1 PETRUS 2:6 - Allah Wene Fano Wene Hupla Inane

⁶ Wene andi faget Allah nen mel isikhe: ”An nen, helep fano mondok mene wenagaisogo o Sion andoma o tik ekhe warogo figi yi hani! Hit afuni hinebe lombok hinendawinggen at oba himbirik logogun halok he, hinenggali hogoin lego,” iluk isikhemo lisu palogo fesukwa andi.

1 PETRUS 2:6 ပူးပေါင်းရင်းမြစ်များ

KEJADIAN 49:24

A'nogo meneat he, an Yakub neisena Allah omame hokho mene a'nogo werego. An Israel telnaferek mene kwelakharek werego. Andi nen he, hat Yusuf henggi omame mondok logolik, hasikhe omamerek logogin o.

MAZMUR 40:14

Tuhan neisena, weak-weagat an nebe telnabin o, an nebe weak-weak lebetnean o!

MAZMUR 89:19

Nineisena Tuhan, nit ma'murogo fetninarek mene andi re Haren wenagaisogo fesiginmo welagorego, Nen nit ninoe raja re it afuni Israel mene ineisena Allah horek mondok werek mene a'nogo onggwarek mene o.

YESAYA 28:16

A'nogo anggikhi lagep andi nen he, Tuhan Omame Mondok Hokho mene a'nogo nen yi'nogo ikhe, ”An nen he helep ubule mondok omame mene hambuk lele warogo o Sion oba andoma fagain o. Helep misik andi ebere omame mondok hokho mene ninghogo ubule warogo were'ma helep andiba lisu yi'nogo palek logogin: ’Hit afuni hinendawinggen at oba himbirik logogun mene re hinenggali hogoin lego,’ iluk palogo foumo logogin.

YESAYA 41:11

Yethan, afuni hat hinom weim palek logolik wenakhetu werek mene andoma inebe mondogat he, inomame leget fisambik sebelogo fisamo inenggali asugun. Ap san nen iluk ogo hat hinom eilhabugun halok he ineiloak legasuogeluk hilingisugun.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YESAYA 46:13

Telinabigin sambul andi re An nen horogabesi wesigin o, Inagap telinabigin iluk An nen wogisigi mene andi re higilogo fei lagain lek. An nenat o Yerusalem andi telogo figik, Israel oba legeisogo fouwageluk hilingfigik, igin o,” iluk ikhe isikhe.

YESAYA 50:7

Tuhan Allah nen an lebetnafunem a'luk he, an nenggali wari'lagwi lek. An nendawinggen sebel hoageluk he nomamet nobagali'logo, an hobuk nenggali asigin lek, iluk nelu welagi.

YESAYA 54:4

Hat henggalirogo hilinghobagagun lek enggere hailo su fugo, nen inane aik weak wenakhetik, yinggilogo hilinglagik igin mondok lego. Hat hebe sougwe logolik tiphogo hilingiti lagagin lek mene omanogoba honggoragik, nen hane tingi tongorogo welagagin mene a'nogo oba ekhe ebet higi'lek welagik, igin o.

ZAKHARIA 10:4

It inanggele'ma andoma nen An nen ap inenu werek mene inom, inogogwi ferinarek mene inom, sikhe fisogo mene inogogwi panglima inom An Nagainafuri halinafi logouwageluk wenagaisogo fisagain o.

MATIUS 12:18

At Allah nen he, ”Yethani! At andi re, An namingmingengge logouwageluk nonggwaregen wenagaisogo menfigi o. An nen wenagaisogo figirik nendawinggen hundik welagi mene re at andi aro. An Nareagun at wogosumo oba louk umo re, an nen afuni wene inoba figik, kotik, higithogoat hilingisigin andi faget, aren it afuni endakwe mene wene fakhogo yagaisikhi logogin o.

MARKUS 12:10

Hiren Allah ane lisu yi'nogo palogo fesukwama enu salhi'lek welagagip nogo? Iren he: It ap tukang helep oba wutarek mene nen o ebe wuti logolik he, ”Helep yi weak,” iluk herakfisasukwa mene andi obuleat ya'lagama o.

