1 PETRUS 5:6 - Allah Wene Fano Wene Hupla Inane

⁶ A'nogoat, Allah nen hobuk hinenuwerek menhinobagauwageluk, yogondak ya hinonggwaregen fogerakhigi'lek, at enggi omame werek mene awe a'ma kuluk hinendawinggen sebelogo logolik hilingiti logoino o.

1 PETRUS 5:6 ပူးပေါင်းရင်းမြစ်များ

1RAJA-RAJA 21:29

”Haren he, ap Ahab an neilhanem endawinggen sebel fakhikhe andi hegen a? A'nogo hilingite andi nen he, An nen at ebe eluk werek kwelek, wene weak mene andi oba fagain lego. We, at amlogo logogin andem oba, againafuri inom inoba lakfei wesigin o,” iluk yagatikhe.

2 RAJA-RAJA 22:19

an neilhanem he, nit weak hilingitoma o, iluk hendawinggen sebelfakhegen mene andi An mondogat higi o. Nen An nen o kota Yerusalem inom, afuni inebe mondogat inom weagerinabigiluk arat tekhogo igimo o. A'nogo igimo andi nen he wene andi afuni ineilenggen hambik inailo agik, o kota Yerusalem homan ikfigimo andi nen he enu homan ugu igik, ikhi logogun o. Oba nen he, haren An nen wene hinoba fagain igi mene andi hesanggo holhendik hendawimo weakhogo hasu laberek mene tiliphogo lakfisigik, le agik egendik, samban oba yaganeten andi An arat holhi o.

2 TAWARIKH 12:12

Nen at raja a'nogo Tuhan a'ma sebelfakhasikhemo re, Tuhan Allah a'mage lagasikhe mene a'nogo lek agik, weaget fagain iluk wenggelhikhe mene a'nogo herak figik isikhe. Andi nen he it Yehudaba andoma wene fano mene ekhe welagaikheat.

2 TAWARIKH 30:11

Oba nen he it fenakwe inunggulenu Asyer mene inom, Manasye mene inom, Zebulon mene inom, o Yerusalem wesugun inamolo mene ogo welagaukwaat.

2 TAWARIKH 32:26

Oba nen he it afuni Yerusalem mene a'nogo inom, at Hizkia inom, Tuhan a'ma sebeluk sebel fakhasukwama re, at Hizkia ebe eluk logolik oba re unggum wene a'nogo it inoba fikhi lagaikhe lek.

2 TAWARIKH 33:12

A'nogo waluk fei lagaukwama oba enggin-fenggin hiki logolik he, aren Tuhan Allah oba endawinggen sebe isikhesik, lebetneoageluk samban isikhe.

2 TAWARIKH 33:19

A'nogo at Manasye nen samban isikhemo Allah nen onggo yagatikhe mene inom, at ebe endawinggen hebelhi le'ma aweak hilingiti lagaikhe mene inom, kembu fogerati lagaikhe kwe inom, kembu he mene dewi Asyera alik waganek welagaikhe mene inom, aren tugwi kembu ekhe mene ekhe mene fogerati lagaikhe mene inom, omanogo mondogat he buku it nabi nen hilingiti lagaukwa mene tindelogo palek mene a'nogoba mondogat palogo fesukwa.

2 TAWARIKH 33:23

Oba nen he at eisena nen endawinggen sebel fakhaluk hebekhogo Tuhan ambit wagaikhe hakhogo re, hilingiti'lek weak enek hokhorogo hilingiti lagaikhe andiba re, at eisena nen hilingiti lagaikhe mene inom he higitsek lek welagaikhe.

2 TAWARIKH 36:12

Aren ogore, eisena Tuhan Allahba weak hilingiti lagaikheat. Nen aren he Tuhan nen ugu mene nabi Yeremia nen yagasi waga lagaikhe mene omanogoba furogo hilingiti'lek, endawimo sebel fakhigi'lek hilingitu welagaikhe.

AYUB 36:22

At Allah andi re Omame Mondok Hokho mene werek a'nogo hendawi wenggel han. Ap guru welagaikharek mene ogo At higit ekhe werek lek.

MAZMUR 75:10

Oba nen an enek he At Yakub eisena Allah a'nogo faget enek fageti logogin. Nen At obaget wuni fogoratarek awuni iginafu mondok logogin.

MAZMUR 89:13

O i elesi higit inom, i ambut higit inom andoma re, Harenat elalogo fesigin. Tom Tabor en inom, Hermon nen inom, Hat hobaget inagaiyegen henu seralhu logolik hawuni watu werek.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 3:19

A'nogo yagatikhesik, hobuk ekhe mel yagatikheat: ”At raja Firaun andi nen, fano. Lano o, iluk yagahisagain lek. We, An nen at nomamerogo yagasumo nek he, elok, lani, iluk igin a'naga An nelu aro.

KELUARAN 32:11

A'nogo yagatikhemo, at Musa nen eisena Tuhan Allah oba kino yi'nogo yagatikhe, ”Haren a'nogo hilinginabigin andi nenahalok? Hat homame mondok hokho andiba it telinafendik, o Mesir en woginarek wulibi wagen a'nogo lek nogo?

