1 PETRUS 5:2 - Allah Wene Fano Wene Hupla Inane

² Allah nen he, ”An nagainafuri wam domba hangge yi'nogo kwelaginarek logoino,” iluk hinayonggo fesikhe hagat kwelaginarek logoino. Kwelaginarek logolik, hinonggwarek hinabit werek kwelegat, afuni ekhe nen, inane ninghogo yagahisugunem kwelaginarek welagik, nen, hinendawimo nen, ”Onggo ekhe wo nisoak,” iluk anggikhi logolik kwelaginarek welagik, ikhi logogubo. Athe, we, hinendawimo hinagaiyekhogo kwelaginarek logoino o.

1 PETRUS 5:2 ပူးပေါင်းရင်းမြစ်များ

2 RAJA-RAJA 12:6

Oba nen he at Yoas ebe raja menlagaikhesik melalinafu werek kwelek enek he 23 tahun hilingitikheba nen, it imam omanogo nen o Tuhan awi a'nogo ebene weak agu mene re fanorogo halhigi'legat hilingiti lagaukwa.

KIDUNG AGUNG 1:8

Hele hat he it hemi inanggele'ma nen mondok fano pugunsek welagen o, obalik honggotsek welagen a? Halok he domba hokhorogo anggwe lagarekwe andoma laluk he, it ap gembala lagen inawi sabu salogo werekwe horokhogo andoma asi laluk hanggo kambing, domba halinafi logoino o.

YESAYA 40:11

Ap domba halherek mene nen hilingiterek hak, Aren halinaferek mene andoma re a'nogo halinafu werek. At onggaregenat andoget fisaluk he domba eagwi omanogo agaumo felikhogo woginaferek, obabut sakhorek oba re Aren domba isa omanogo inelokhe palogo woginapluk lagarek.

YESAYA 56:11

It inebe re, mene hugurue mene nen inoba homot fisikherek lek a'nogo hak werek. Ap inogogwi ferinarek welagaikharek mene andoma re fut fili'lagwi lek. It inebe lombogen he inendawimo anggili'lagwi mene omanogo faget enek hilingiti logolik, ambisangma helogoin mene faget heratu welagaikharek.

YESAYA 6:8

A'nogo yaganetunem Tuhan ane ugu mene an nen holhugunemen he, ”An nen ap sa ayonggo fembik lak fagain he. Nit ninane waluk lagu mene re ap sa asigin,” iluk ugunem an nesanggo holhirik an nen ikhi logolik, ”An nebe welagi yi o. Anat la'nobagain,” iluk igi.

YESAYA 63:11

A'nogo hilingitunem he, iren o attak, at Musa Tuhan amingmingengge mene a'nogo were'ma hilinglaga lagaikhe mene omanogo ebethikhi logolik mel aga, ”Tuhan At againafuri i laut yenggelek mene palogo woginarek wagaikhe mene a'nogo re koma werek nogo? Nen At Tuhan omame it inoba wogisikhi lagaikhe mene a'nogo re koma werek?

YEREMIA 13:17

Haren hesanggo holu habit welagen halok he, An he hinago logolik nane legengge le aga logogin o. Haren fogetfakhikhi lagen mene andi faget an nendawinggen laga pu hilingiti logolik he le yakhafi logogin. Tuhan againafuri omanogo hele warogo woginarek lagunem he an neil amusu tephigik pelafi logogin.

YEREMIA 13:20

Tuhan nen afuni Yerusalem werek mene inoba ikhi logolik, ”Fut feni o! Hit hinaselei mene re abel utara fikhiren weri'lagwi! Ap hiren inawea'ma logogun iluk hilingiti lagep mene omanogo komanogo? Nen hiren hinendawinggen inoba himbirik welagep mene omanogo re koma werek?

YEREMIA 6:13

It inebe mondogat yenggerugwi magendek mene inom inaluendek mene inom he ineranhogo lalhigik ambisangma saburili'lagwi. Nen it nabi inom imam inom oba nen ogore afuni ineranhogo wene yagaisili'lagwiat.

YEREMIA 8:10

A'nogo hilingiri'lagwi andiba re An nen it ineabu andoma re ap weagerinafarek mene inoba wogisigik, it inagagwi re ap amu mene inoba wogisigik, igin o. It inebe mondogat yenggerugwi inom inaluendek inom inonggwarek inenggi werek agu mene faget ineranhogo weneba lalhigik saburili'lagwi andi. Nen, it imam inom nabi inom oba nen ogore afuni ineranhogo wene yagaisili'lagwiat.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

YEHEZKIEL 34:31

Eberogo, hit he An nandomba were'ma An nen hit nunggu mene wokhisigirek. Hit he An nagainafuri welagep, An he hit hineisena Allah welagi. An Tuhan Lego Mondok welagirek mene a'nogo nen nane mondogat igi, ikhe.

YEHEZKIEL 46:24

A'nogo were'ma ap andi nen an noba ane ikhi logolik, ”Yoma re it ap Tuhan awi wuri'mo yabu hilingiri'lagwi inaben afuni nen obaget fugu mene omanogo isatu weratukwe re yoma o,” Iluk yaganete.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

MIKHA 5:4

Nen, Aren he afuni fano liokhogo logouwageluk hilinginabigin. Ap tentara Asyur mene nen ninoasuogeluk o himbirengge leget pa'leget waganek mene omanogo langgukhogo filik kwi wagunem, nit ninogogwi kaindek inomame werek mene re it inoasuageluk inebe higithogo penogo menfisogoin. A'nogo menfisamo iren he nit ninebe ap Asyur mene inenggimo nen telninabimbik he it inasikhe inom, inarige kabelek inom oba re ap Asyur mene inaiba andoma sebelugun.

