1 SAMUEL 1:11 - Allah Wene Fano Wene Hupla Inane

¹¹ Werek kwelek, at Hana nen samban Allahba wene yi'nogo waretikhe: ”Neisena Tuhan Homame Mondok Hokho mene a'nogo nen an hamingmingengge heilenggen wo'nabin o, neisena. An hamingmingengge yi mondok weak welagi andi heilenggen neambik hera'nobagagi'lek, noba ebe'no o, neisena. Haren an neak ap ekhe wo'neten halok, an nen at andi ebe hat faget mondok logouwageluk ambotkwe wokhesigin o, neisena. Nen, at ebe ta'laga halok, esi re palhi'lek herakfikhi logogiluk wene watheti o, neisena,” iluk yagatikhe.

1 SAMUEL 1:11 ပူးပေါင်းရင်းမြစ်များ

KEJADIAN 28:20

A'nogo salhikhesik, Allah enu hombuk palogo mel isikhe: ”An laga lagi yi, neisena Tuhan nen fetnarek welagik, lebetniigik ikhi logolik, sumburu inom, nasu inom, wo'netunem,

KEJADIAN 29:32

A'nogo isikhemo, at Lea omalik a'ma agaikhesik, eak ap takhasikhe. A'nogo takhasikhesik mel isikhe: ”Neisena Tuhan an weak welagi mene eilenggen niikhesik neak wo'netemo takhigi andiba nagun endawi neagain o,” iluk isikhesik, eak andi enu Ruben salhikhe.

KEJADIAN 30:22

Hobuk at Allah nen, he Rahel oba ebetikhesik, samban isikhe mene ane esanggo holhikhesik he, ”At eak higit takhoak,” iluk anggasikhe.

KEJADIAN 8:1

Allah nen a'nogo inoati logolik, at Nuh ebe inom, wam, sue, paik, yi mene ti mene inom, kapal a'nogo elema kwisukwa mene inom, enek he, inoba inonggot agi'lek eberek mondok welagaikhesik, Allah nen sogoi funhoageluk hilingitikhemo, funhikhi logolik, i a'nogo pi wesigiluk isikhe.

2 SAMUEL 16:12

We At Tuhan eilenggen werek kwelek a'nogo yaganeri'logo halok, Arenat onggo fikhi logolik, homan nobagaikhe mene andi onggo fano hilingnabigin weregat anggigi o,” iluk yagaisasikhe.

MAZMUR 25:18

Nendawi fit lagu nen hilingiti lagi mene andi inom, enggin-fenggin hikhi lagi mene andoma inom, Harenat fut nobagaluk, naweak mondogat legaphogo nobagain o.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

AMSAL 31:2

”Namlogo e nendawinggen hundik mene, an nen samban ikhi lagagi mene higithogo hat hebe ta'lagenma o. An nen hat hoba ninggi'nogo ekhe yagahesik?

PENGKHOTBAH 5:4

Wene wasigin oba nen higithogo hilingisigin lek andi re mondok weak, oba nen he wene wasigin lek andi nek he mondok fano.

BILANGAN 21:2

A'nogo fisasikhemo, it afuni Israel mene nen he, ”Niren yi'nogo hilingisugun,” iluk, nineisena Tuhan mel yagatukwa: ”Nineisena. Haren afuni inunggulenu andi mene mabenetfisoageluk anggegen halok he, niren afuni inebe inom, inawi kota inom, mondok wulil tagalogo legetfisouwogen he ninomamet ninobagain o, neisena,” iluk inane hombuk palogo wene waretukwa.

BILANGAN 6:11

Sue aremnogo mene misik ekhe re ap a'nogo aweak lek hilingisogo fugu mene faget. Nen, ekhe re emetlasigin mene andi lek hilingisogo fouwageluk faget ap imam a'nogo nen warogo nolhi logogin. Inenggi andi sambul a'nogo hilingfuluk enek he, at esi a'nogo hobuk Tuhan faget horek mene logouwageluk fikhi logogin,

BILANGAN 6:5

At ane menfuluk logogin oba andi re esi paligin lek, nen omboro ogo paligin legat. A'nogo logolik andi re esi inom omboro inom uanhogo wulibuageluk herakfisamo logogin. Aren ane menfagain mene andiba hele homago were'ma nen enek, at ebe Tuhan obaget netokhogo logogin iluk igin mene andi mondogat higit asigin.

BILANGAN 6:8

Aren ane menfuluk logogin oba andem he, at ebe Tuhan faget enogo werek mene logogin.

HAKIM–HAKIM 11:30

Lagaikhesik at Yefta nen Tuhan oba wene wati logolik he, ”Neisena Tuhan, Haren an afuni Amon mene mabenet fisoageluk anggikhi lagen halok he,

HAKIM–HAKIM 13:5

Hat heak andi ta'lasigin huli nen, at Allah onggwarek faget logogin mene, u hak, Nazir mene logogin andi nen he, ebe ta'lagu halok, esi mondok palhi logogun lego. Ma re, hit afuni Israel mene re it afuni Filistin mene nen fethinarek were'ma, aren telhinabigiluk attagat ero fakfagain andi o,” iluk yagatikhe.

1 SAMUEL 1:12

At Hana a'nogo samban aninurogoat ugu were'ma, at Eli Hana ambeba eilenggen kumuti lagaikhe.

1 SAMUEL 1:19

A'nogo naluk nogo isukwasik, at Elkana againafuri inom ohealegat siakhogo ineluk agaukwasik, nineisena Tuhan fogera'luk inambotkwe o Rama lagaukwa. Lagaukwasik, at Elkana agwe Hana emberek nogo isukwama, Hana nen Tuhan oba kino yagatikhe mene a'nogo ane esanggo holhikhesik wogetikhe.

1 SAMUEL 1:22

A'nogo wesigiluk ugunem, at Hana enggi andi sambul enek he kamo igiluk, agun mel yagatikhe: ”An neak Samuel eilak arat palhu halok enek he, ebe nineisena Tuhan awi wuri'mo mondok logouwagaluk waluk lagain enggere, kamo igin o,” iluk yagatikhe.

1 SAMUEL 1:27

An neak yi re, neisena Tuhan samban oba kino yagatigi a'nogo, Aren nane esanggo holhesik, wo'netemo nen he, omalik yi ebe Tuhan onggwarek faget mondok logouwageluk wogosigilugen waluk wagi o,” iluk yagatikhe. A'nogo mondogat hilingitukwasik, iren Tuhan fogeratukwa.

1 SAMUEL 2:20

A'nogo wagunem, ap Eli nen Elkana agwe Hana emberek Tuhan nen fanorinafi logouwagaluk mel yagaisasikhe: ”Hiren hinomalik Tuhan obaget wogosi waga lagep mene yi obali'mo re, hinomalik ekhe inom At Tuhan nen hat hagwe yiba wogeti logouwago,” iluk inoba fanot fisasikhe.