Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETRUS 5:8 - Allah Wene Fano Wene Hupla Inane

8 At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

အခန်းကိုကြည့်ပါ။ ကော်ပီ




1 PETRUS 5:8
61 ပူးပေါင်းရင်းမြစ်များ  

Andi isikhemo Ester en onggo ikhi logolik he, ”Hun Haman anini mondok weak agun ari re nit ninaselei mene logolik, nit ninoasigin iluk hilingiri'lago mene werego!” iluk yagatikhe. Andi isikhemo at Haman a'nogo nen endawimo ailo inom-inom hun raja inom at raja agwe inom kwelagisasikhe.


A'nogo were'ma, at Tuhan nen, Iblis afuni inendawimo kagalik nikherek mene a'nogo mel yagatikhe: ”Hat hebe o koma nen wagen?” iluk heinok wokhasikhemo, aren he, ”An he, o kweangma yi awi ti awi neil kogolik ya lagik, ta lagik, nikhi lagarik wagi o,” iluk yagatikhe.


Singa ebe oan mene, at nagain mene faget ane kwe agan herarik nikherek, at noageluk Allah nen foukhogo fugu mene omanogo faget wo'nesuagaluk herarik nikherek.


At andi obaget awene katokhogo paluageluk, ap kwanirogo hilingiri'lago mene ekhe menfein o, at ebe it aselei mene andoma nen oba wene hikhip hoak.


Raja a'mage re mene singa nen ngineterek andi higit lagaikherek, oba nen he at raja nen fano hilingiterek mene andi re lilengge enggabene sakhoraterek andi higit werek.


Mene singa ane kwerik lagunem inailo agarek andi hak at raja a'mage lagagunem he a'nogoat inailorogo welagaikharek. Ap ekhe nen raja a'mage lagau hak mene hilingite halok he, inonggwarek inebeat weaget fakhogoin.


Mene singa nen ane kouwarik lagarek hak, athe no beruang en muginarek lagarek hak, ap weak mene nen ferinarek logolik he afuni inenggi lek inelagaikhogo welagaikharek mene omanogo inoba lalfalhogo hilinginafu welagaikharek andi.


Neisena Allah horokhogo were'ma a'luk he, hat weak hilingiti lagen lek iluk yaganeri'logo. Sa nen ailo lek nobabut paligin nogo? Ninom seberogo wene waluk louwogen wesuago. Sa nen an nane oak sagaligin nogo? At ebe an noba horokhogo wesuageluk yaga'ni o.


It inaselei mene re olomene singa nen afuni heraginabik ane kwe agan wagarek higit, it inebe heraginabik waga logolik, kweang o it werek oba andoma unggul watik, yi mene ti mene mondok leget figik, inawi kota mondogat endu fatik, afuni inebe lek hilingisogo fisigik, agama inareng mondok lek werek andi.


Afuni Babel mene re mene singa ane hakhogo inane kouwati logogun, nen mene singa eagen hakhogo inane ngologeti logogun.


Leget pa'leget liabek mene langgukhogo kwikherek, a'nogo kwikhi logolik o kota wurik omanogo weagerogo fikheregat. Aren si'lamok eti logolik ane ngolutu mene re afuni nen inesanggo holharek, afuni andoma welagaikharek mene re inoak leigetarek.


It inogogwi kaindek ferinarek welagaikharek inaben he mene singa nen paik senggelfuluk ane kouwaterek higit hilingiri'lagwi. Iren he afuni mondogat inoa'luk he it inangge inelokhoma agarek mene omanogo hogoukhogo helaluk wagaikharek andiba re, hemi sogwe hokhorogo sogwe mene nek agaikharesik werek andi.


A'nogo yagatikhemo, at raja endawimo agaiyek mondok agaikhesik he, ap ekhe nen Daniel pogolema singa werek oba a'nogo nen kwe lombit hurogo liakfei wesuwageluk yagaisasikhe. A'nogo yagaisasikhemo, arat liakfei wagaukwasik, ineilenggen kwelakhasukwa re, at Daniel endawinggen eisena Allah oba himbiret fuluk welagaikhe andi nen he, oba yi'nogo ti'nogo ekhe hilinglagaikhe le'ma hasukwa.


Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.


An nen he, no beruang eak longgot fuluk hilingiterek hak herogo hinoba sagali imbik, hinebe libik-labakhogo hinoatik, singa nen hilingiterek hak hit hinebe welagep oba andoma nen senggelhinafik, nen olomene aik anini mene nen hilingiterek hak hinebe senggel fogathogo hilinghinabigin o.


Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.


