1 PETRUS 5:5 - Allah Wene Fano Wene Hupla Inane

⁵ Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.

1 PETRUS 5:5 ပူးပေါင်းရင်းမြစ်များ

2 TAWARIKH 6:41

Neisena Tuhan Allah! Yogondak he hebe menla'luk, Hat hebe homame welagen aple a'nogo agaukhogo Peti Wene Warek andi inom o Hat Hawiba yi kwi laluk mondok-mondok andoma logoin o. Nen, haren it imam en yabu hilingitu mene andiba fanoabet fisikhi logoino, nen Haren it inoba fano aple nek hilingfisugunem it hagainafuri mondogat inagaiyek anggikhi logogun.

AYUB 22:29

At Allah nen he it afuni wonoget fakhagarek mene re sebelogo fisikherek, oba nen he it afuni sebel fakhagarek mene re inagap telinaferek.

AYUB 29:14

An nen hilingiti lagagi mene andoma re henarogo hilingiti'legengge mondok higithogo nek hilingiti lagagi, nen wene katokhogo palogo fagarek mene andi re an nen omamerati lagagi.

MAZMUR 132:16

Su fano labetfisugunem, enegat isagarek andi hak, An nen it ap imam An nobaget hilingitarek omanogo nomameba telinafunem, An nagainafuri nen he, ineilenggen isaluk inagaiyegen inane a'mit suphogo, wuni wati logogun.

MAZMUR 132:9

Hat hagainafuri mene re, inagaiyegen inane a'mit sup ikhi logolik, wuni wati logouwak. It ap imam en he Hat hobaget inasu fano mene labesu hak Hat hendawi hamolo anggegendek mene nek, hilingirik laga logouwak.

MAZMUR 138:6

Hat hebe lego mondok logolik hokho hagun welagen, oba nen he it mondogat sebelek mene re Haren futfisikhi lagen enek, ap wonoget fakhagarek mene re Hat helokhoma nen hina'lasu lek hak.

AMSAL 25:7

Hit yagahisikhi logolik hat hobali'mo ap ineabu lego mene ekhe logouwak iluk yagaisagarek andi re weak hak oba nen, heabu ambolkwe lego meneba ekhe lagain iluk liak fisagarek andi nek he mondok fano.

AMSAL 3:34

At Tuhan he ap leget fakhagarek mene inoba re abit isikherek oba nen he ap sebelfakhagarek mene inoba re fanot fisikherek.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YEHEZKIEL 26:16

Hat hoba asigin mene andoma heambik, it raja inunggulenu ekhe mene ekhe mene i laut esanggokwe werek mene omanogo re takhta hurek werek oba andoma nen siakhogo menlasimbik he, inasu fano mene raja nen laberek mene omanogo re nonggologo herakfembik inoak leikhogo kweangma hu'lasugun. It inailo hokho mene asimbik inebe hambukhogo welagi'lek logogun.

DANIEL 11:12

A'nogo hilingisogo fisambik, at onggwaregen he an naselei mene hokhorogo inoatirik, mabenet fisigi iluk awonok asigin, oba nen at ebe omame werek andi hakhogo nek logogin lek.

IMAMAT 19:32

Hineisena Tuhan he, Anat andi nen he, inaluendek helel wulibik mene agaugwerinafik, An nebe hinailorogo welagik, ikhi logoino o.

LUKAS 22:26

hiren, a'nogo hilingisugun mondok lego. Halok he, hit mene ekhe nen he, an nenu werek logoile, anggugu halok, hinagorat asuago. Nen, an nen ferinarek logoile, iluk anggugu halok he, hinamingmingenggeat asuago.

ROMA 12:10

Hinerugwi hinagaila'lak Allah againafuri mene andi hinebe ap misigaren tago mene hak, hinendawinggen tulem hinendawirogo logolik he, hit-hit hinerugwi hinagaila'lak hinane agaukhogo yagaisikhi logoino.

ROMA 13:14

Hit hinobabut he, afuni inobabut inetogat logolik, yi wanile, ti wanile, iluk agarek andi hak hinendawimo kagalhi'lek he, we, sikhe sige wanharek hak, ninoe Enupogot Yesus Kristus obabut andiat wanino o.

EFESUS 5:21

Kristus fogerati logolik, hit-hit na'ma ha'ma hilingiti logolik inane hologo agaugwerati logoino.

FILIPI 2:3

Yi mene ti mene hilingisuogeluk, hinendawimo nen he: ”An enek fanorogo hilingiti logogin,” iluk, hinonggwaregen legeisogo fakhikhi logogubo, hinendawimo nen fogerakhigi'legat: ”It ekhe fano. An he, elo'lek,” iluk, anggikhi logoino o.

KOLOSE 3:12

Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

1 TIMOTIUS 5:1

Haren, ap inaluendek mene halok he, hane uare'ma yagaisigi'lek, we, heisugwi yagaisageluk hakhogo hane liokhogoat komorinafi logoino. Nen, ap souge mene andi re, hagaila'lak higit hinom welagik,

IBRANI 13:17

Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.

1 PETRUS 4:1

Afuni yi enggin ti enggin haluk, inebe wa'la'luk, hobuk weak hilingiti logogun lek andi nen, at Kristus yi enggin ti enggin hilik-hilik ebe wa'lagaikhe andi hak, hit ogo re, afuni sing ikhaluk inebe hebelogo welagaikharek andi hak, at Kristus obabut waganogo, yi enggin ti enggin hikhi logolik hinomamerogo logoino o.

1 PETRUS 4:5

Meneat he, at Allah nen, afuni ineluk mene inom, wa'lagaukwa mene inom, inanema waganogo wene inoba figik, kotik, igeluk endawimo anggikhesik werek. A'nogo wene inoba fugunem, iren, wene inoba koruogeluk, ”Nit yi'nogo hilingiti lagagu, ti'nogo hilingiti lagagu,” iluk yagatunem elo'lek asigin weregaro.