MIKHA 7:14

Tuhan neisena. Hat hagainafuri haren wenaginafigin mene omanogo re, it inebe yat-yatkwe werek mene inom, solikwe werek mene inom, kweang heiselekwe werek mene inom were'ma, Haren halinafi logoin o. Neisena, it he o attak welagaukwa hakhogo inangge nunggu mene re o Basan engga wilibikwe andoma nen inom o Gilead kwe andoma nen inom helaluk ninggi logouwago.

ZAKHARIA 11:17

Gembala we alomarogo werek mene andi re homan ugu logouwak! At he, domba halinafu mene omanogo hesanggema heilat fisaluk werek andi. Weim oba nen at along logogin mene a'nogo mondogat wurep kobok igin, nen, enggi omame legagik, eilenggen pikhit-fikhit mene mondogat pugagik, igin o.” iluk yaganete.

MALEAKHI 1:10

Tuhan Omame Mondok Hokho mene a'nogo nen ikhi logolik, ”Hiren wam yi mene ti mene warogo nolneti lagep oba endu tulemat ibilogo kwelafi lagep andi nen he, a'nogo hilingitu welagep hanogoluk, hit ekhe nen An naiba andoma kwe yagatfoumo re! Hit hinebe nabirat, nen an nobaget fikhi lagep mene andi helugu aplere nabit nabi'lago.

BILANGAN 18:7

Oba nen he yabu mezbah oba andoma hilingitu mene inom, nen O Senggelek Mondok Hore'ma a'nogoba werek mene faget inom he, we hat inom it hagainafuri hinomen enek yabu imam mene andi logolik hilingiti logogun. An nen hat hoba yabu imam mene andi hilingiti logouwageluk hobagasigimo re, haren eiserogo logolik hilingiti logogin mene re andi. Afuni it andi inoba andoma hilingiti logouwageluk werek lek mene oba nen yi mene ti mene mondok horek mene andiba horokhogo asi lagu halok he wene inoba fuluk pinggi inoati logoino.” iluk yagaisasikhe.

LUKAS 12:32

”Halok he, hit Allah againafuri a'luk welagep mene hinebe endebat mene yi, nerugwi nagaila'lage! Allah nen hit at awe a'ma hinobagaigeluk endawimo anggikhesik werek andi re, hinailo agubo.

KISAH PARA RASUL 20:29

Mene re, mene olo mene aik anini weak mene nen wam herakfigi'lek mondok ninggerek andi hak, an nebe lamo nen, it ekhe nen Allah againafuri hiren kwelaginarek welagep mene andi weagerinabi kwi wesugun mene werego, iluk an nelu.

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

ROMA 1:15

Andi nenat he, fano wene andi hit afuni o Roma welagep mene andoma yagahisa wesigin namolo anggikhi lagi o.

1 KORINTUS 9:7

Ap tentara inogogwi kaindegen inagoromi weim yabuageluk inayonggo fugunem, it inonggwaregen inenggi onggo heragaisogo ekhe yafarek nogo? Lego. Nen, it ekhe nen anggur awi yakfuluk he, enggen itunem ekhe inonggwarek nenggarek lek nogo? I a, athe, it ekhe inanggo domba hokhorogoat fisogo logolik he, eilak amusu ekhe inonggwarek nenggarek lek nogo? Nenggaregaro,” iluk yagaisikhi lagi.

1 TIMOTIUS 3:3

i anggur amusu ninggerek lek mene halok, obabut asialokhogo hilingiti'lek enago liokhogo welagarek mene halok, endawimo nen uang hokhorogo namolo anggikherek lek mene halok,

1 TIMOTIUS 3:8

Andi hagat he, Allah againafuri mene leberisikhi logouwageluk, inobabut yiginik mene menfisogoin. Inoba haro mene halok, inameli pire akhogo agarek lek mene halok, anggur enggen amusu nenggarek lek mene halok, uang, yi mene ti mene fano mene, ”An enek noba logoilep,” anggagarek lek mene halok, menfisogoin o.

TITUS 1:11

A'nogo lalinafi logolik, yi mene ti mene inonggwaregen hunirogoin lek mene hunirouwogeluk yagaisogoin lek meneat yagaisikhi logolik, afuni hokhorogoat inagainafuri inomat lalinabi'lagwi andi, it inane andi sebelogo legetfisano.

TITUS 1:7

Ap Allah againafuri ekhe kwelaginarek logolik he, Allah fagerat hilingiti logogin andi nen he, it ekhe nen wene oba fili'lagwi lek mene halok, menfisogoino. Aren he: ”It ekhe ugunem weak. An igi nek he, fano,” iluk, ikherek lek mene halok, a'mage horok eberi'logo lek mene halok, i anggur amusu ninggerek lek mene halok, obabut lagaksek welagarek lek mene halok, ”Uang yi mene ti mene an enek noba logoilep,” iluk, anggikherek lek mene halok,

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

TITUS 3:1

Allah againafuri haren ferinarek welagen mene andoma nen, inogogwi pemerintah mene kaindek inawe a'ma were'ma, iren yi mene ti mene higithogo hilingisuageluk ugunem, ”Io,” iluk inane hologo hilingiti logouwageluk komorinafi logoino.

FILEMON 1:14

haren, ”I o, fano. Hemberek logoino,” iluk yaganeti'le'ma, an namu nen wene ekhe igin elo'lego. We, an nendawimo namolo re, hat at ebe eisewerek mene hendawinggen nenat inogeluk, lakfei wagi andi o. Mene re, hat hendawimo nen, ”Nabit,” anggugu kwelegat, an nen nane ninghogo yagahesigin he, nabiro.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.