A'nogo yagatikhemo, at Amos nen isikhe mene re yi, ”Nineisena Tuhan ebe andom Sion oba logolik, ane kweri'lago. Nen o Yerusalem logolik, ane unggunggu ane hangge pak ili'lago. A'nogo ugunem, o leimo wam fisogo welagaikharek oba engga mondogat puk agik, engga tom Karmel oba welagarek mene mondogat sawet agik, ikhe o,” iluk isikhe.


Mene singa enggama logolik, at ninggerek mene higi'lengengge nen, ane kouwasumo re higit nogo a? At singa eagwi kiling elema logolik, ninggerek mene ekhe herakhigi'legengge nen ane kouwasumo re higit nogo a?


Mene singa ane kouwatu halok, sa hagen ailo'lek hambuk haluk logou hak nogo? Nen At Tuhan Lego Mondok welagarek mene ane ikhe halok, sa nen it afuni ekhe yagaisigi'lek kamo u hak nogo?” iluk isikhe.


It inomame werek inap omanogo re inenggi omameba hilinginafi lagaikha mene a'nogo mondogat lek agama, le ari'lagwi a'li holini o! I Yordan som mene singa inebe welagaikharekwe omanogo re, mondogat weak agama inane kouwari'lagwi a'li holini.


Nabikanggoba ekhe amu mene higi re yi'nogo: Tuhan nen at Yosua Imam Agung a'nogo malaikat Tuhan elokhoma aremnogo mendek were'ma yethoageluk inuk niikhemo yethigi. Nen at Yosua fikhit he Iblis mendek logolik oba hikhibet hikhi laga.


At ap yabu eisewerek emberek weak logolik, awi weak mene yatikhe andi ebe re, at Iblis andi aro. Enggen palugun higit andi ebe re, o wurep oba fageraro. Nen, it ap enggen palharek mene andi ebe re, it malaikat Allah pogoroba nen yonggo pelakfisa wagarek mene andi aro.


A'nogo hilinglasigin andi nen hiren he, Ninoe Enupogot mera wesigin, hinonggot andi nen he, hinebe hebelogo logoino o.


Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.


Ima pelakfesikhemo re, Yesus Iblis nen obabut paluageluk he, Allah Areagun en waluk o leimo afuni le'ma andoma lagaikhe.


A'nogo yagatikhemo re, Iblis a'nogo Yesus herakfisaluk lagaikhemo re, malaikat pogoroba nen Yesus oba pi wagaukwasik he, kwalogo welagaukwa.


Nen, awi feik ekhe ebekhalem lakfesikhe andi ebe re, it afuni ekhe nen Allah ane inesanggo holharesi'mo nen, Iblis fageat wagaresik he, wene inendawinggenma yago mene andi henegeisogo waluk lagarego.


At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,


Yi'nogo ti'nogo mondogat hilinglasigin igi a'nogo hilinglagu kwelek he, hinomamerogo hinafe morogo logolik, hinenggali legat nelokhoma mendek were'ma, an abat ta'lasi wagagi a'nogo hisa wesigen he, hundik-handik sambanat ikhi logolik he, hinebe hebelogo logoino o,” iluk yagaisasikhe.


Yesus nen a'nogo yagaisasikhesik he, ekhe Petrus oba mel yagatikhe: ”Simon! Simon! hesanggo holin! Gandum afulfulengge fologo hebisagarek andi hak he, hit mondogat a'nogo, at Iblis nen hinebe folhinabigeluk Allah kino yagatemo aren elok iluk yagate meneat he,


A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.


At Iblis obabut lagoksek mene a'nogo nen weagethinabigeluk wagunem, weim yabuogeluk sing itarek hak, hit hinebe mendegat logouwogeluk he, at Allah nen yi mene ti mene wo'nisikherek mene andi mondogat hinagap oba laberogo logoino o.


A'nogo meneat he, it hemi inendawinggen Allah oba himbiret fuluk he, inebe Allah faget fisaluk tegelek mondok logolik, afuni ekhe inendawirinafik, ineil lomborogo hilingitik, ikhi logogun halok he, omalik taginafunem, Allah nen telinabigin aro.


Andi hak, it hemi re, inesi lalhik, melei itarek hak emas mene itik, eile itarek hak mutiara mene itik, su onggo hokho mene labetik, ugun mondok lek. We, ineil lomborogo logolik, inalilingge siokhogo wanu meneat wanhi logouwageluk yagaisanogeluk yagaheti andi.


Andi hagat he, it andi inagagwi inoba haro logolik inane yonggo waluk nikharek lek mene halok, weak hilingisuageluk inendawimo kagalhunem sebelhaluk werek mene halok, inobabut lenurek mene halok, inobabut ariginik mene halok, inaguni leberisugu mene logouwageluk menfisogoino.


