1 PETRUS 2:1 - Allah Wene Fano Wene Hupla Inane

¹ Andi nen, hit weak hilingiti lagep mene andi mondogat herakfisaluk logoino o. Afuni ekhe lalinafik, hinendawinggen pire hilingitik, wene palhik, hinera nen afuni ekhe inabok weak palhik, ikhi lagep andi, herakfisikhi logoino o.

1 PETRUS 2:1 ပူးပေါင်းရင်းမြစ်များ

AYUB 36:13

It afuni ineisena tuhan lek mene we yugunat hilingitarek mene nen he ina'mage nek inendawimo wut-warogo fetaluk logolik he, At Tuhan nen unggum inoba fikherek oba nen ogore nit lebetninapni mel agarek lek.

MAZMUR 32:2

It afuni weak hilingitarek mene Tuhan nen, inaweak oba ebeti'lek herak fisagain mene inom, it ekhe ineranen wene lalinafu aple inabit mene inom, inendawimo inagaiyek hikhi logouwago.

MAZMUR 34:13

Hit hinebe hineluk uanhogo logolik, yi mene ti mene fano mene nunggu welagaikharek mene andi hinamolo halok he,

MAZMUR 37:1

Afuni weak hilingitarek mene andi re, inebe engga higit weak-weagat legagik, nen engga ket mene sawet agarek andi hak, hilinglasugun andi nen he, it weak hilingitunem, hinendawinggen warigik, hinamage inoba figik, u fugo.

AMSAL 14:30

Inendawinggen yamukse'ma re inebeba ogo fano heanerogo welagaikharek, inagaila'lak hilingik mene faget inendawimo inobaharo fagarek mene andi re ouen inoaterek andi higit werek.

AMSAL 24:1

Ap weak hilingitarek mene faget hina'mage inoba figik, nen it hinom kam watik u fuk.

AMSAL 24:19

It afuni ekhe inobabut weak hilingitarek mene re, haren ha'mage inoba figik, hal ngesukum watfisigik u fuk.

AMSAL 3:31

It ap inobabut haferogo hilingitarek mene omanogo inoba ha'mage fikhi logou fuk, nen iren hilingitarek mene andoma inobabut walhigik hilingisu fugat.

YESAYA 30:22

Hit hinanggembu emas meneba elalegengge inom perak meneba misikwe mulelogo hilingik engge inom andoma weagen hugisagarek hakhogo hiren hugisouwogeluk he, hinane yi'nogo ikhi logolik hugisugu nogo, ”An welagiba ya nen hela lan!” iluk ugu nogo.

MATIUS 15:7

Hit hinagap oba nek fano hangge logolik hinendawinggen pire yi ri! At Yesaya nen Allah ane yagaisikhi logolik wene mel isikhe andi, hit faget higithogo isikhe higi:

MATIUS 23:28

Andi hak he, afuni nen hit hinagap endakwe yi yethisugunem he fano anggili'lagwi meneat he, hinendawinggen pire logolik, hinendawimo yi weak ti weak hilingiti lagep andi mondok peterek werek andi nen he, Allah nen weaget hinabigin o!”

MATIUS 24:51

A'nogo were'ma wesimbik he, at amingmingengge a'nogo ebe yei mondok warogo re, it afuni inagap oba nek fano hangge inendawinggen pire logolik hilingitarek mene lakfisikherek oba andoma lakfisamo, andoma logolik he, aik himbirogo li ago, le ago, ikhi logogin o,” iluk yagaisasikhe.

MATIUS 7:5

Hinagap oba nek fano hangge logolik hinendawinggen pire yi ri! Hinonggwarek hineilenggenma e palek hokho mene andi tak wokhambigen, hineilenggen arat selek aga halok he, hobuk hinerugwi hinagaila'lak ineilenggenma ilingal werek mene andi elok wogisogoin o,” iluk yagaisasikhe.

MARKUS 12:15

aren he, ”Inane lagokhogo yaganeta,” iluk inobabut enegat futfisasikhesik he mel yagaisasikhe: ”An nobabut paluogeluk egep andi nenahalok? Uang perak yabu inenggi misigam faget hilingitunem inenggi onggo wogisagarek a'nogo mene ekhe neilenggen hagen he wani lani o,” iluk yagaisasikhemo,

LUKAS 11:44

Hit hinebe re, mel hangge welagep. Afuni wa'lagunem kweangma salinafaresik, inendawi wenggelogo huli figi'lek herakfisugunem, afuni inonggot logolik ineisogen sebelisaluk lagaikharek andi hak, hit a'nogo weak werek kwelegat, afuni inonggot logolik hinom welagep andi nen Allah nen weaget hinabigin o,” iluk yagaisasikhe.

