1 PETRUS 3:7 - Allah Wene Fano Wene Hupla Inane

⁷ Nen, hit ap ogo re, Allah obabut fano nen hinagagwi hinom higithogoat hineluk mondok logouwageluk eisewerek hinobagaikhemo welagep andi nen, hit samban ugunem Allah nen hinane esanggo holhi'lek kamo inogo iluk, hinagagwi hinom fano logolik, hinendawimo nen he, ”Hemi inomame lek,” iluk futfuluk, hinane agaukhogo yagaisigik, hinendawirinafik, ikhi logoino o.”

1 PETRUS 3:7 ပူးပေါင်းရင်းမြစ်များ

AYUB 42:8

Andi nen he, yogondak wam sapi ai mene 7 nen inom, nen domba ai mene 7 nenat wanimbik he, Ayub oba we'no o. Wasimbik he, hit faget wam mondogat andi warogo an nolne'no o. Nolnetunem, Ayub en samban hit faget nayonggo fugunem, at ane nesanggo holigin o. Hiren he, An namingmingengge Ayub en An faget higithogo ikhe andi hak igi'lek, herakfisegepsik weak mene egep andi nen, wene hinoba fuluk hinenggali wasugun meneat he, An nen wene hinoba figi'lek herakhinobagagin o,” iluk yagatikhe.

MATIUS 18:19

”Nen, wene ekhe yi yagahisak. Hit hinebe pire a? Henagan a? An nenuba andogosugun halok he, an nebe hinanggele'ma andoma ninom logogun, andi nen he, hit hinebe pire mene nen kweangma yoma logolik, hinendawinggen misigat a'luk, hiren, ”Ekhe wo'nisan, iluk nena mene Allah kino yagasugun halok he, kino ugun mene andi an neisena pogoroba mene nen hinane esanggo holimbik he, wokhisagain aro,” iluk yagaisasikhe.

1 KORINTUS 7:3

Inaguni nen he, inagagwi lombok, nen, inagagwi nen he, inaguni lombok, inom nogo ikhi logouwago.

EFESUS 3:6

Fano wene andiba, it afuni endakwe mene inom, Yahudi mene inom, inom higithogoat eisewerek hilinglagik, Kristus ebe misigat mene ninom higithogo hunogo ninobagagik, ikhemo welago. Wene fageat Allah nen, ”Yi'nogo hilinghinabigin,” iluk, abok yaganisasikhe a'nogoba, ”Afuni endakwe mene Kristus Yesus inom hundik were'ma, fano wene andiba ninom higithogo hilingninabigin,” iluk, ninelu aga andi.

EFESUS 4:30

Allah nen hobuk hinebe fanothinabigeluk attagat Areagun wokhisasikhemo hinendawimo werek andi nen endawimo weagetfugubo.

EFESUS 5:33

Mene re, hit hinebe faget inomat isikhe. Hit ap he, hinonggwarek hinebe hinendawirogo welagep hak, hinagagwi lombok hinendawirogo welagik, hit hemi hinaguni lombok agaugwerinafik, ikhi logoino o.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

KOLOSE 3:19

Nen, hit ap nagaila'lak. Hinagagwi inoba wiyik-weakhogo hilinginafi'legat hinendawirogo logoino o.

1 TESALONIKA 4:4

A'nogo logolik, hinagagwi hinaguni lombok woginabik he, hinom fano logolik, hinebe an faget nobagaluk horek logolik, hinobabut higithogo hilingitarek mene hilingiti logoino o.

TITUS 3:7

At Yesus obabut fano nen wene ninoba mene korogo wokhaluk, Allah ninom ninambotkwe hunogo ninobagasikhemo, nit ninendawimo nen he, ”Nineluk mondok logoguno,” iluk anggikhi lago andi higithogo eiseweregat asuageluk Allah Areagun wo'nisasikhe iluk,

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

1 PETRUS 3:1

Andi hak, hit hemi ekhe hinaguni Allah ane wanhi'lek mene hinane yagaisogoin oba fuk. We, hinobabut hineil lomborogo hinaguni inane hologo hilingitunem, iren ineilenggen hisaluk, Allah werekwe we'luk ane wanuageluk, hinonggwarek hinaguni lombok inawe a'ma kuluk inane hologo hilingiti logoino o.