhoageluk hilingitikhemo, funhikhi logolik, i a'nogo pi wesigiluk isikhe.

2 RAJA-RAJA 4:17

A'nogo yagatikhe meneat he, at Elisa nen isikhe hagat tahun hobuk mene o andem higirat, he a'nogo eak ap takhasikhe.

MAZMUR 119:147

O hubet-habet neluk a'luk he Haren lebetnabuageluk henu hombuk palhi lagi, an he Haren wene watnisasigin mene a'nogoba eberek mondok welagi.

MAZMUR 136:23

Nit ninebikhit mabenet ninobagagu sambul andi re At he nit faget onggot agarek mondok lek. Endawi hundik hilingninaferek mene andi re mondok-mondok logogin mene.

MAZMUR 25:7

An nebe souge logolik naweak hilingiti mene inom, kwanirogo hilingiti mene inom, Haren leget nobagambik he, Hat hobabut fano logolik, hendawi hundik hilingiti lagen andiba an noba ebetniugu nogo.

MAZMUR 5:3

Hat he, an noe Raja logolik neisena Allah re Hat welagenma re, an nen nane hoba ikhi lagi mene ari fano anggambik lebetnabin o.

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

MARKUS 1:35

A'nogo higirinafi lagaikhesik he, nogo isikhesik o wei igeluk ugu kwelek o wigik eluk a'luk wulifikhe. Wulifikhesik he, o leimo afuni le'ma lagaikhesik samban ikhi lagaikhe.

LUKAS 23:42

hobuk, at Yesus mel yagatikhe: ”Noe e! Hat kain henupogot logoigeluk waga logolik, an noba ebe'no o,” iluk yagatikhemo,

YOSUA 18:25

Andi nen ekhe ombo'ne o kota-kota inom, o sili 14 nen era'lukwe maserogo welagaukwa mene inom. seberogo inenu re: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (andi re Yerusalem agarek mene a'nogo) Gibea, Kiryat-Yearim inom. Andi re kweang it inunggulenu Benyamin meneba nen ineisok erokwe mene asuageluk sumburisasukwa mene re andem.

1 SAMUEL 1:1

Ap misik ekhe enu re Elkana welagaikhe, nen at ebe unggulenu Efraim mene, awi re o Efraim tom oba o kota Rama andoma welagaikhe, hun Elkana ebe re ap Yeroham amlogo, hun Elihu omba, arigini'mo re at andi re it ap Tohu inap it Suf mene andi nen akhogo tagomangge mene welagaikhe.

1 SAMUEL 1:11

Werek kwelek, at Hana nen samban Allahba wene yi'nogo waretikhe: ”Neisena Tuhan Homame Mondok Hokho mene a'nogo nen an hamingmingengge heilenggen wo'nabin o, neisena. An hamingmingengge yi mondok weak welagi andi heilenggen neambik hera'nobagagi'lek, noba ebe'no o, neisena. Haren an neak ap ekhe wo'neten halok, an nen at andi ebe hat faget mondok logouwageluk ambotkwe wokhesigin o, neisena. Nen, at ebe ta'laga halok, esi re palhi'lek herakfikhi logogiluk wene watheti o, neisena,” iluk yagatikhe.

1 SAMUEL 15:34

A'nogo hilingi'luk, at Samuel aiba Rama wagu kwelek, at Saul aiba Gibea wagaikheat.

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

1 SAMUEL 19:18

At Daud heise a'nogo wulifikhesik, pikhit Samuel oba o Rama lagaikhesik he, Saul en Daud wasigiluk hilingiti lagaikhe mene omanogo mondogat tindelogo yagatikhe. A'nogo yagatikhesik, Samuel emberek o Nayot lagaukwasik andoma welagaukwa.

1 SAMUEL 2:11

A'nogo fogeratikhesik he, at Elkana againafuri inom o Rama inambotkwe lagaukwa. A'nogo meneat he, omalik Samuel a'nogo o Silo andoma herakfuluk lagaukwama, ap Eli Allah eisewerek mene a'nogo nen fisogo werek kwelek nineisena Tuhan faget hilingiti lagaikhe.

1 SAMUEL 25:1

A'nogo hilingitukwasik inenggi aninurogo welagi'legat at Samuel a'nogo wa'lagaikhe. At wa'lagaikhemo it afuni Israel mene mondogat fong watunem inom wasugun iluk kabogetukwasik, at ebe onggwarek aiba o Rama omanogo salhukwa. A'nogo wa'lagaikhemo salfuluk he at Daud a'nogo o Param leimo andoma lagaikhe.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.

1 SAMUEL 8:4

A'nogo hilingiti lagaukwa andi nen, afuni Israel mene inogogwi mondogat andogotukwasik, Samuel o Rama were'ma oba wagaukwa.

1 SAMUEL 9:26

A'nogo nogo isikhesik o weigiluk hil mogolhu kwelek, at Samuel en Saul o senggelek ambolkwe mene a'nogoba nogogunem woletikhesik mel yagatikhe: ”An nen lakhobagai lagen he, weak-weak heluk ame o,” iluk yagatikhemo, Saul eluk agaikhesik Samuel emberek wulibi wagaukwa.