1 SAMUEL 1:18 - Allah Wene Fano Wene Hupla Inane

¹⁸ A'nogo yagatikhemo, at Hana nen Eli yagati logolik he, ”Neisena, an hamingmingengge hendawitnafi logoino o,” iluk yaga'luk he, sumburu nagaluk wagaikhesik endawimo fano logolik oba heanerogo nasikhe.

1 SAMUEL 1:18 ပူးပေါင်းရင်းမြစ်များ

KEJADIAN 32:5

Welago menere, an yogondak an mene wam sapi inom, keledai inom, domba, kambing inom, nen namingmingengge inom, werego. Noe hendawimo fano a'nogeluk wene tak lakfei wagi andi o, iluk yaga'no,” iluk lak fisasikhe.

KEJADIAN 32:6

It ap yonggo lakfisa wagaikhe mene omanogo wagaukwasik, Yakub mel yagatukwa: ”Nit hat hoe Esau oba arat lagoma, at ninoe hat hoba wesigiluk agoromi inebe 400 nen inom wagu kwelek nit tak wago o,” iluk yagatukwa.

KEJADIAN 33:15

A'nogo yagatikhemo at Esau nen ikhi logolik, ”Andi halok he, an nagoromi fena re hat hinom wesuabagaigen fisagain o,” iluk yagatikhe. A'nogo yagatikhemo at Yakub en ikhi logolik, ”An he hat hoe hendawimo agaiyek hoageluk hilingiti laginggere haren enggin aple andoma hilingitu lego,” iluk isikhe.

KEJADIAN 33:8

Hai watukwama at Esau nen heinok wokhikhi logolik, ”It fena inebe fageat ninom ambi ago mene andoma re nenahalok?” iluk heinok wokhasikhe. Heinok wokhasikhemo at Yakub en ikhi logolik he, ”We, hat noe nen hendawit nabinogen ilu lakfisa wagi mene o,” yagatikhe.

MAZMUR 34:6

Afuni weak hilingisogo fisagarek mene andi re, it At oba eberek logolik inagaiyekhogo logogun, It yi enggin ti enggin hili'lagwi mene andi re, inenggali agi'lek inoba heanerogo logogun.

PENGKHOTBAH 9:7

Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

YOHANES 16:24

O attagaren huli yogondak huli, an nenu hombuk palogo yi mene ti mene ekhe kino igi'lek welagepma o. Halok he, hinendawimo hinagaiyek hokhorogo asubagaigen he, at kino yagati logoino. A'nogo yagati logoumo, wokhisikhi logogin aro,” iluk yagaisasikhe.

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

RUT 2:13

A'nogo yagatikhemo, at Rut en he, ”An he, hemi ekhe hat heabu hilingitarek mene yoma hangge lek meneat he, agaukhogo fano yaganetenma re, nendawinggen fano aga o, noe,” iluk yagatikhe.

RUT 2:2

A'nogo were'ma inenggi ekhe sambul at he Rut en Naomi mel yagatikhe: ”Nagaisa. An he yabukwe afuni nen jelai enggen palhunem inenggimo nen pili'lago mene andoma andogesi lagain nen iluk yagaheti o. An nendawimo nen he aben andi mene hilingisuageluk herak nobagagun anggikhi lagi,” iluk yagatikhe. A'nogo yagatikhemo oan Naomi nen he, ”Io, neak, fano. Lan,” iluk yagatikhe.