LUKAS 12:1

Wene a'nogo ugu kwelek, afuni mondok hokhorogoat inera'lu andogosi wagaukwama re, inebe mondok esa hokhorogo andi nen he, it ekhe nen it ekhe ineisok ungguren al perelogo fisilik lagaukwa. A'nogo hilingfisilik lagaukwama, at Yesus nen agoromi ane wanhi lagaukwa mene omanogo wene mel tak yagaisasikhe: ”Ap Farisi mene inobabut he, enggen sumburu roti mene fisuageluk, anggele'ma pelafarek mene andi hangge logolik he, inagap oba nek fano hangge, inendawinggen pire andi nen, weaget hinabinogo iluk hinebe hebelogo logoino.

LUKAS 6:42

Hinonggwarek hineilenggenma e hokho mene palek walurek werek andi higi'lek logoligat he, hinerugwi hinagaila'lak andi yagaisikhi logolik, heilenggenma ilingal kwikhe mene andi wokheago, iluk ugun nogo? Hinagap oba nek fano hangge hinendawinggen pire yi ri! Hinonggwarek hineilenggenma e palek hokho mene walurek werek andi tak wokhambigen, hineilenggen arat selek aga halok he, hobuk hinerugwi hinagaila'lak ineilenggenma ilingage werek mene andi, elok wokhogoin o,” iluk yagaisasikhe.

YOHANES 1:47

A'nogo yagatikhemo, at Nataniel Yesus oba wesigeluk wagunem at Yesus nen eilenggen yethasikhesik at abok mel yagaisasikhe: ”Ap ari ebe Israel eberogo mene. Ane pire ikherek mondok lek mene ari yethani!” iluk yagaisasikhemo,

ROMA 1:29

A'nogo hilingirikhi logolik, it inendawimo yi weak ti weak kwanirek mene peterek logolik, inami'mik weak hilingitik, afuni ekhe weagerinafik, agarek. Ariginhi logolik, afuni inapsiritfisigik, inebe inoatik, wene serep agik, afuni lalinafik, wene ambumet fuluk welagik, agarek andi meneat inendawimo mondok peterogo welagaikharek. Logolik, inabok hinagaisogo nabok-habok igik,

1 KORINTUS 14:20

Nerugwi nagaila'lak. Wene hinendawimo ebeti lagep andi re, yenggerugwi inendawimo ebetarek hak ebeti logogup. We, omalik ket tago mene nen weak hilingitu inonggot welagaikharek hak logolik, hinendawinggen inalue inendawinggen hangge wurikhogo logoino.

1 KORINTUS 5:8

Halok he, seni Paskah ninggi logolik, enggen roti fisuageluk elonggoma pelafarek mene pelafi'lek mene nenggarek hak, nit weak hilingitik, pailak fakfisigik, ikhi logogun lego. We, ninendawinggen misigat logolik, eberogoat mene nek hilingiti logouwogo.

2 KORINTUS 12:20

An hobuk hinoba wesigin andi wesimbik he, an nen, ”It inobabut fano were'ma lagain,” iluk anggikhi lagi hak, lek. We, weak were'ma hisa wagik, nen, hiren he, ”At Paulus obabut fano,” iluk ikhi lagep hak, lek. We, weak logolik hisa wagik, inogo iluk, nendawinggen firi'logo. Hit-hit hinom weak welagik, wene palhik, hina'mage lagagik, hinonggwarek faget enek hilingitik, inabok weak weinam palhik, hinagaisogo palhik, hinonggwaregen fogerakhigik, hesangge-pesangge hilingitik, ugunem an wesigin andi, nailo.

EFESUS 4:31

Inane haro weak igik, ina'makwe het-pet igik, ina'mage lagaluk, inane uarek-puarek wene palhik, ineranhogo inabok weak palhik, agarek mene andi herakfisikhi logolik he, weagerinafarek mene inom mondogat herakfisikhi logoino o.

1 TESALONIKA 2:3

Wene yagahisikhi logolik komothinafi lagagu andi re, hit nong asuageluk wene kwanirogo yagahisigik, ninendawinggen pire logolik yagahisigik, ninane lalogo yagahisigik, ikhi lagagu lego.

1 TIMOTIUS 3:11

Andi hagat he, it andi inagagwi inoba haro logolik inane yonggo waluk nikharek lek mene halok, weak hilingisuageluk inendawimo kagalhunem sebelhaluk werek mene halok, inobabut lenurek mene halok, inobabut ariginik mene halok, inaguni leberisugu mene logouwageluk menfisogoino.

TITUS 2:3

Andi hagat he, it hemi inaluendek mene andi, afuni Allah awe a'ma logolik, inobabut higithogo hilingitarek hak, hilingiti logolik, afuni ekhe inabok weak palhi'legat, inogogwi kaindek inawe a'ma welagaikharek hak, i anggur enggen amusu amingmingengge hak logolik, inabit agi'lek nenggarek a'nogo ninggi'legat logolik, iren it ekhe fanorogo hilingiti logogun mene faget, yagaisikhi logouwageluk komorinafi logoino aro.

