1 SAMUEL 1:1 - Allah Wene Fano Wene Hupla Inane

¹ Ap misik ekhe enu re Elkana welagaikhe, nen at ebe unggulenu Efraim mene, awi re o Efraim tom oba o kota Rama andoma welagaikhe, hun Elkana ebe re ap Yeroham amlogo, hun Elihu omba, arigini'mo re at andi re it ap Tohu inap it Suf mene andi nen akhogo tagomangge mene welagaikhe.

1 SAMUEL 1:1 ပူးပေါင်းရင်းမြစ်များ

1RAJA-RAJA 11:26

”Salomo raja logogin lek. An logogin,” iluk ap ekhe at agoromi mene nenat ikhi lagaikhe andi, enu re, Yerobeam. Athe, ap Nebat aiba Efrayim mene re o enu Zereda andi mene amlogo. Agaisa re, agun nen souge fesikhemo welagaikhe mene enu Serua andi.

1 TAWARIKH 6:12

Zadok, Salum,

1 TAWARIKH 6:22

At Kehat oba nen ta'larik wagaukwa mene re yi'nogo: Aminadab, Korah, Asir,

1 TAWARIKH 6:33

Ap yabu andi hilingiti logouwageluk fisasukwama hilingitu mondok welagaukwa mene re yi'nogo yi: It Kehat inaben he: Heman hun Yoel amlogo a'nogo. Nen, aren he it wuni watu inap esa attak mene andi yanggulinafi lagaikhe. At ta'lagaikhe huli nen ombo'ne ta'larik lagaukwa mene faget a'ma fikhiren liabek he yi'nogo: Heman, Yoel, Samuel,

1 TAWARIKH 6:34

Elkana, Yeroham, Eliel, Toah,

MATIUS 27:57

O arat hubagaikhemo re, ap enggi werek mene aiba Arimatea mene enu Yusuf, at Yesus awe a'ma kwisikhesik ane wanhi lagaikhe mene nen,

YOSUA 24:33

Nen, hobuk at Harun amlogo enu Eleazar ebe wa'lagaikheat. Wa'lagaikhemo o kota enu Gibea, o afuni inunggulenu Efraim mene inaiba tom oba andoma salhukwa. o kota andi, ap Eleazar amlogo Pinehas wogetukwa meneba andoma salhukwa andi.

HAKIM–HAKIM 12:5

Ap Gilead inap weim yafarek mene omanogo re, ap Efraim mene heise lagunem kwe palinabugun iluk i palogo wulibi lagaikharekwe omanogo menlarik lagaukwa. A'nogo menlarik lagaukwama re, afuni Efraim mene heise laga logolik i palogo logoin iluk inelut fugunem aremnogo re, afuni Gilead mene nen heinok wogisikhi logolik he, ”Hat ap Efraim mene a?” iluk heinok wogisugunemen, aren ikhi logolik, ”Lego,”

HAKIM–HAKIM 17:1

Ap ekhe enu re Mikha, ebe o tom oba wilayah Efraim meneba andoma welagaikhe.

HAKIM–HAKIM 19:1

It Israel inap inoe raja oan menlagi'lek kwelek o ap Efraim mene inandom oba andoma ap Lewi mene misik ekhe welagaikhe. Logolik he aren agwe o Betlehem mene misik ekhe he heihe hakhogo helasikhe.

HAKIM–HAKIM 4:5

A'nogo hilingiti logolik, afuni inunggulenu Efrayim mene inawi tom ebene o Rama honggolek, Betel honggolek, tulem honggole'ma andoma, e kurma ekhe eroma hundik-handik hu'lasi laluk welagaikhe. A'nogo were'ma, afuni Israel mene unggum inoba mene, aren pilingisogo tegesuagaluk oba waga lagaukwa.

1 SAMUEL 1:19

A'nogo naluk nogo isukwasik, at Elkana againafuri inom ohealegat siakhogo ineluk agaukwasik, nineisena Tuhan fogera'luk inambotkwe o Rama lagaukwa. Lagaukwasik, at Elkana agwe Hana emberek nogo isukwama, Hana nen Tuhan oba kino yagatikhe mene a'nogo ane esanggo holhikhesik wogetikhe.

1 SAMUEL 17:12

At Daud andi ap Efrata mene, Isai amlogo. Aiba re, o it afuni Yehuda mene inaiba andoma, o sili enu Betlehem mene. At Isai andi againafuri ap inebe 8 nen taginafikhe. A'nogo taginafikhemo re, at Saul en afuni Israel mene ferinarek welagaikhe andem sambul he, at Isai ebe mondok yaman agaikhesik welagaikhe.

1 SAMUEL 2:11

A'nogo fogeratikhesik he, at Elkana againafuri inom o Rama inambotkwe lagaukwa. A'nogo meneat he, omalik Samuel a'nogo o Silo andoma herakfuluk lagaukwama, ap Eli Allah eisewerek mene a'nogo nen fisogo werek kwelek nineisena Tuhan faget hilingiti lagaikhe.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.

1 SAMUEL 9:4

A'nogo yagatikhemo, at Saul amingmingengge a'nogo emberek wam a'nogo o tom Efrayim oba inom, o Salisa andoma inom, mondogat yiling-waling heratukwa mene re, heratukwa mondok lek. Andi nen he, o Sahalim kwe heratukwa mene re, andoma legaren he, hobuk afuni Benyamin mene inaiba herasi lagaukwa ma nen he, le'ma nong agaukwa.

1 SAMUEL 9:5

O andoma legen he, hobuk o Zuf lagaukwasik, at Saul en amingmingengge a'nogo mel yagatikhe: ”An neisena wam keledai faget endawi fiti'lek nit ninebe faget endawinggen fiti logoinogo nen he, ninambotkwe louwogo,” iluk yagatikhe.