1 PETRUS 3:3 - Allah Wene Fano Wene Hupla Inane

³ Hinoba fanorogo, hinagap endakwe mene faget wanhi logogup. Andi re, hinesi lalhik, hinalilingge emas mene wanhik, su fano onggo hokho mene labetik, ikhi logogubo.

1 PETRUS 3:3 ပူးပေါင်းရင်းမြစ်များ

KEJADIAN 24:22

At hele a'nogo nen wam unta omanogo mondogat i wogisasikhemo inalabut ninghogo nasukwama re, at Abraham amingmingengge a'nogo nen alilingge emas onggo hokho mene ekhe wanhikhesik he, hele silerik a'nogo ambisang oba punu watfigik, senggan emas mene ekhe enggiba ikfigik, isikhe.

KEJADIAN 24:47

A'nogo arat hilingitemo nen, an nen he, Hat heisena sa, iluk heinok wokhigimo re, aren he: An neisena re, Betuel, Nahor amlogo. Nen, at agaisa re Milka, iluk yaganetemo, an nen he, alilingge emas mene ambisang oba punu watfigik, senggan enggimo ikfigik, igi.

KEJADIAN 24:53

Fogeratikhesik, su inom, inalilingge perak mene inom, emas mene inom, mondogat hele Ribka a'nogo wogetikhe. Wogetikhesik he, Ribka oe inom, agaisa inom yi mene ti mene onggo hokho palharek mene ekhe wogisasikheat.

2 RAJA-RAJA 9:30

A'nogo hilingitukwasik at Yehu a'nogo o Yizreel asi wagaikhe. Nen, at he Izebel a'nogo re hilinglagaikhe aple a'nogo mondogat esanggo holhikhesik he aren esi al warogo hilingfigik, eil alili wanhik, hilingitikhesik, at awiloba jendela lekwe nen he eilenggen pelabek welagaikhe.

ESTER 5:1

At Ester ambe heang welagaikhesik linggene henaganek mene a'nogoba re asu raja inagagwi nen labetarek asu a'nogo laberogo re, o hun raja ebe were'ma a'nogo nen elokhoma omanogo lagaikhesik he kwe hun raja kwikherek kwe a'nogo mendek logolik welagaikhe. Nen at raja re hu'lagungge takhta a'nogoba kwe sou esanggo fikhit hurek welagaikhe.

MAZMUR 45:9

Hat hasu ugu mene re amusu mur inom, gaharu inom, cendana inom, amben mondok fano mene sangeri'lago. Nen hat hawi istana gading andimuk oba nek wuri'mo, hat hebere it pinggong watu inaben watunem hagaiyegeti lagen.

KELUARAN 3:22

Hemi Israel mene inebe lombogen afuni Mesir mene o sili misikwe welagaikharek mene inom, hemi Mesir mene inaiba misi'mo logogun mene inom, it inasu labetarek mene inom, inalilingge perak mene emas mene inom, kino yagaisamo wogisogoin o. A'nogo wogisamo, hinagainafuri labetfisigik, ikfisigik ugun o. A'nogo hilingisugun andiba yi mene ti mene afuni Mesir mene inangge hit helaluk wulibugun o,” iluk yagatikhe.

KELUARAN 32:2

A'nogo yagatukwama, at Harun nen he, mel yagaisasikhe: ”Hinagagwi inom, hinagainafuri inom, inalilingge emas mene inesanggomangge kelik mene palhigik andogorogo re, an wo'nesi we'no o,” iluk yagaisasikhe.

KELUARAN 33:4

A'nogo yagatikhesik, hobuk at Musa nen afuni Israel mene wene ekhe yagaisoageluk yagatikhemo mel yagaisasikhe: ”At Allah nen he, Hit afuni yi re, hinendawinggen helep hangge welagep. Mare, An ninom logoin halok, An nen hit hinebe mondogat weagethinabigin anggikhi lagi o. Halok he, hit hinalilingge waganek mene aroma mondogat nonggologo feino o. A'nogo fegep halok, An nen hit hinoba hilinghinabigin mene wene halogo fagain o, iluk ikhe yagaisan,” iluk yagaisasikhe. Nineisena Tuhan nen a'nogo yagaisasikhemo, iren inesanggo holhukwasik he, inendawimo mondok weak agaikhesik, inoba sinurogo fong welagaukwa. A'nogo hilinglagaikhesik, it mene inalilingge andi nonggologo fesukwasik, tom Sinai herakfuluk waga logolik he, it afuni Israel mene inalilingge ekhe wanhi lagaukwa mondok lek.

KELUARAN 35:22

Aben ogo. hemi nen ogo, inendawimo nen anggaluk inalilingge wanhuba anggwe folelhu mene peneti inom, inesanggo mangge inom, senggan inom, siong inom, inalilingge amu mene hokhorogo emas meneba hilingik mene Tuhan obaget fugu mene iluk inom, kabogetukwa.

KELUARAN 38:8

Bezaleel en he perunggu meneba i yenggelfuguba faget o'lu re perunggu meneba eyarogo hilingitikhe. Perunggu andoma re eil mondok afumagengge mene it hemi O Tuhan Awi sabumo solombonma yabu hilingiti lagaukwa mene inangge meneba hilingitikhe.

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YEREMIA 2:32

Helime yenggerugwi inalilingge wanhi'lek halok inonggoragarek nogo? Athe, su hemi iginafi logolik labet fisagarek mene labet fisigi'lek halok, inonggorasu hak nogo? A'nogo hilingitare'lek meneat he, hit o attagen An noba hinonggoret nobagagipsik welagep andi hinenggi wenasumo re elo'legat andi.

YEREMIA 4:30

Yerusalem yi hat he mondogat oboget heagamanggere, haren yi'nogo ti'nogo ekhe hilingisu lek hago! Nenahalok haren hasu jubah eil mep mene labetik, halilingge emas, perak mene liakhigik, nen heil alili pugun erigik, ikhi lagen nogo? It haren hendawi hundik hilinginafi lagen mene omanogo nen he hat mondogat inabiret hobagagasik, hebe hoasugun iluk hilingitu kwelek andoma re we alomarogo hilingiti lagen o.

YEHEZKIEL 23:40

Iren he ap o kweang yatkwe werek mene inoba yonggo lakfisugunem he ap omanogo nen yonggo fugu mene a'nogo mugusogo waga lagaukwa. Ap pok mene omanogo wagunem inelokhoma woginabuogeluk he it oe agot emberek aremnogo nen he kume warogo ineil alili fanorogo wokfigik, inalilingge liafik ikhi lagaukwa.

ROMA 12:2

Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.