1 PETRUS 5:3 - Allah Wene Fano Wene Hupla Inane

³ Allah againafuri kwelaginarek logouwageluk sumburogo wokhisasikhe andi kwelaginarek logolik, hinebe kain hak logolik, set kwil-kwalhogo hilinginafi logogup. We, hit fano hilingitunem ineilenggen hisaluk hinobabut waganogo hilingiti logouwageluk, fano hilingiti logoino.

1 PETRUS 5:3 ပူးပေါင်းရင်းမြစ်များ

MAZMUR 33:12

It afuni inunggulenu inap ekhe nen Tuhan Allah andi re nit nineisena iluk fakhogo yagaisagarek mene andi re inagaiyek hikhi logouwago, Nen it afuni Aren wenagaisogo An nonggwarek nagainafuri mene logouwageluk fisasikhe mene andi re inendawimo hairogo logouwago.

MAZMUR 74:2

Hat hagainafuri o attagat wenagaisogo fakhasigin mene a'nogo ebethan o, it inunggulenu yi mene Hat honggwarek hagainafuri mene asuageluk Harenat fikhalogo wilakfisa wagagin. Hat hebe werek oba faget Handom Sion hilingisogo fegen a'nogo ebethan o.

YEHEZKIEL 34:4

Nen domba omame lek mene re hiren halogo fisikhi lagep lek, nen ou mene re higirinafi lagep lek, inoumo werek mene re hiren yel fisikhi lagep lek, nen inafe mongol mene inom, longgo ugu mene inom he hiren inambotkwe woginarek wesuogeluk heraginafi lagep legat. A'nogo hilingiti logoligenat he hiren hinanggo domba andoma hinobabut weak logolik hinaniniba weaget fisikhi lagep andi.

MIKHA 7:14

Tuhan neisena. Hat hagainafuri haren wenaginafigin mene omanogo re, it inebe yat-yatkwe werek mene inom, solikwe werek mene inom, kweang heiselekwe werek mene inom were'ma, Haren halinafi logoin o. Neisena, it he o attak welagaukwa hakhogo inangge nunggu mene re o Basan engga wilibikwe andoma nen inom o Gilead kwe andoma nen inom helaluk ninggi logouwago.

BILANGAN 18:7

Oba nen he yabu mezbah oba andoma hilingitu mene inom, nen O Senggelek Mondok Hore'ma a'nogoba werek mene faget inom he, we hat inom it hagainafuri hinomen enek yabu imam mene andi logolik hilingiti logogun. An nen hat hoba yabu imam mene andi hilingiti logouwageluk hobagasigimo re, haren eiserogo logolik hilingiti logogin mene re andi. Afuni it andi inoba andoma hilingiti logouwageluk werek lek mene oba nen yi mene ti mene mondok horek mene andiba horokhogo asi lagu halok he wene inoba fuluk pinggi inoati logoino.” iluk yagaisasikhe.

YOHANES 13:15

An nen hit hilinghinafi andi hak, hiren an nobabut waganogo a'nogoat hilingiti logobagaigen iluk yagahisigi o.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

1 KORINTUS 11:11

A'nogo meneat he, ninoe Enupogot ninom hundik logolik he, hemi re, ap le'ma inale'ma welagik, ap he, hemi le'ma inale'ma welagik, logogun lek.

1 KORINTUS 3:5

At Apolos andi sa nogo? Nen, an Paulus sa nogo? Nit andi ninoe Enupogorenat endawimo anggaluk nineabu lombok hilingiti logouwageluk ninayonggo fesikhemo re, at amingmingengge welago. A'nogo logolik, wene yagahisasugumo re, hinendawinggen Yesus oba himbiret fesigip andi.

1 KORINTUS 3:9

Hit hinebe andi Allah eabu hak were'ma re, nit nemberegen Allah wokfisikhi lago. Ekhe re, hinebe Allah awi hak were'ma re, nemberegen Allah awi wurogo fisikhi lagoat.

2 KORINTUS 1:24

Hit hinendawinggen Allah oba himbiret fesigip mene andi, eberogoat iluk hinendawinggen hambukhogo welagep andi nen he, niren, ”Hinendawinggen yi meneba himbiret fouwak,” iluk ninane ninghogo yagahisogoin lego. We, hit hinendawimo agaiyek anggobagaigen iluk lebethisikhi lago andi.

2 KORINTUS 4:5

Wene yagaisilik nikhi lago andi re, ninonggwarek hilingitorek wene fuk. Lego. We, at Yesus Kristus hilingitikhe wene aro. At Yesus ebe ninoe Enupogot iluk he, nit at faget hit hinamingmingengge welago, iluk yagaisogorek andi.

ULANGAN 32:9

A'nogo meneat he, afuni Yakub en tagongge mene re, nineisena Tuhan, onggwarek againafuri, logouwagaluk wenaginafikhe.

FILIPI 3:17

Nerugwi nagaila'lak. Hit hinobabut an hilingiti lagi hak, nobabut waganogo, a'nogoat hilingiti logolik, it afuni ekhe nen nit ninobabut waganogo hilingiri'lagwi mene andi, hineilenggen fut fisikhi logoino.

FILIPI 4:9

Wene an nen yagahisugunem hinesanggo holhik, an hilingitunem hineilenggen niigik ikhi logolik, wene wanhigipsigen yanggulasigip mene a'nogo higithogoat hilingiti logoino o. A'nogo hilingitunem he, Allah ninendawinggen hambuget ninaferek mene a'nogo nen fethinarek logogino.

1 TESALONIKA 1:7

Ninoe Enupogoren hilingitikhe wene a'nogo hit were'ma andoma nen wialarik wulifikhe andi re, o Makedonia nen o Akhaya lagaikhe andi. Menere, andi nek fuk. Hit hinendawinggen eberogo nen Allahba himbiret fesigip mene andi hinabok fano o yi awi ti awi mondogat lagaikhemo inelumo re, niren hobuk hinabok yagaisogoin legaga. Andi nen he, afuni o Makedonia mene inom, o Akhaya mene inom, fano wene eberogoat iluk wanhukwa mene halok, mondogaren he: ”It fano hilingiri'lagwi,” iluk, hinobabut waganogo hilingiri'lagwi andi.

2 TESALONIKA 3:9

Niren hit hinoba kino yagahisa higit meneat he, hiren nit ninobabut wanubagaigen iluk, kino igi'lek ninonggwaregen a'nogo hilingiti lagagu andi.

1 TIMOTIUS 4:12

Hat hebe souge welagen andi nen, it afuni ekhe nen inendawimo sebelhobagagun lego. Hebe sougweat logolik, afuni ekhe inendawinggen Allah oba himbirik werek mene nen hat hobabut wanuageluk hane higithogo yagaisigik, hobabut higithogo hilingitik, afuni hendawirinafik, hendawinggen Kristus oba himbirik welagik, weak hilingiti'lek heil lomborogo welagik, ikhi logoino.

TITUS 2:7

A'nogo komorinafunem, iren, hat hobabut wanhi logouwagen, yi mene ti mene faget hilingiti logolik hobabut higithogo hilingiti logoino. A'nogo hilingiti logolik, ”Wene yi esin mene,” iluk, higithogo eberogo wene nek yagaisikhi logoino.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.