1 PETRUS 3:9 - Allah Wene Fano Wene Hupla Inane

⁹ Afuni ekhe nen hit weak hilinghinafunem, hiren onggo weagerinafubo. Nen, inane asegen weak wokhinafunem hiren onggo hinane asegen wogisagubaro. Onggo re, Allah nen inebe fanorinabuageluk, ayonggo fikhi logoino. Hobuk aren fano mene wokhisageluk hinayonggo fesikhe andi nen, hiren onggo fano mene yagaisikhi logoino.

1 PETRUS 3:9 ပူးပေါင်းရင်းမြစ်များ

KEJADIAN 42:25

At Yusuf en yagaisikhi logolik su karung at ogogwi nen waluk wagaukwa mene andomaba re gandum kwalfuluk it inauang inonggwaregen mene andoma ogore inasu lombok kwalfilik lano. Nen sumburu ebekhalemen nogoin mene ogore wogisanoat, iluk yagaisikhemo aren hilingi'no iluk yagaisasikhe mene a'nogo higithogo nek hilingitukwa.

AMSAL 17:13

Ap sa nen fano mene andi weak meneba onggo palhe halok, weak mene a'nogo at aiba nen waganogo wulibigin mondok lek.

AMSAL 20:22

Iren weaget hinafunem hiren ogo weagerinabu fuk, we hineisena Tuhan oba hinendawinggen tibet fugunem Aren lebetisikhi logogin.

AMSAL 28:10

Ap ekhe nen ap higithogo hilingitarek mene omanogo weak mene hilingisuageluk inendawimo kagalhu halok, ap andi onggwaregen hele wepse'ma kwi lili'lago andi. Oba nen he ap inebe weagerogo fakhigi'lek welagaikharek mene andi re ineluk fanorogo welagaikharek mene eise asimbik logogun.

MATIUS 19:29

Halok he, an nenu hokho asuageluk sa nen awi wurik inom, oe agot inom, erugwi inom, eisena agaisa inom, againafuri inom, eabu siok inom, herakfisaluk waga halok he, obali'mo Allah nen onggo ebe mene mondok hokhorogo wogetik, nabulal-habulal wogetik, igin o.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

MATIUS 5:39

A'nogo meneat he, an nen wene ekhe yi yagahisak. Weagethinafa halok onggo fugubo. Hinelokhonggen ebekwe lambukhogo hinoatu halok he, harekwe inomat hoasuageluk, wogisano aro.

MATIUS 5:44

A'nogo meneat he, an nen wene ekhe yi yagahisak. At nineisena Allah pogoroba mene mo eisewerek logolik kweangma selekhogo afuni inobabut weak mene inom, fano mene inom, mondogat faget yaginafik, nen, meiso pelakfei wagarek andi re, it higit hilingiri'lagwi mene inom, weak hilingiri'lagwi mene inom, mondogat faget pelakfisa wagik, ikherek andi hak, hit hineisena Allah pogoroba mene againafuriat asubagaigeluk, afuni hinom weak mene andi hinendawirinafi logolik he, it weagethinabi'lagwi mene andi, Allah nen fanorinabuageluk it faget samban ikhi logoino.

MARKUS 10:17

Wene a'nogo yagaisaluk he, at Yesus o andoma nen kwe pikhit lageluk lagunem, ap ekhe fungusegat oba wagaikhe. Wagaikhesik eindep awi yagaisogo awe a'ma hu'lasi wagaikhesik he, mel yagatikhe: ”Guru noe. Wene yaganisikhi lagen andi, hat fano o. An nabulal-habulal hilingnabuagen he, an nobabut ninggi'nogo hilingiti logogin,” iluk yagatikhemo,

LUKAS 10:25

Wene a'nogo yagaisikhi lagaikhemo re, hobuk ap Allah ane lisu palek yagaisikhi lagaikhe mene ekhe Yesus obabut paligeluk oba wagaikhesik he, mel yagatikhe: ”Noe. An neluk mondok logoigen he, nobabut ninggi'nogo hilingiti logoik he,” iluk yagatikhemo,

LUKAS 18:18

A'nogo yagaisikhi lagaikhemo re, it ap Yahudi mene inoe kain ekhe nen Yesus mel yagatikhe: ”Noe. Hat guru fano mene logolik wene yaganisikhi lagen andi, mondok fano o. An nabulal-habulal eise asigen he, an nobabut ninggi'nogo hilingiti logogin,” iluk yagatikhemo,

ROMA 12:14

It afuni ekhe nen weagethinafunem he, Allah nen it fanorinabuageluk ayonggo fikhi logoino. Weagerinabuageluk homan fisigi'legat, fanorinabuageluk ayonggo fikhi logoino o.

ROMA 12:17

It afuni ekhe nen weak hilinghinafunem he, hiren onggo lagakhogo weak hilinginafi logogubo. Afuni mondogaren ineilenggen hisaluk he: ”It fano hilingiri'lagwi o,” iluk hinabok fano ikhi logouwageluk he, hinendawimo anggalugen fanorogo hilingiti logoino o.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

ROMA 8:30

Attagat Allah nen ninebe wena'ninafikhe mene halok, ninayonggo fesikhe. A'nogo ninayonggo fesikhe mene halok, wene ninoba mene korogo wokhaluk, hobuk ninom ninambotkwe hunogo ninobagaikhemo welago. Ninebe a'nogo hunogo ninobagaikhe mene halok, at ebe fogeratu mondok welagaikharek mene andi hangge asuageluk wo'ninafikhe.

GALATIA 3:14

At Allah nen he, Abraham fanot fesikhe hak, yi afuni ti afuni mondogat Kristus Yesus inom hunetunem fanorinabuageluk, Yesus wa'lagaikhe andi. At a'nogo wa'lagaikhesik oba nen, Allah Areagun wokhisagain iluk abok tak yaganisasikhe a'nogo, ninendawinggen At oba himbiret fugunem wo'nisikherek andi.

EFESUS 4:32

Herakfisaluk he, hit-hit hinobabut enago lioksek logolik he, hit weak hilingiti lagagip mene at Kristus nen sebelogo legetfesikhe mene, Allah nen legetfisasikhe andi hak, hinerugwi hinagaila'lak ekhe nen weagethinafu halok he, wene andi legetfisikhi logoino o.

1 TESALONIKA 5:15

Afuni nen hit ekhe weaget hinafunem, onggo-onggo weagerinafi'lek logolik, hit-hit faget inom, afuni mondogat faget inom, inobabut fanorogo hilingitarek andi meneat esinet fikhi logoino o.

IBRANI 12:17

At Esau hilingitikhe andi, hit hinelu o. At endawimo nen he, neisena nen yaganeti logolik, ”Allah nen fanothafi logouwak,” iluk yaganesuageluk le aga logolik kino yagatikhe meneat he, agot arat yagatikhemo andi nen he, hobuk oak waganogo yagasu elo'lek agaikhe andi.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

1 SAMUEL 26:11

Arigini'mo re, we At Tuhan ninoe raja ebe wenagaisogo menfikhe mene andi nen enek an nen wati hanogo iluk elele waganogo nobagakhi logouwak! Nen nit he arat logoin enggere, we arige ari inom, agaiwak ari inom enek he wanini o!” iluk yagaisasikhe.