IBRANI 12:1

It afuni attak hilingirik wagaukwa mene inabok ilik wago andi, inebe esa hokhorogo ninera'lukwe yiling-waling ineilenggen kwelakninarek werek andi nen he, sa awewerek-sa awewerek louwogeluk yi mene ti mene inoba enggin mene korogo fuluk lagaikharek andi hak, nit ninoba enggin-fenggin welagarek mene andi inom, ninobabut weak hilingitorek mene ninoba laberek mondok welagarek mene andi inom, mondogat korogo herakfisaluk, Allah nen, ”Huli yi huli lano,” iluk yaganisasikhe andi, ninendawimo nen he, ”Ninelokhoma pikhit huli andibaat louwok,” iluk, ninomamerogo laga logouwogo.

YAKOBUS 1:21

Andi nenat, yi weak ti weak inenggali lek hilingirik nikhi lagep mene andi herakfisigik, weak hokhorogoat hilingirik nikhi lagep mene andi herakfisigik, ikhi logoino o. Wene fano wene Allah nen hinendawimo awi yagaisogo fikhe mene andiba elok telhinabigin andi nen he, at awe a'ma kuluk, aren wene hinendawinggenma kagali'logo mene andiat wanhi logoino o.

YAKOBUS 3:14

Menere, hinendawimo weak a'luk wene palhik, hinonggwarek faget enek ebetik, ikhi logolik he, hinonggwaregen, ”An fano,” iluk hinonggwaregen fogerakhikhi logogubo. A'nogo hilingisugun halok he, Allah ane ebe wene andi mene sagalogo hineranen ugun andi wesa o.

YAKOBUS 4:11

Nerugwi nagaila'lak. Hit-hit hinabok pal-pal ikhi logogun fuk. Hinerugwi hinagaila'lak ekhe inabok palhik, wene inoba figik, egep halok he, wene Allah nen komotninafikhe wene a'nogoat weak iluk u hagat ikhi lagep andi. Nen, wene andi weak iluk ikhi lagep halok, wene andi hinesanggo hologo hilingiti lagep fuk. We, hiren he, ”Wene andi weak. Ebe fano re, yi'nogo u hak mene isikhemo,” iluk u hagat ikhi lagep andi.

YAKOBUS 4:5

Endamat Allah ane ekhe lisu palogo fikhi logolik, mel isukwa: ”Hemi inendawirogo logolik, elele waganek mondok welagaikharek andi hak, Allah nen Areagun ninendawimo ninobagasikhemo ninebe endawirogo logolik, elele waganogo fetninarek welagarek,” iluk lisu palogo fesukwa andi, hit hinendawimo nen he, ”We, tulemat isukwa,” iluk anggikhi lageba? Tulemat isukwa lego.

YAKOBUS 5:9

Nerugwi nagaila'lak. A'nogo nenangorogo logolik he, Allah nen wene hinoba feinogo iluk, hit-hit ikhi logolik, ”Nagailak ari obabut hilingiri'logo nabire,” iluk inabok palhi'lek logoino o. At Allah nenat wene afuni inoba figik, kotik, igin mene kwe ambeba horok asi waga andi yet hani!

1 PETRUS 2:16

A'nogo logolik, hiren he, ”Nit weak mene awe a'ma were'ma, Allah nen hele fikhalogo ninale'ma ninobagaikhemo welago,” iluk, weak ekhe hinagaisogo hilingiti logogup. We, hinobabut Allah amingmingengge logolik hilingisugun mene higithogoat hilingiti logoino o.

1 PETRUS 2:22

Aren he, ”Weak ekhe hilingiti'legat. Nen, eranen ugunem, afuni ekhe inesanggo holhi'legaro.”

1 PETRUS 3:10

Wene andi faget mel isukwa: ”Afuni inobabut nineisena Enupogot endawimo amolo anggikherek mene higithogo hilingiri'lagwi mene halok, At eilenggen inoba logolik, samban ugunem inane esanggo holherego. Meneat he, it weak hilingiri'lagwi mene halok, elokhe age warisikherego, andi nen he, sa nen, An neluk ekhe inom logoile iluk, hundik-handigat fano mene nek hilinglagunem hikhi logoile, iluk logou amolo halok he, amelinggen oba nen weak wene igi'lek welagik, ambeba nen eranenat afuni ekhe lalinafi'lek welagik, weak mene ambotma herakfisaluk fano mene nek hilingitik, obabut afuni ekhe inom lambulogo fano welagaikharek andi mene esinet fuluk omamerogo hilingirik lagik, ikhi logouwago,” iluk Allah aneba lisu palogo fesukwa.

1 PETRUS 4:2

Andi nen hiren he, afuni yi mene ti mene inamolo nen inendawinggen en ninggerek andi mene herakfisaluk, huli yogondak huli nen he, hineluk logolik Allah endawimo amolo anggikherek mene andi higithogo hilingiti logoino o.

1 PETRUS 4:4

Meneat he, yogondak hit hinobabut it weak inamolorogo mondok hilingirik, lagaikharek andi hak hinom hilingiti'lek kamo ikhi lagep andi nen, hit hinabok weak pali'lagwi andi.