1 PETRUS 5:9 - Allah Wene Fano Wene Hupla Inane

⁹ A'nogo logolik, hinendawimo nen, ”Ninerugwi ninagaila'lak o yi awi ti awi andoma yi enggin ti enggin hili'lagwi hagat hikhi lago,” iluk, at Iblis wagunem, ane holhi'lek herakfisaluk hinendawinggen Allah oba eberogoat himbiret fuluk ninghogo mendek logoino o.

1 PETRUS 5:9 ပူးပေါင်းရင်းမြစ်များ

LUKAS 22:32

hat hendawinggen noba himbiret fuluk welagen mene andi maben asinogo iluk he, hat faget an Allah ayonggo arat figimo o. Hafe hebelagen halok he, hagaila'lak yoma haren inendawinggen ago watfisikhi logoino,” iluk yagatikhe.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.

EFESUS 6:16

Tok pisingerisugunem ponghogo loageluk, e sabelek inenggimo waluk lagaikharek hak, inendawinggen Allahba himbirik welagaikharek andi mene hundik-handigat waluk nikhi logoino. Waluk nugunem, Iblis obabut weak mene a'nogo nen endu tok wurep oba hunogo pisinget hisugunem, hinendawinggen Allahba himbirik logogun andiba elok nagulhi logogun aro.

KOLOSE 2:5

An nebe yatmaat welagi meneat he, nendawinggen hit hinoba lakfei wagarik, ninom andoma welago mene hak logolik, hinendawinggen Kristus oba himbiret fuluk eberogo anggikhi lagep a'nogo, ninghogo fisogo logolik hilingitunem, neilenggen hisikhi logolik he, an nendawimo nagaiyegeti lagi o.

1 TIMOTIUS 6:12

Afuni inawe walhouwogeluk sa awewerek-sa awewerek walhagarek hak, nineluk mondok logogun andi mene hela lageluk, hendawinggen Allah oba himbirik logolik, at faget homamerogo hilingiti logoino. A'nogo hilingiti logombik, andi mene hela lanogeluk, Allah nen hayonggo fesikhemo, haren he, ”Nendawinggen Kristus oba himbiret fuluk yi'nogo hilingiti logogin,” iluk afuni hokhorogoat ineilhanem fakhogo isigin andi higithogoat homamerogo hilingiti logoino.

2 TIMOTIUS 3:12

Nit Kristus Yesus ninom hundik logolik, Allah faget fanorogo hilingiti logouwogeluk ninendawimo anggikhi lago mene halok, ninebe lombok mondogat yi enggin ti enggin hilingninafi logogun aro.

2 TIMOTIUS 4:7

Sa awewerek-sa awewerek lagaikharek hak, an nendawinggen eberogo nenat Allah oba himbirik mondok logolik, at faget nomamerogoat fano hilingirik waga lagarik he, huliba arat asi wagi o.

IBRANI 11:33

It andi mondogat inendawinggen Allah oba himbirik welagaukwa andiba, it o ekhe inom weim yafi logolik, inogogwi kaindek inenupogot mene sebelfisaluk inawi sebelhi lagaukwa. Inobabut higithogo hilingiti lagaukwama, Allah nen he, ”Hit hobuk fano mene wokhisagain,” iluk abok yagaisasikhe mene andi, ebe wanhi lagaukwaat. Mene olomene hangge singa obabut weak mene andi ambe to'motik,

IBRANI 12:8

Yenggerugwi inebe mondogat komorinafarek enek andi hak, hit ekhe komothinafi'lek halok he, hit at againafuri ebe mene fugo. We, hesanggemalik tago mene welagebo o.

YAKOBUS 4:7

Andi nen he, Allah awe a'ma hinendawinggen seberogo kuluk ane hologo logolik, Iblis ane andi sagalogo herakfisikhi logoino. Herakfisamo re, aren herakhinobagaluk heise wulibigin aro.

1 PETRUS 1:6

Andi nenat, yogondak ya, Allah nen hinobabut paligeluk ugunem, hinoba yi enggin ti enggin hikhi logolik, elama faget hinendawimo weak ari'logo meneat he, hinendawimo hinagaiyek hikhi logoino o.

1 PETRUS 2:21

At Kristus ebe hit faget yi enggin ti enggin hilik-hilik wa'lagaikhe andi nen, hit ogo re, at obabut waganogo yi enggin ti enggin hoagelugat Allah nen hinayonggo fesikhe andi.

1 PETRUS 3:14

Meneat he, higithogo hilingitunem weagethinafa halok, yi enggin ti enggin hikhi logolik, hinendawimo hinagaiyek hikhi logoino. Hinailo asuageluk hilinghinafunem, hinailo a'luk hinendawimo menenei uan horok ebetubo.

1 PETRUS 4:13

At Allah nen Kristus ebe weinamhogo lakfei wagunem, fogerasugun andi sambul, wagunem hinendawimo hinagaiyek hokhorogo anggouwogeluk hinendawimo nen he, ”At Kristus oba yi enggin ti enggin hilik-hilik wa'lagaikhe hak, nit at ninom hundik logolik a'nogoat hikhi lago,” iluk hinendawimo hinagaiyek hikhi logoino.

WAHYU 1:9

An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o.

WAHYU 6:11

aren he, ”Hinerugwi hinagaila'lak fenakwe hinom an faget hilingiti lagagip mene, hit hinoatukwa andi hak, inoasugun mene oan werek andi nen he, it faget nenangorogo set walogo eil misik logoino,” iluk yagaisikhesik, inasu kut mene inebe lombok ikfisugunem yerisigi o.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.