1 PETRUS 4:1 - Allah Wene Fano Wene Hupla Inane

¹ Afuni yi enggin ti enggin haluk, inebe wa'la'luk, hobuk weak hilingiti logogun lek andi nen, at Kristus yi enggin ti enggin hilik-hilik ebe wa'lagaikhe andi hak, hit ogo re, afuni sing ikhaluk inebe hebelogo welagaikharek andi hak, at Kristus obabut waganogo, yi enggin ti enggin hikhi logolik hinomamerogo logoino o.

1 PETRUS 4:1 ပူးပေါင်းရင်းမြစ်များ

YESAYA 1:16

Weak mene hinoba werek halok he fanorogo sobalikhi logoino. Hit hinobabut An neilhanem weak hilingiti lagep mene andi herakfisaluk hobuk weak hilingiti logou fuk.

YEHEZKIEL 16:41

Hat unggum hoba fogoin sambul andi re iren hat hawi wurik omanogo wolelenggenhogo fikhi logolik hemi inoba kumuthabuageluk yagaisamo kumuthafi logogun. A'nogo hat babi hilingiti lagen mene andi re An nen palogo fagain. Haren it hendawinggen hundik hilinginafi logolik inagaiyekhogo iluk onggo palogo wogisikhi lagagin omanogo hakhogo ekhe hilingisigin lek.

MARKUS 3:3

A'nogo ineil werek kwelek, at Yesus nen he, ap enggi wutwarek mene a'nogo mel yagatikhe: ”Hebe menla'luk he, tulem ya eme o,” iluk yagatikhemo,

ROMA 6:11

Andi hagat he, hit hinendawimo nen he, ”Weak hilingiti logogun mene faget waregat logolik, Kristus Yesus ninom hundik logolik he, Allah fagerat nineluk logogun,” iluk hinendawimo anggikhi logoino o.

ROMA 6:2

Mondok elo'lego. Nit weak hilingiti lagagu andi faget he, arat wa'lagagusigat he, hobuk weak hilingiti logogun nogo? Elo'lego.

ROMA 6:7

Afuni weak hilingi'luk wa'lagunem he, wene inoba mene legagarek.

GALATIA 2:20

Nen, yogondak nebe neluk welagi yi re, nonggwarek nomameba neluk welagi fuk. We, at Kristus at nendawimo logolik eluk welagarego. At ebe Allah amlogoat logolik, nebe endawi nen an fagerat, ”Noasuak,” iluk anggasikheba ebe watukwa andi. Nen, an nendawinggen at oba himbirik were'ma re, at ebe nendawimo were'ma, neluk welagirek andi.

GALATIA 5:24

Ninebe Kristus Yesus agoromi mene halok ninobabut ninetogat logolik, yi mene ti mene ninamolo anggikhi lagagu mene andi, Kristus Yesus ebe eba menfuluk watukwa andiba warogo fesugu.

EFESUS 6:13

Halok he, weak mene nen weagethinabi wagunem weim hinoba harorogo mendegat logolik yabuogeluk, sing itarek andi hak Allah nen ekhe mene-ekhe mene wo'nisikherek andi mene i'no o.

ULANGAN 27:10

A'nogo meneat he hiren hineisena Tuhan ane hologo nek hilingiti logolik, an nen yi'nogo ti nogo hilingiti logoino iluk yogondak yagahisigi mene andi mondogat higithogo hilingiti logoino,” iluk yagaisasikhe.

FILIPI 2:5

Hinobabut he, at Kristus Yesus nen endawimo ebeti lagaikhe hagat ebeti logoino o.

IBRANI 12:3

Hit hinendawimo puk a'luk hinomame lek asinogo iluk, it afuni weak hilingitarek mene nen at Yesus inendawimo nen sebelfuluk ebe weagetfugu kwelek halolot fisaluk afe morogo welagaikhe mene andi hiren he, ”At ninggi'nogo hilingitikhe nogo,” iluk hinendawimo nen futfikhi logoino o.

1 PETRUS 2:21

At Kristus ebe hit faget yi enggin ti enggin hilik-hilik wa'lagaikhe andi nen, hit ogo re, at obabut waganogo yi enggin ti enggin hoagelugat Allah nen hinayonggo fesikhe andi.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.