1 PETRUS 4:8 - Allah Wene Fano Wene Hupla Inane

⁸ Wene esin hangge re, hit-hit nendawi-hendawirogo hilingiti logolik, ekhe nen ekhe weagetfagain mene sebelogo mondok legetfogoin andi nen, hit-hit hinerugwi hinagaila'lak hinom nendawi-hendawirogo mondok hilingiti logoino o.

1 PETRUS 4:8 ပူးပေါင်းရင်းမြစ်များ

AMSAL 10:12

Inabit inaferek mene andiba re ap inom yei wene palharek andi, nen inendawi hundik anggikhi logolik halok he, weak mene omanogo mondogat sagalogo legetfisagarek.

AMSAL 12:16

Ap kembu mene nen ap inane oba ugunem a'mage lagaluk, aremnogoat at endawimo yelik welagarek mene a'nogo wulak fisa wagarek, oba nen he it hebelogo hilingitarek mene nen he afuni nen weak peakhogo hilinginafu kwelek oba nen inafe wonget fisaluk werek.

AMSAL 17:9

Aben inagaiyek noba fikhi logoilep anggikhi logolik halok he, iren weak hat hoba hilingita mene andoma nendawi e iluk, haren hane healogo leget fisano. Hat hoba wene fogoin mene omanogo ebet-ebet hilingiten halok, hagaila'lak hinom fano mene omanogo minggil fisagain.

AMSAL 18:13

Wene ebe heinok wogisugu mene holhi'legengge nen onggo weak-weak agarek mene andi re, afuni inendawimo wusu lek hak kembu mene nen agarek ili'lagwi.

1 KORINTUS 13:1

An nen afuni inunggulenu lombok ekhe inaneba igik, malaikat Allah nen yonggo pelakfisa wagarek mene omanogo inaneba igik, ikhi logolik meneat he, afuni inebe nendawirogo logogin lek halok he, an we, iwak hokho mene endep mene i elonggoma hinago le'ma ane pak igik, tololang igik, ikherek hak ikhi logogun o.

1 KORINTUS 13:4

Afuni ekhe inebe inendawirogo logolik he, inafe morogo welagaikharek andi. A'nogo inendawirogo logolik he, inobabut fano, pou igi'lek logolik, inonggwaregen sewirakhigik, fogerakhigik, agarek lek andi.

KOLOSE 3:14

A'nogo hilingiti logolik, ebe esin hangge re, afuni inebe hinendawirogo logoino o. Inendawirogo welagaikharek mene andiba re, hinebe misiga'luk lambulogo logou hagat logogun andi.

1 TESALONIKA 3:12

Niren hit hinebe ninendawirogo welago hak, hiren a'nogoat hit-hit hinendawirogo hilingitik, afuni mondogat hinendawirinafik, hokhorogoat hinendawirinafi logobagaigen, ninoe Enupogoren hinobabut inendawirinafarek andi mene oba loukhogo ekhe inomat wokhisikhi logouwak.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

1 TIMOTIUS 1:5

Inendawinggen Allah nen horinafunem he, inonggwarek inendawimo nen he, ”An wene noba lek, nendawinggen selek welagi,” iluk anggikhi logolik, inendawinggen eberogoat Allah oba himbiret fuluk welagaikharek andi nen, afuni inendawirogo welagaikharego. Halok he, it a'nogoat logouwageluk komorinafi logoino, iluk yagahetigi andi.

IBRANI 13:1

Nerugwi nagaila'lak. Allah againafuri hinebe misigat mene hangge nendawi-hendawirogo hilingiti lagep mene andi, a'nogo hinom hundigat hilingiti logoino o.

YAKOBUS 5:12

Nerugwi nagaila'lak. Wene ekhe esin mene yi yagahisak. Allah nen wene hinoba feinogo iluk he, hiren pogoroba mene ekhe enu hombuk palhik, kweangma mene ekhe enu hombuk palhik, hunogoat mene ekhe enu hombuk palhik, hombuk palhi logogubo. We, ”Io,” uogoluk halok he, tekhogo ”Ioat” ugun. Nen, ”Lego,” uogoluk halok he, tekhogo ”Lego,” ugun.

YAKOBUS 5:20

wene yi hinendawimo futfogoin. Sa nen weak hilingiti logolik, onggwaregen kwanirogo nong asi lagunem, at ekhe nen ambotkwe Allah oba waluk waga halok he, ebe wa'lasigin higit meneat telhik, weak hokhoat hilingite mene andi sebelogo legetfisigik igin o, iluk ikhemo werek andi nen he, hinendawimo futfikhi logoino o.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

3 YOHANES 1:2

Nagailage. Hat hendawinggen Allahba himbirik logolik fano welagen andi hagat, hoba ou lek fano logolik yi mene ti mene faget fano hilingiti logoinogeluk, samban hat faget ikhi lagi o.