LUKAS 20:17

at Yesus ebe hebekhogo it omanogo eilenggen yerisasikhesik he, mel yagaisasikhe: ”It ap ekhe nen lisu palogo fikhi logolik he, It ap tukang o helep meneba wutarek mene nen, o ebe wuti logolik he, Helep yi weak, iluk herakfisasukwa mene andi ubuleat ya'lagama o, iluk lisu palogo fesukwa andi nenangge faget isukwa anggegep?

LUKAS 23:35

It afuni omanogo andem mendek logolik ineilenggen werek kwelek he, it ap Yahudi mene inogogwi kaindek omanogo inambisang singgin isukwasik, Yesus inane asegen wokhikhi logolik he, mel isukwa: ”At yi Allah nen Kristus menfuluk lakfei wesigin isikhe a'nogo ebe arat halok he, it afuni ekhe elok telinafi laga a'nogo hak, onggwarek ebe ogore a'nogoat telanik he,” iluk yagatukwa.

YOHANES 7:38

Nen, ap sa nen endawinggen an noba eberogoat himbiret fikhe halok he i inelugerinaferek mene at endawimo nen elesi fuluk-fuluk palogo wulifi logogin o, iluk Allah ane lisu palek oba isukwa hagat hilinglasigin o.”

KISAH PARA RASUL 1:16

”Nerugwi nagaila'lak. At Yudas a'nogo re, nit ninom yabu fano hilingiti logouwageluk Yesus nen ayonggo fesikhesik menfesikhemo, nit ninom fano welagosik meneat he, attagat wene Allah Areagun nen at Yudas faget isikhemo, at Daud en lisu palogo fesikhe mene were'ma, at Yudas nen aben Yesus ebe fakfouwageluk woginarek waga andi, hilinglasigin obaat hilinglaga o,” iluk yagaisasikhe.

ROMA 10:11

Allah aneba lisu palogo fikhi logolik he, mel isukwa: ”Afuni inendawinggen at eba rogo himbiret fogoin mene halok inenggali asugun mondok lego,” iluk lisu palogo fesukwa.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.

EFESUS 2:20

At Kristus Yesus ebe o tik esin hangge warek were'ma re, it ap aren inayonggo fuluk lakfisasikhe mene omanogo inom, it ap Allah ane yagaisili'lagwi mene omanogo inomen, oba loukhogo wuti lagaukwama re, hit hinebe niren oba loukhogo wurogo hinobagasugumo welagebo.

2 TIMOTIUS 3:16

Allah ane lisu palek andi mondogat he, arenat inendawimo kagalhikhemo, lisu palogo fesukwa mene andiba, afuni ekhe wene ebe wene yagaisigik, weak hilingitunem komorinafik, inobabut hebelhik, Allah endawimo amolo anggikherek mene higithogo hilingiti logouwageluk komorinafik, ikhi logoino aro.

1 PETRUS 2:4

At ebe helep hangge eluk welagarek mene iluk he, oba we'no. Afuni nen he, ”Helep andi weak,” iluk hebisasukwa meneat he, Allah nen he, ”Helep yi mondok fano meneat,” iluk wenagaisogo esinet fesikhe.

1 PETRUS 2:8

Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.

2 PETRUS 1:20

Wene Allah ane andi re, it afuni inendawimo kagalogo ekhe isukwa lego. We, inebe afuni meneat he, Allah Areagun en inendawimo kagalogo yagaisugu kwelek, Allah nen isikhe wene andi yagaisikhi lagaukwa andi nen, wene Allah ane lisu palogo fesukwa mene werek andi, Allah Areagun en ninendawimo kagalhi'le'ma, ninonggwarek ninalegaren furogo futfogoin elo'lego.

2 PETRUS 3:16

Aren wene hundik-handigat lisu palogo hinoba lakfei waga logolik, wene andi mene faget ugu mondogat welagarego. Mene re, wene aren lisu palogo hinoba lakfei wagarek mene andi re, wene ekhe futfou elo'lek mene werego. Were'ma re, it ekhe inendawinggen pire abolok werek mene andi nen, wene andi inonggot logolik, wene Allah nen isikhemo Paulus nen lisu palherek mene andi inom, it ekhe nen lisu palhukwa mene andi inom, wene higit werek meneat he, hebelogo weaget fili'lagwi andi. Wene hebelogo weagetfikhi logolik, inonggwaregenat inebe weaget fakhili'lagwi andi.