1 PETRUS 4:12 - Allah Wene Fano Wene Hupla Inane

¹² Nerugwi nagaila'lak. Hinebe nendawi e. Endu aik hagarek andi hak, Allah nen he, hinobabut paligeluk yi enggin ti enggin hinoba agunem, hinendawimo nen he, ”Yi hunogoat hogorek lek mene ninoba ari'logo,” iluk anggagubo.

1 PETRUS 4:12 ပူးပေါင်းရင်းမြစ်များ

PENGKHOTBAH 5:8

Nen o kerajaan ekheba wene obabut ariginik mene were'ma at raja nen afe halogo fugunem he, afuni mondogaren agaukhogo leget fagarek.

YESAYA 28:21

Tuhan nen endawimo anggikhe mene andi hilingisigiluk he, o tom Perazim oba nen hilingite a'nogo hak inom, athe o Gibeon fanggongma nen hilingitikhe mene a'nogo hak inom, afuni inoba elalinhogo hilingfisikherek mene a'nogo hilingisigin. Aren he afuni nen inoba fok ikherek mene ekhe herak figi'lek mondogat hilingisigin.

DANIEL 11:35

Nen, it fena inogogwi inobabut hebelek mene omanogo re inoasumo wa'lasugun, oba nen andoma re afuni Allah againafuri faget inobabut palharek hak asiginmo re, it inebe eberogo mene a'nogo weinam asigin. A'nogo nek hilingitu were'ma re o wurep kobok i lagain, andi re linggene At Allah nen wenagaisogo fikhe sambul a'nogoba asigin.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.

1 KORINTUS 3:13

A'nogo wutu were'ma, at Kristus hobuk wesigin andi sambul, afuni nen o wuta mene lombok. Fano a? Weaga, iluk, endumo walhugunem, fakhogo enegat agunem hogoin o.

2 TIMOTIUS 3:12

Nit Kristus Yesus ninom hundik logolik, Allah faget fanorogo hilingiti logouwogeluk ninendawimo anggikhi lago mene halok, ninebe lombok mondogat yi enggin ti enggin hilingninafi logogun aro.

1 PETRUS 2:11

Nerugwi nagaila'lak. Hinebe nendawi e. Hit hinebe ap pogat afuni inawilokwe pugulogo laluk andoma logolik he, yi mene ti mene hinendawimo nen kagalogo lagai wagunem, hinendawinggen en nunggunem namolo anggikhi lagep mene andi re, selei mene nen inoatarek andi hak hinebe weagethinabigeluk, hinendawimo nen kagalogo lagai wagarek mene andi herakfisikhi logobagaigeluk yagahisikhi lagi andi o.

1 PETRUS 4:4

Meneat he, yogondak hit hinobabut it weak inamolorogo mondok hilingirik, lagaikharek andi hak hinom hilingiti'lek kamo ikhi lagep andi nen, hit hinabok weak pali'lagwi andi.

1 PETRUS 5:9

A'nogo logolik, hinendawimo nen, ”Ninerugwi ninagaila'lak o yi awi ti awi andoma yi enggin ti enggin hili'lagwi hagat hikhi lago,” iluk, at Iblis wagunem, ane holhi'lek herakfisaluk hinendawinggen Allah oba eberogoat himbiret fuluk ninghogo mendek logoino o.