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

YESAYA 2:11

Ap winik-wonok agarek mene andi re sebelfisigik, nen ap inonggaregen leget fakhagarek mene re pelakfisigik ugun. We Tuhan hamu nek legeisogo fikhi logogun.

YESAYA 40:4

Tonggokwe ebe lombok sebelogo figik, tom-tom inom punukwe inom fanorogo higirabetik ikhi logoni. Kweang tuksekwe hobuk tonggorogo hilingfigik, nen kwanirekwe mothogo higirabetik, ikhi logoni.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 44:10

A'nogo hilingiti lagagip oba nen, yogondak yi huli nen enggere hit hinendawinggen sebelfakhikhi lagep lek. Hiren he, An esinet nobagaluk legeisogo nobagagik, nen Nawene melalek hit hinoba inom, it hinombawi inoba inom, wogisasigi mene a'nogo higithogo hilingiti lagep legat.

YEHEZKIEL 17:21

Tentara aren mene ap mondok fano inap omanogo re weim yafi logolik inoasumo wa'lasugun, nen it fena longgo imbik heise wulibi logoin mene re o unggut-unggut telfol ilogoin. Andiba re An nagainafuri nen he An Tuhan nane mondogat ikhe iluk inelu asugun,” ikhe.

YEHEZKIEL 21:6

Afuni wa'lagaikharek mene yi re, it afuni Israel mene inebe mondogat ineilhanem, hendawimo weak agik, hendawinggen warigik, ikhi logolik hakhogo, neneik yabatik, helagaik haneba ugu welagik, ikhi logoin o.

DANIEL 5:22

A'nogo meneat he, at amlogo noe hat Belsyazar en he, wene andi mondogat helu logolik meneat he, hendawinggen sebel fakhugu aplere mondogat habit welagen andi.

IMAMAT 26:41

Andiba An nen nomameba mugusogo it afuni hinaselei mene inanggweangma hukhisa lagagi. Ariginhigi andiba re, hiren tagomangge mene nen inaweak hilingitik, nane sagalhik hilingita mene An nobaget inendawinggen sebel fakhaluk hilingisugun halok he,

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

MATIUS 23:12

Ap sa nen onggwaregen, an kain, iluk menlasigin halok he, Allah nen ebe sebelogo inawe a'ma fagain o. Nen, at sa onggwaregen it ekhe inawe a'ma hak logogin halok he, Allah nen ebe legeisogo fagain o,” iluk yagaisasikhe.

LUKAS 1:52

Afuni kaindek inenupogot welagaikharek mene andi sebelogo fisikhi logolik he, it inenu lek mene andi menfisigik,

LUKAS 18:14

It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

ROMA 5:6

Nit he, Allah ebe herakfisaluk yatma'at asi lagagusik, ninebe lebelek were'ma, at Allah nen he, ”It a'nogo werek andi faget, Kristus yi sambul wa'lasigin,” iluk anggasikheba higithogoat At ebe watukwama wa'lagaikhe andi.

1 KORINTUS 10:22

Ninoe Enupogot a'mage lagauwageluk hilingiti lago andi nailo. At ninom walhamo re, nit ninomame werek nogo? Elo'lego.

ULANGAN 32:35

Iren hilingita onggo, wene inoba fembik, inebe inoasigin, Inenggi welagi'lek, inebe alomat lasugun, it weagarinabigin oba, horogat asi waga.

1 TIMOTIUS 2:6

At Kristus afuni mondogat weak hilingitorek andiba hele warogo fetninarek were'ma hele fikhalogo telninabigeluk onggwarek eranen, ”Nebe noasuak,” iluk wagaikhe andiba, Allah endawimo nen he: ”Afuni mondogat telinabigin,” iluk anggikherek mene andi, enegat asigin higithogoat enegat agaikhe andi.

TITUS 1:3

Yogondak wene andi weinam asigin higithogoat weinam asuageluk, at Allah telninaferek mene a'nogo nen, ”Haren wene andi afuni yagaisikhi logoino,” iluk, nayonggo fesikhesik, noba fesikhe andiba ebe weinam ari'logo andi.

YAKOBUS 4:10

Ninoe Enupogot awe a'ma kuluk hinendawinggen sebelogo logogun halok he, aren legeisogo hinobagagin aro.

YAKOBUS 4:7

Andi nen he, Allah awe a'ma hinendawinggen seberogo kuluk ane hologo logolik, Iblis ane andi sagalogo herakfisikhi logoino. Herakfisamo re, aren herakhinobagaluk heise wulibigin aro.

YAKOBUS 5:10

Nerugwi nagaila'lak. Endamat it ap Allah ane yagaisikhi lagaukwa mene omanogo nen he, ”Nineisena Enupogoren ikhe meneat yagahisikhi lago,” iluk yagaisugunem, it afuni ekhe nen inebe weagerinafu kwelegat, inendawinggen pugagi'lek inafe morogo welagaukwa mene andi inobabut wanino o!