1 PETRUS 2:8 - Allah Wene Fano Wene Hupla Inane

⁸ Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.

1 PETRUS 2:8 ပူးပေါင်းရင်းမြစ်များ

AYUB 23:14

Aren an nobaget hilingnabigin mene hokhorogo wenggelhe mene andoma werek kwelek he, wene lenggalogo fikhe mene andoma mene hilingnobagaigeluk werek.

KELUARAN 9:16

A'nogo meneat he, yi mene ti mene inugisagarek andi hak, An nomame hoageluk, An nenu o yi awi ti awi loageluk, hinebe mondok hinoati'lek herakhinobagagi andi o.

YESAYA 37:26

Andoma asigin iluk An nen o attagaren wenggelogo fesigi mene andi re hat he hesanggo holhi lagen lega? A'nogo fesigi mene a'nogo yogondak hilingisigiluk welagi. Haren o kota leget pak omamerogo waganek mene andoma wolelenggenhogo fugunem meisalek agum houwak lagakhi logouwageluk he An nenat halonget hobagakhi lagi a'nogo re honggot nogo?

YESAYA 57:14

Ane ekhe ikhi logolik, ”An nagainafuri inobaget ebekwe pugunhogo yakfeni o, kwe palengge werek mene andoma mondogat waganogo lakfisani,” iluk ikherek.

YESAYA 8:14

An nebe Mondok Horek welagimo re, An Nebe it Yehuda mene inom Israel mene inom ineisok tunghogo warikhi logouwageluk hilinglagagi andi, nen afuni Yerusalem mene re hele yepsek'ma ke'nok agarek a'nogo hak hilinglaga logouwageluk agagi.

LUKAS 2:34

Nen, at Simeon a'nogo nen, ”Allah nen fanothinabuak,” iluk, ane agaukhogo yagaisasikhesik he, omalik a'nogo agaisa Maria yagatikhesik he, mel isikhe: ”Allah nen he, yenggerek yiba, it ap Israel mene inebe hokhorogoat ekhe telinafik, ekhe weagerinafik, hilingisuageluk menfesikhe o. At yi afuni mondogat futfouwageluk menfesikhe meneat he, it afuni mondogaren, ninabiro, iluk ili'lagwi a'nogo,

ROMA 9:22

Andi hak, at Allah endawimo anggikhi logolik he: ”Afuni an nen elalinafigi meneat he, it ekhe na'mage liabi'lagwi andi nen, weagerinabigeluk, na'mage lagaikhe mene andi, iren nobabut palhik, nomame werek mene andi inelu agik, uago,” iluk afe morogo welagarek.

1 KORINTUS 1:23

nit enek he, Kristus eba menfuluk watukwa wene a'nogoat yagaisikhi lago. Yagaisugunem he, it afuni Yahudi mene nen, ”Wene andi weak,” iluk obokhogo herakfisigik, nen, it afuni endakwe mene nen he: ”Wene andi, afuni kembu mene nen agarek hangge ili'lagwi,” iluk hebisigik, ili'lagwi o.

GALATIA 5:11

Nerugwi nagaila'lak. An nen, inagap inenggalimo mene palharek wene andi fano iluk yagaisikhi logoilema re, noba yi enggin ti enggin hilingnabi'lagwi andi hilingnafi logoilep anggegep? Mondok lego. An nen wene andi mene yagaisikhi logoilema re, wene Kristus ebe eba menfuluk watukwa wene andi yagaisugunem afuni inesanggo holiluk he, ineisok helep oba silukhogo waragarek hak, inendawimo puk a'luk wene herakfiselep legaro.

1 TESALONIKA 5:9

Allah a'mage, nit ninoba fuluk weagetninabigeluk wena'ninafikhe lek. We, ninoe Enupogot Yesus Kristus nen telogo fanotninabuageluk wena'ninafikhe o.

1 PETRUS 2:6

Wene andi faget Allah nen mel isikhe: ”An nen, helep fano mondok mene wenagaisogo o Sion andoma o tik ekhe warogo figi yi hani! Hit afuni hinebe lombok hinendawinggen at oba himbirik logogun halok he, hinenggali hogoin lego,” iluk isikhemo lisu palogo fesukwa andi.

1 PETRUS 2:7

Hit hinendawinggen at oba eberogoat himbirik werek mene nen he, ”At fano mondok,” iluk futfikhi lagep andi. Meneat he, it ekhe inendawinggen at oba himbiret figi'lek mene faget enek he, mel isikhe: ”It ap tukang o helep mene wutarek mene nen, o ebe wuti logolik he, Helep yi weak, iluk herakfisasukwa mene andi obuleat ya'lagama o,” iluk isikhe.

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.