Andi nen, ap Allah againafuri kwelaginarek logouwageluk halok inobabut he, yiginik mene menfisogoin. Afuni ekhe nen, ”At weak,” iluk wene oba figi'lek mene halok, agwe misigat mene halok, weak hilingisuageluk endawimo kagalhunem elok sebelhaluk werek mene halok, endawinggen uan ebeterek mene halok, hilingisu mene higithogo hilingiterek mene halok, ap pok inonggot mene wagunem woginaferek mene halok, wene furogo yagaisikherek mene halok,


A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.


ap pok inonggot mene wagunem aiba fanorogo woginaferek mene halok, fano hilingitarek andi mene nek amolo anggikherek mene halok, endawimo nen menenei uanhogo eberi'logo mene halok, obabut higithogo hilingiterek mene halok, ebe Allah faget tegelek welagarek mene halok, onggwaregen komorogo welagarek mene halok, menfisogoin o.


Nit ninobabut attak Allah ebe ninobakhe nene herakfisikhi logolik he, ninendawimo nen yi mene ti mene kweangma mene namolo nek anggikhi lagagu mene andi herakfisaluk he, yogondak ya ninobabut ninendawimo menenei uanhogo ebeti logolik Allah faget higithogo hilingiti logouwageluk, at obabut fano andiba yaganisili'logo andi.


It ap inaluendek mene andi, weak hilingisuageluk inendawimo kagali wagunem, tok wokhagarek hak wokhigik, inobabut he, inoba haro welagik, inendawimo menenei uanhogo ebetik, inendawinggen wurikhogo Allah oba himbiret fuluk, afuni ekhe inendawirogo welagik, yi mene ti mene faget inoba enggin hikhi logolik, inafe morogo welagik, ikhi logouwageluk komorinafi logoino.


A'nogo yagaisugunem, it afuni ekhe nen, wene Allah nen yaganisasikhe wene a'nogo abok weak ikhi logoinogo iluk, iren he, hemi tugum mene andi nen inaguni inom, ineagwi inom, inendawirogo logolik, inendawimo menenei uanhogo ebetik, ineil lomborogo welagik, oloba mene yi mene ti mene higithogo tegelogo hilingitik, inaguni inane hologo welagik, ikhi logouwageluk, yagaisikhi logouwagen he, komorinafi logoino aro.


Andi hagat he, it ap alage mene andi nen, yi mene ti mene faget inendawimo menenei uanhogo ebeti logouwageluk komorinafi logoino aro.


Andi nen he, Allah awe a'ma hinendawinggen seberogo kuluk ane hologo logolik, Iblis ane andi sagalogo herakfisikhi logoino. Herakfisamo re, aren herakhinobagaluk heise wulibigin aro.


Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.


Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.


A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.


Andi nen he, hit pogoroba welagep mene mondogat yi sani! Hinendawimo hinagaiyek hikhi logoino. Hinendawimo hinagaiyek agu kwelek, hit kweangma mene inom, i laut yenggele'ma mene inom, enek he, Iblis a'nogo hinoba pelakfisa wagama, at enggi endebat logogin mene futfikhesik, aren he, nenggi endebat enek logogin andi nenahalok, iluk a'mage lagaikhesik weagethinabigin andi nen he, eigo! Nendawilage,” iluk ugunem holhi o.


A'nogo nunggu kwelek, at mene olomene hangge a'nogo inom, at ekhe nen, ”An Allah ane yagaisikhi lagi,” iluk eranen lalinaferek mene a'nogo inom, i laut endu mene yenggele'ma hendali al hangge amben weak mene enu belerang inom endu amulok nunggu mondok welagare'ma andoma hambokhogo pelakfisasikhe mene a'nogo andoma were'ma, Iblis a'nogo hobuk inoba hambokhogo pelakfisikhemo inom andoma logolik, linggene hubanggo heinet wato mondok-mondok logogun isigi.


A'nogo waluk pi wagasik, at kisu hangge hokho o endam en welagaikhe mene enu Iblis igik, Satan igik, agarek mene a'nogo, ebe fakfuluk, yi afuni ti afuni lalinaferek andi hak lalinafi'lek 1.000 tahun enggi hele warek kweang a'ma ma'lima logouwageluk pelafesik, kwe kolok yagarogo kwelakfisagarek andi hak, kwe kunci yagarogo fugunem higi. Andoma logombigen, fikhalogo liakfei wesugun obaat we endebat faget fikhalek logouwageluk fikhalogo liakfei wesigin.


A'nogo isukwasik, at Simson eisena agaisa inom o Timna lagaukwa. Laga logolik, yabu anggur yabu ekhe we re'ma andoma lagaikhe hak he, at Simson olomene singa ebe oan mene ekhe ane kweagan wagunem emberek ambi agaukwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